ആറ്​ വയസ്സാക്കിയാൽ ഒന്നാം ക്ലാസ്​ പ്രവേശനത്തിന്​ കുട്ടികളില്ലാതാകും

തി​രു​വ​ന​ന്ത​പു​രം: ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്​ ആ​റ്​ വ​യ​സ്സ്​​ തി​ക​യ​ണ​മെ​ന്ന ദേ​ശീ​യ വി​ദ്യാ​ഭ്യാ​സ ന​യ​ത്തി​ലെ വ്യ​വ​സ്ഥ ന​ട​പ്പാ​ക്കാ​ൻ കേ​ര​ള​ത്തി​ന്​ ത​ട​സ്സ​ങ്ങ​ളേ​റെ. നി​ല​വി​ൽ കേ​ര​ള​ത്തി​ൽ ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്​ അ​ഞ്ച്​ വ​യ​സ്സാ​ണ്​ പ്രാ​യ​മാ​യി നി​ശ്ച​യി​ച്ച​ത്. ഇ​തി​നെ അ​ടി​സ്​​ഥാ​ന​പ്പെ​ടു​ത്തി​യാ​ണ്​ സം​സ്ഥാ​ന​ത്തെ പ്രീ ​പ്രൈ​മ​റി വി​ദ്യാ​ഭ്യാ​സ​വും ക്ര​മീ​ക​രി​ച്ചി​രി​ക്കു​ന്ന​ത്. പ്രീ ​പ്രൈ​മ​റി വി​ദ്യാ​ഭ്യാ​സ​ത്തി​ന്​ ശേ​ഷം അ​ഞ്ച്​ വ​യ​സ്സ്​​ പൂ​ർ​ത്തി​യാ​കു​ന്ന​തോ​ടെ കു​ട്ടി​ക​ളെ ഒ​ന്നാം ക്ലാ​സി​ൽ ചേ​ർ​ക്കു​ന്ന​താ​ണ്​ രീ​തി. ഇ​ത്​ മാ​റ്റി ആ​റ്​ വ​യ​സ്സാ​ക്കി ഉ​യ​ർ​ത്തി​യാ​ൽ ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്​ വി​ദ്യാ​ർ​ഥി​ക​ളി​ല്ലാ​ത്ത അ​വ​സ്ഥ വ​രും.

വി​ദ്യാ​ഭ്യാ​സ അ​വ​കാ​ശ നി​യ​മം പ്രാ​ബ​ല്യ​ത്തി​ൽ വ​ന്ന​പ്പോ​ഴും ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്​ ആ​റ്​ വ​യ​സ്സെ​ന്ന വ്യ​വ​സ്ഥ​യു​ണ്ടാ​യി​രു​ന്നു. എ​ന്നാ​ൽ 2012 ജ​നു​വ​രി ഒ​മ്പ​തി​നും 2013 ഫെ​ബ്രു​വ​രി 12നു​മാ​യി​ പൊ​തു​വി​ദ്യാ​ഭ്യാ​സ വ​കു​പ്പ്​ പു​റ​പ്പെ​ടു​വി​ച്ച ഉ​ത്ത​ര​വു​ക​ളി​ലൂ​ടെ സം​സ്ഥാ​ന​ത്തെ ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്​ അ​ഞ്ച്​ വ​യ​സ്സെ​ന്ന വ്യ​വ​സ്ഥ തു​ട​രാ​ൻ തീ​രു​മാ​നി​ക്കു​ക​യാ​യി​രു​ന്നു. കേ​ന്ദ്രീ​യ വി​ദ്യാ​ല​യ​ങ്ങ​ൾ ഉ​ൾ​പ്പെ​ടെ​യു​ള്ള സം​സ്ഥാ​ന​ത്തെ മു​ഴു​വ​ൻ വി​ദ്യാ​ല​യ​ങ്ങ​ൾ​ക്കും ഈ ​രീ​തി പി​ന്തു​ട​രാ​ൻ അ​നു​മ​തി​യും ന​ൽ​കി.

സം​സ്ഥാ​ന​ത്ത്​ സ്കൂ​ൾ പ്ര​വേ​ശ​ന​ത്തി​ന്​ ഏ​കീ​കൃ​ത പ്രാ​യ​പ​രി​ധി തു​ട​രാ​ൻ അ​നു​മ​തി​ക്കാ​യി കേ​ന്ദ്ര സ​ർ​ക്കാ​റി​ന്​ ക​ത്ത്​ ന​ൽ​കിയിരുന്നു. പു​തി​യ ദേ​ശീ​യ വി​ദ്യാ​ഭ്യാ​സ ന​യം ന​ട​പ്പാ​ക്കു​ന്ന ഘ​ട്ട​ത്തി​ലും ഇ​തേ​രീ​തി സം​സ്ഥാ​നം പി​ന്തു​ട​ർ​ന്നി​ല്ലെ​ങ്കി​ൽ അ​ഞ്ച്​ വ​യ​സ്സി​ന്​ മു​മ്പാ​യി പ്രീ ​പ്രൈ​മ​റി വി​ദ്യാ​ഭ്യാ​സം പൂ​ർ​ത്തി​യാ​ക്കി​യ വി​ദ്യാ​ർ​ഥി​ക​ളെ ഒ​ന്നാം ക്ലാ​സി​ൽ ചേ​ർ​ത്താ​ൻ സാ​ധി​ക്കാ​തെ വ​രും. ഈ ​സാ​ഹ​ച​ര്യ​ത്തി​ൽ പ്ര​ത്യേ​ക ഉ​ത്ത​ര​വി​ലൂ​ടെ ഒ​ന്നാം ക്ലാ​സ്​ പ്ര​വേ​ശ​നം അ​ഞ്ച്​ വ​യ​സ്സി​ൽ ത​ന്നെ തു​ട​രാ​നാ​ണ്​ സാ​ധ്യ​ത. ഒ​ന്നാം ക്ലാ​സ്​ പ്ര​വേ​ശ​ന​ത്തി​ന്‍റെ പ്രാ​യ​പ​രി​ധി സം​ബ​ന്ധി​ച്ച പ്ര​ശ്നം വി​ദ്യാ​ഭ്യാ​സ വ​കു​പ്പ്​ പ​രി​ഗ​ണി​ച്ചി​ട്ടി​ല്ലെ​ന്നും ഇ​തു​സം​ബ​ന്ധി​ച്ച്​ സ​ർ​ക്കാ​റി​ന്‍റെ ന​യ​പ​ര​മാ​യ തീ​രു​മാ​നം ഉ​ൾ​​​പ്പെ​ടെ ആ​വ​ശ്യ​മാ​ണെ​ന്നും പൊ​തു​വി​ദ്യാ​ഭ്യാ​സ പ്രി​ൻ​സി​പ്പ​ൽ സെ​ക്ര​ട്ട​റി എ.​പി.​എം. മു​ഹ​മ്മ​ദ്​ ഹ​നീ​ഷ്​ 'മാ​ധ്യ​മ'​ത്തോ​ട്​ പ​റ​ഞ്ഞു.