ഉപതെരഞ്ഞെടുപ്പിൽ പാർട്ടികളുടെ ശബരിമല നിലപാട് നിർണായകം -ജി. സുകുമാരൻ നായർ

ചങ്ങനാശ്ശേരി: ഉപ​െതരഞ്ഞെടുപ്പുകളിൽ എൻ.എസ്.എസിന് ഇപ്പോൾ സമദൂര നിലപാട് തന്നെയാണുള്ളതെന്ന് എൻ.എസ്.എസ് ജനറൽ സെക് രട്ടറി ജി. സുകുമാരൻ നായർ. എന്നാൽ, അതങ്ങനെ തുടരണമെന്നില്ലെന്നും രാഷ്​ട്രീയ സാഹചര്യങ്ങൾക്കനുസരിച്ച് വേണ്ടിവന്ന ാൽ സമദൂരത്തിൽനിന്ന്​ ശരിദൂരത്തിലേക്ക്​ മാറാൻ മടിക്കില്ലെന്നും അദ്ദേഹം വ്യക്തമാക്കി. പെരുന്നയിലെ എൻ.എസ്.എസ് ആസ്ഥാനത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

ശബരിമല വിഷയത്തിൽ ആചാരാനുഷ്ഠാനങ്ങൾ സംരക്ഷിക്കാനാണ് എൻ.എസ്.എസ് നിലകൊള്ളുന്നത്. യുവതി പ്രവേശനത്തെ അനുകൂലിക്കാനാവില്ല. ഈ വിഷയത്തിൽ ആവശ്യമെങ്കിൽ ശരിദൂരം സ്വീകരിക്കുന്ന നിലപാട് ഇനിയുമുണ്ടാകും. ഉപതെരഞ്ഞെടുപ്പ് നടക്കുന്ന അഞ്ച് മണ്ഡലങ്ങളിലും നിലവിലെ സാഹചര്യത്തിൽ സമദൂരം തുടരാനാണ് തീരുമാനമെന്നും അദ്ദേഹം പറഞ്ഞു.