Begin typing your search above and press return to search.
exit_to_app
exit_to_app
oommen chandy and pinarayi vijayan
cancel
Homechevron_rightNewschevron_rightKeralachevron_rightഉമ്മൻ ചാണ്ടിക്ക്​...

ഉമ്മൻ ചാണ്ടിക്ക്​ നിയമസഭയുടെ ആദരം; ജനങ്ങൾക്കായുള്ള ഇടപെടലുകൾ തുടർന്നും നടത്താൻ കഴിയ​ട്ടെ -പിണറായി വിജയൻ

text_fields
bookmark_border

തിരുവനന്തപുരം: സാമാജികനെന്ന നിലയിൽ 50 വർഷം പൂർത്തിയാക്കിയ ഉമ്മൻ ചാണ്ടിക്ക്​ നിയമസഭയുടെ ആദരം. ശൂന്യവേളയിൽ സ്​പീക്കർ പി. ശ്രീരാമകൃഷ്​ണനാണ്​ ഉമ്മൻ ചാണ്ടിയുടെ സംഭാവനകൾ എടുത്തുപറഞ്ഞ്​ അഭിനന്ദനം അറിയിച്ചത്​. മുഖ്യമന്ത്രി പിണറായി വിജയനും പ്രതിപക്ഷ നേതാവ്​ രമേശ്​ ചെന്നിത്തലയും ഉമ്മൻ ചാണ്ടിക്ക്​ അനുമോദനമർപ്പിച്ചു. എന്നാൽ, ഉമ്മൻ ചാണ്ടി ഇൗ സമയം സഭയിൽ ഉണ്ടായിരുന്നില്ല.

ഉമ്മൻ ചാണ്ടിയുടെ പ്രവർത്തന ശൈലി പാഠപുസ്​തകം പോലെ പഠനാർഹമാണെന്ന്​ സ്​പീക്കർ പറഞ്ഞു. അദ്ദേഹത്തി​െൻറ രാഷ്​ട്രീയവും ജനങ്ങൾക്കായുള്ള ഇടപെടലുകളും തുടർന്നും നടത്താനുള്ള പൂർണ ആരോഗ്യം ഉണ്ടാക​െട്ടയെന്ന്​ മുഖ്യമന്ത്രി പിണറായി വിജയൻ പറഞ്ഞു. ആഭ്യന്തരം, ധനകാര്യം എന്നീ പ്രധാന വകുപ്പുകളുടെ ചുമതലയുള്ള മന്ത്രിയായും രണ്ടു തവണ മുഖ്യമന്ത്രിയും ഒരു തവണ പ്രതിപക്ഷ നേതാവായും വിപുലമായ പാർലമെൻററി പ്രവർത്തന പാരമ്പര്യം ഉമ്മൻ ചാണ്ടിക്കുണ്ട്​. അദ്ദേഹത്തിന്​ പൂർണ ആരോഗ്യവും എല്ലാ ഭാവുകങ്ങളും നേരുന്നതായി മുഖ്യമന്ത്രി പറഞ്ഞു.

കേരള രാഷ്​ട്രീയത്തിലെ വിസ്​മയമാണ്​ ഉമ്മൻ ചാണ്ടിയെന്ന്​ പ്രതിപക്ഷ നേതാവ്​ രമേശ്​ ചെന്നിത്തല പറഞ്ഞു. എപ്പോഴും ജനങ്ങ​ളോടൊപ്പം ജീവിക്കുകയും ജനങ്ങളോടൊപ്പം നീങ്ങുകയും ചെയ്യുന്ന അനിതരസാധാരണമായ പ്രവർത്തനശൈലിയുടെ ഉടമ. സ്വന്തം ശരീരത്തിലേക്ക്​ കല്ല്​ വലി​െച്ചറിഞ്ഞവ​രെ പോലും സ്​നേഹത്തോടെ കെട്ടിപ്പുണരാൻ കഴിയുന്ന മനോഭാവമാണ്​ ഉമ്മൻ ചാണ്ടിയുടെ പ്രത്യേകതയെന്നും ചെന്നിത്തല പറഞ്ഞു.

Show Full Article
TAGS:Oommen Chandy pinarayi vijayan Assembly 
News Summary - Assembly honors Oommen Chandy
Next Story