ആ​തി​രയുടെ ആത്മഹത്യ: പരാതിയിലെ വിവരങ്ങൾ പൊലീസ് ചോർത്തിയെന്ന് യൂത്ത് കോൺഗ്രസ്; പൊലീസ് സ്റ്റേഷൻ ഉപരോധിച്ചു

കടുത്തുരുത്തി: സൈബർ ആക്രമണത്തെ തുടർന്ന് യുവതി ആത്മഹത്യ ചെയ്ത സംഭവത്തിൽ യൂത്ത് കോൺഗ്രസ് പ്രതിഷേധം. കടുത്തുരുത്തി പൊലീസ് സ്റ്റേഷനിലേക്ക് യൂത്ത് കോൺഗ്രസ് പ്രവർത്തകർ നടത്തിയ മാർച്ച് സംഘർഷത്തിൽ കലാശിച്ചു. യൂത്ത് കോൺഗ്രസ് കോട്ടയം ജില്ലാ അധ്യക്ഷൻ അടക്കം അഞ്ചു പേരെ പൊലീസ് കസ്റ്റഡിയിലെടുത്തു.

ആതിരയുടെ മരണത്തിൽ പ്രതിയെ അറസ്റ്റ് ചെയ്യണമെന്ന് യൂത്ത് കോൺഗ്രസ് ആവശ്യപ്പെട്ടു. യുവതിയുടെ പരാതിയിലെ വിശദാംശങ്ങൾ പ്രതിക്ക് പൊലീസ് ചോർത്തി നൽകിയെന്നും പ്രവർത്തകർ ആരോപിച്ചു.

യൂത്ത് കോൺഗ്രസ് പ്രതിഷേധത്തിന് പിന്നാലെ തിരുവഞ്ചൂർ രാധാകൃഷ്ണൻ എം.എൽ.എ പൊലീസ് സ്റ്റേഷനിലെത്തി. യുവതിയുടെ പരാതി ചോർത്തി നൽകിയ പൊലീസ് ഉദ്യോഗസ്ഥനെതിരെ നടപടി സ്വീകരിക്കണമെന്ന് എസ്.പിയോട് തിരുവഞ്ചൂർ ആവശ്യപ്പെട്ടു.

യുവതി പൊലീസിൽ നൽകിയ പരാതിയിലെ വിവരങ്ങൾ ഒരു മണിക്കൂറിനകം പ്രതി ഫേസ്ബുക്കിൽ പോസ്റ്റ് ചെയ്തു. യുവതിയുടെ ആത്മഹത്യ കേരള മനസാക്ഷിയെ ഞെട്ടിപ്പിക്കുന്ന സംഭവമാണെന്നും തിരുവഞ്ചൂർ വ്യക്തമാക്കി.

കഴിഞ്ഞ തിങ്കളാഴ്ചയാണ് സു​ഹൃ​ത്തി​ന്‍റെ സൈ​ബ​ർ ആ​ക്ര​മ​ണ​ത്തി​ൽ മ​നം​നൊ​ന്ത് കോ​ട്ട​യം കോ​ത​ന​ല്ലൂ​ർ സ്വദേശിയായ വി.​എം. ആ​തി​ര​ (26) ആ​ത്മ​ഹ​ത്യ ചെ​യ്ത​ത്​​. സൈ​ബ​ർ ആ​ക്ര​മ​ണം സം​ബ​ന്ധി​ച്ച്​ പൊ​ലീ​സി​ൽ പ​രാ​തി ന​ൽ​കി​യ​തി​ന് പി​ന്നാ​ലെ​യാ​ണ്​ യു​വ​തി മ​രി​ച്ച​ത്.

കോ​ട്ട​യ​ത്തെ ഐ.​ടി ക​മ്പ​നി​യി​ൽ ജോ​ലി​ ചെ​യ്യു​ന്ന ആ​തി​ര​യും കോ​ത​ന​ല്ലൂ​ർ സ്വ​ദേ​ശി അ​രു​ൺ വി​ദ്യാ​ധ​ര​നും നേ​ര​ത്തേ സൗ​ഹൃ​ദ​ത്തി​ലാ​യി​രു​ന്നു. അ​രു​ണി​നെ​ക്കു​റി​ച്ച്​ കൂ​ടു​ത​ൽ അ​റി​ഞ്ഞ​തോ​ടെ ആ​തി​ര ര​ണ്ടു​വ​ർ​ഷം മു​മ്പ്​​ ഇ​യാ​ളു​മാ​യി അ​ക​ന്ന​താ​യി ബ​ന്ധു​ക്ക​ൾ പ​റ​ഞ്ഞു. അ​ടു​ത്തി​ടെ ആ​തി​ര​ക്ക്​ വി​വാ​ഹാ​ലോ​ച​ന​ക​ൾ വ​ന്നി​രു​ന്നു. ഞാ​യ​റാ​ഴ്ച ഒ​രു ആ​ലോ​ച​ന വ​രു​ക​യും ഇ​വ​ർ ഇ​ഷ്​​​ട​പ്പെ​ട്ട്​ പോ​കു​ക​യും ചെ​യ്തു. തു​ട​ർ​ന്നാ​ണ്​ അ​രു​ൺ ആ​തി​ര​ക്കൊ​പ്പ​മു​ള്ള ഫോ​ട്ടോ​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​പ്പി​ക്കു​ക​യും മോ​ശ​മാ​യി ചി​ത്രീ​ക​രി​ക്കു​ക​യും ചെ​യ്​​ത​ത്.

