തൃശൂരിൽ ബി.ജെ.പിക്ക് വിജയസാധ്യതയല്ല, മത്സരസാധ്യത മാത്രമാണെന്ന് സുരേഷ് ഗോപി
text_fieldsകൊച്ചി: തൃശൂരിൽ ബി.ജെ.പിക്ക് വിജയ സാധ്യതയല്ല, മത്സരസാധ്യത മാത്രമാണെന്ന് നടനും എം.പിയുമായ സുരേഷ് ഗോപി. വ്യക്തിപരമായി ഇപ്പോഴും മത്സരിക്കണ്ട എന്ന് തന്നെയാണ് നിലപാട്. എന്നാൽ പാർട്ടിയും നേതാക്കളും നിർബന്ധിച്ചത് കൊണ്ടാണ് മത്സരിക്കുന്നത്. വിവിധ ആരോഗ്യ പ്രശ്നങ്ങളെ തുടർന്ന് ചികിത്സയിലായിരുന്ന സുരേഷ് ഗോപി വീട്ടിലേക്ക് മടങ്ങുന്നതിനിടയിലാണ് മാധ്യമങ്ങളെ കണ്ടത്.
നാല് മണ്ഡലങ്ങളാണ് പാർട്ടി മുന്നോട്ട് വെച്ചത്. പ്രധാനമന്ത്രിയാണ് ഞാൻ തൃശൂരില് നില്ക്കണമെന്ന ആഗ്രഹം പങ്കുവെച്ചത്. അതുകൊണ്ടാണ് തൃശൂർ തെരഞ്ഞെടുത്തതെന്നും അദ്ദേഹം പറഞ്ഞു.
പത്ത് ദിവസത്തെ പൂർണ വിശ്രമമാണ് ഡോക്ടർമാർ അദ്ദേഹത്തിന് നിർദ്ദേശിച്ചിരിക്കുന്നത്. അത് പൂർത്തിയായ ശേഷം കോവിഡ് വാക്സിൻ സ്വീകരിക്കും.എന്നിട്ട് മാത്രമെ പ്രചാരണത്തിൽ സജീവമാകുവെന്നും അദ്ദേഹം പറഞ്ഞു.രാജ്യസഭാ എം.പി എന്ന നിലയിലുള്ള കഴിഞ്ഞ അഞ്ച് വര്ഷത്തെ പ്രവര്ത്തനങ്ങളെ ജനം വിലയിരുത്തട്ടെയെന്നും സുരേഷ് ഗോപി പറഞ്ഞു

