സ്വർണക്കടത്ത് കേസ് അന്വേഷണം: അസി. കമീഷണർ എൻ.എസ്. ദേവിനെ മാറ്റി

കൊ​ച്ചി: തി​രു​വ​ന​ന്ത​പു​രം സ്വ​ർ​ണ​ക്ക​ട​ത്ത് കേ​സ് അ​ന്വേ​ഷ​ണ സം​ഘ​ത്തി​ൽ​നി​ന്ന്​ ക​സ്​​റ്റം​സ്​ അ​സി.​ക​മീ​ഷ​ണ​ർ എ​ൻ.​എ​സ്. ദേ​വി​നെ മാ​റ്റി. ജ​നം ടി.​വി മു​ൻ കോ​ഓ​ഡി​നേ​റ്റി​ങ് എ​ഡി​റ്റ​ർ അ​നി​ൽ ന​മ്പ്യാ​ർ​ക്കെ​തി​രെ പ്ര​തി സ്വ​പ്ന സു​രേ​ഷ് ന​ൽ​കി​യ മൊ​ഴി പു​റ​ത്താ​യ പ​ശ്ചാ​ത്ത​ല​ത്തി​ലു​ള്ള ന​ട​പ​ടി​യാ​ണി​തെ​ന്ന് സൂ​ച​ന​യു​ണ്ട്. സം​ഭ​വ​ത്തി​ൽ വ​കു​പ്പു​ത​ല അ​ന്വേ​ഷ​ണം ന​ട​ക്കു​മെ​ന്നാ​ണ് വി​വ​രം.

മൊ​ഴി പു​റ​ത്താ​യ​തി​ൽ ക​സ്​​റ്റം​സ് ഉ​ദ്യോ​ഗ​സ്ഥ​ർ​ക്ക്​ പ​ങ്കു​ണ്ടെ​ന്ന ആ​രോ​പ​ണം ക​ഴി​ഞ്ഞ ദി​വ​സ​ങ്ങ​ളി​ൽ ഉ​യ​ർ​ന്നി​രു​ന്നു. മു​തി​ർ​ന്ന ഉ​ദ്യോ​ഗ​സ്ഥ​രി​ൽ ചി​ല​ർ ത​ന്നെ സം​ഭ​വ​ത്തി​നെ​തി​രെ രം​ഗ​ത്തെ​ത്തി. മൊ​ഴി പ​ക​ർ​പ്പി​ലെ അ​നി​ൽ ന​മ്പ്യാ​രെ​ക്കു​റി​ച്ച് മാ​ത്ര​മു​ള്ള ഭാ​ഗം പ്ര​ച​രി​ച്ച​തി​ന് പി​ന്നി​ൽ പ്ര​ത്യേ​ക താ​ൽ​പ​ര്യം സം​ശ​യി​ക്കു​ന്നു​വെ​ന്നാ​ണ് അ​വ​ർ ചൂ​ണ്ടി​ക്കാ​ട്ടി​യ​ത്. ഉ​ത്ത​ര​വാ​ദി​ക​ളെ ഉ​ട​ൻ ക​ണ്ടെ​ത്ത​ണ​മെ​ന്ന് കേ​ന്ദ്ര​ത്തി​ൽ നി​ന്ന് നി​ർ​ദേ​ശം ല​ഭി​ച്ചെ​ന്നും വി​വ​ര​മു​ണ്ട്.

എ​ന്നാ​ൽ, ഇ​ക്കാ​ര്യ​ങ്ങ​ളൊ​ന്നും ക​സ്​​റ്റം​സ് അ​ധി​കൃ​ത​ർ ഔ​ദ്യോ​ഗി​ക​മാ​യി സ്ഥി​രീ​ക​രി​ച്ചി​ട്ടി​ല്ല. സ്വ​പ്ന​യു​ടെ മൊ​ഴി പു​റ​ത്താ​യ​തി​ൽ അ​സ്വ​ഭാ​വി​ക​ത​യി​ല്ലെ​ന്നാ​ണ് അ​വ​ർ ന​ൽ​കു​ന്ന വി​ശ​ദീ​ക​ര​ണം. സം​ഭ​വ​ത്തി​ൽ പ്ര​ത്യേ​ക അ​ന്വേ​ഷ​ണ​ങ്ങ​ളൊ​ന്നും ന​ട​ക്കു​ന്നി​ല്ല. കോ​ട​തി​യി​ൽ സ​മ​ർ​പ്പി​ച്ചി​ട്ടു​ള്ള മൊ​ഴി അ​വി​ടെ നി​ന്നാ​കാം ല​ഭി​ച്ചി​ട്ടു​ണ്ടാ​കു​ക​യെ​ന്നും അ​വ​ർ കൂ​ട്ടി​ച്ചേ​ർ​ത്തു. അ​നി​ൽ ന​മ്പ്യാ​രെ​യും ബി.​ജെ.​പി​യെ​യും വെ​ട്ടി​ലാ​ക്കി ക്കു​ന്ന സ്വ​ർ​ണ​ക്ക​ട​ത്ത് കേ​സി​ലെ സ്വ​പ്ന​യു​ടെ മൊ​ഴി​യാ​ണ് ക​ഴി​ഞ്ഞ ദി​വ​സം പു​റ​ത്തു​വ​ന്ന​ത്. ബി.​ജെ.​പി​യെ സ​ഹാ​യി​ക്കാ​ൻ ഇ​ട​പെ​ട​ണ​മെ​ന്ന് അ​നി​ൽ ന​മ്പ്യാ​ർ ആ​വ​ശ്യ​പ്പെ​ട്ട​ത് അ​ട​ക്ക​മു​ള്ള സ്വ​പ്ന​യു​ടെ മൊ​ഴി​യാ​യി​രു​ന്നു പു​റ​ത്തു​വ​ന്ന​ത്.

അ​നി​ൽ ന​മ്പ്യാ​ർ​ക്കെ​തി​രാ​യ ദു​ബൈ​യി​ലെ വ​ഞ്ച​ന കേ​സ് ഒ​ത്തു​തീ​ർ​പ്പാ​ക്കാ​ൻ ഇ​ട​പെ​ട്ടു, കേ​സ് കോ​ണ്‍സു​ലേ​റ്റ് ജ​ന​റ​ലിെൻറ ശ്ര​ദ്ധ​യി​ല്‍ കൊ​ണ്ടു​വ​ന്ന് ഒ​ത്തു​തീ​ര്‍പ്പാ​ക്കി എ​ന്നീ വി​വ​ര​ങ്ങ​ളും അ​തി​ലു​ണ്ടാ​യി​രു​ന്നു. പി​ടി​ച്ചെ​ടു​ത്ത സ്വ​ർ​ണം ന​യ​ത​ന്ത്ര ബാ​ഗേ​ജി​ലൂ​ടെ​യ​ല്ലെ​ന്നും വ്യ​ക്തി​പ​ര​മാ​യ ആ​വ​ശ്യ​ത്തി​ന് കൊ​ണ്ടു​വ​ന്ന​താ​ണെ​ന്നും കോ​ൺ​സ​ൽ ജ​ന​റ​ലി​നെ​ക്കൊ​ണ്ട് പ്ര​സ്താ​വ​ന ഇ​റ​ക്കി ര​ക്ഷ​പ്പെ​ടാ​ൻ അ​നി​ൽ ന​മ്പ്യാ​ർ നി​ർ​ദേ​ശി​ച്ചെ​ന്നും സ്വ​പ്ന മൊ​ഴി ന​ൽ​കി​യി​രു​ന്നു.