ഇ​ത​റി​ഞ്ഞ ആ​തി​ര മാ​ന​സി​ക വി​ഷ​മ​ത്തി​ലാ​യി. തു​ട​ർ​ന്ന്​ സ​ഹോ​ദ​രി സൂ​ര്യ ഭ​ർ​ത്താ​വ്​ ആ​ശി​ഷ്​​ദാ​സി​നെ അ​റി​യി​ക്കു​ക​യും ഇ​ദ്ദേ​ഹ​ത്തി​ന്‍റെ നി​ർ​ദേ​ശ​പ്ര​കാ​രം ഞാ​യ​റാ​ഴ്ച വൈ​കീ​ട്ട്​ ​യു​വ​തി ക​ടു​ത്തു​രു​ത്തി സ്​​റ്റേ​ഷ​നി​ലെ​ത്തി പ​രാ​തി ന​ൽ​കു​ക​യും ചെ​യ്തു. പൊ​ലീ​സ്​ രാ​ത്രി ​ത​ന്നെ യു​വാ​വി​നെ ഫോ​ണി​ൽ ബ​ന്ധ​പ്പെ​ട്ടു. അ​ടു​ത്ത ദി​വ​സം രാ​വി​ലെ സ്​​റ്റേ​ഷ​നി​ലെ​ത്താ​ൻ ആ​വ​ശ്യ​പ്പെ​ടു​ക​യും ചെ​യ്തു. എ​ത്താ​മെ​ന്ന്​ യു​വാ​വ്​ സ​മ്മ​തി​ച്ച​താ​യും പൊ​ലീ​സ്​ അ​റി​യി​ക്കു​ന്നു.

പ​രാ​തി ന​ൽ​കി​യ​ശേ​ഷ​വും യു​വാ​വ്​ സൗ​ഹൃ​ദ​കാ​ല​ത്തെ വാ​ട്​​സ്​​ആ​പ്​ ചാ​റ്റു​ക​ളും മ​റ്റും പു​റ​ത്തു​വി​ട്ട്​ ആ​ക്ഷേ​പി​ച്ചു. ഇ​തോ​ടെ ആ​തി​ര മാ​ന​സി​ക സ​മ്മ​ർ​ദ​ത്തി​ലാ​യി​രു​ന്നു. വീ​ട്ടു​കാ​ർ വി​ഷ​മി​ക്കേ​​ണ്ടെ​ന്നും താ​ൻ ഒ​ന്നും ചെ​യ്യി​ല്ലെ​ന്നും പ​റ​ഞ്ഞ്​ ആ​തി​ര സ​ന്തോ​ഷ​ത്തോ​ടെ​യാ​ണ്​ രാ​​ത്രി ഉ​റ​ങ്ങാ​ൻ പോ​യ​തെ​ന്നാ​ണ്​ ബ​ന്ധു​ക്ക​ൾ പ​റ​യു​ന്ന​ത്. രാ​വി​ലെ ജോ​ലി​ക്കു ​പോ​കാ​ൻ ആ​തി​ര​യെ മാ​താ​വ്​ വി​ളി​ച്ചു​ണ​ർ​ത്തി​യി​രു​ന്നു. അ​ൽ​പ​നേ​രം കൂ​ടി കി​ട​ക്ക​ട്ടെ​യെ​ന്നു പ​റ​ഞ്ഞ്​ വാ​തി​ല​ട​ച്ചു.

ഒ​രു മ​ണി​ക്കൂ​റാ​യി​ട്ടും കാ​ണാ​തെ വ​ന്ന​തോ​ടെ വീ​ണ്ടും വി​ളി​ച്ചു. തു​റ​ക്കാ​താ​യ​തോ​​ടെ വാ​തി​ൽ ത​ല്ലി​പ്പൊ​ളി​ച്ച്​ അ​ക​ത്തു​ക​ട​ന്ന​പ്പോ​ഴാ​ണ്​ തൂ​ങ്ങി​യ നി​ല​യി​ൽ ക​ണ്ട​ത്. രാ​ത്രി വീ​ണ്ടും യു​വാ​വ്​ പെ​ൺ​കു​ട്ടി​യെ ഭീ​ഷ​ണി​പ്പെ​ടു​ത്തു​ക​യോ മ​റ്റോ ചെ​യ്ത​താ​യി ബ​ന്ധു​ക്ക​ൾ സം​ശ​യി​ക്കു​ന്നു.