ഒ​രു മാ​സം പിന്നിട്ട് ‘ആശ’മാരുടെ സമരം; മുഖംതിരിച്ച് സർക്കാർ, 17ന്‌ സെക്രട്ടേറിയറ്റ്‌ ഉപരോധം

തി​രു​വ​ന​ന്ത​പു​രം: വേതന വർധനവ് ഉൾപ്പെടെ വി​വി​ധ ആ​വ​ശ്യ​ങ്ങ​ളു​ന്ന​യി​ച്ച്​ കേ​ര​ള ആ​ശ ഹെ​ൽ​ത്ത്‌ വ​ർ​ക്കേ​ഴ്‌​സ്‌ അ​സോ​സി​യേ​ഷ​ന്റെ ആ​ഭി​മു​ഖ്യ​ത്തി​ൽ ആ​ശ വ​ർ​ക്ക​ർ​മാ​ർ സെ​ക്ര​ട്ടേ​റി​യ​റ്റി​നു മു​ന്നി​ൽ ന​ട​ത്തു​ന്ന രാ​പ്പ​ക​ൽ സ​മ​രം ആ​രം​ഭി​ച്ചി​ട്ട്​ ഇന്ന് ഒ​രു മാ​സം പൂ​ർ​ത്തി​യാ​കു​ന്നു. സ​മ​ര​ത്തി​ന് പ​രി​ഹാ​രം കാ​ണാ​ൻ സ​ർ​ക്കാ​ർ ത​യാ​റാ​കാ​ത്ത സാ​ഹ​ച​ര്യ​ത്തി​ൽ മാ​ർ​ച്ച് 17ന് ​സെ​ക്ര​ട്ടേ​റി​യ​റ്റ് ഉ​പ​രോ​ധി​ക്കു​മെ​ന്ന്‌ സമരക്കാർ അ​റി​യി​ച്ചു.

സ​മ​ര​ത്തി​ന്‌ വ​രു​ന്ന​വ​രെ പാ​ർ​ട്ടി​ക്കാ​ർ ഭീ​ഷ​ണി​പ്പെ​ടു​ത്തു​ന്നുവെന്ന് സമരനേതാക്കൾ ആരോപിച്ചു. ഫെ​ബ്രു​വ​രി ഒ​മ്പ​ത്​ വ​രെ ജോ​ലി ചെ​യ്‌​ത​തി​ന്റെ റി​പ്പോ​ർ​ട്ട്‌ സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. ഓ​ണ​റേ​റി​യ​ത്തി​നു​ള്ള മാ​ന​ദ​ണ്ഡ​ങ്ങ​ൾ പി​ൻ​വ​ലി​ച്ചെ​ന്ന്‌ പ​റ​ഞ്ഞി​ട്ടും അ​തു​സം​ബ​ന്ധി​ച്ച ഉ​ത്ത​ര​വ്​ ഇ​തു​വ​രെ ഇ​റ​ങ്ങി​യി​ല്ല. കൂ​ടു​ത​ൽ ഓ​ണ​റേ​റി​യം ന​ൽ​കു​ന്ന​ത്‌ കേ​ര​ള​മാ​ണെ​ന്ന ക​ള്ളം നി​യ​മ​സ​ഭ​യി​ൽ പോ​ലും ആ​വ​ർ​ത്തി​ച്ചു.

ഓണറേറിയം 21,000 രൂപയാക്കുക, വിരമിക്കൽ ആനുകൂല്യമായി അഞ്ച് ലക്ഷം രൂപ നൽകുക തുടങ്ങിയ ആവശ്യങ്ങളാണ് സമരക്കാർ ഉന്നയിക്കുന്നത്. ചർച്ച നടത്തുകയോ പരിഹരിക്കാൻ ശ്രമിക്കുകയോ ചെയ്യാത്തതിനാലാണ് സമരക്കാർ നിയമലംഘനത്തിനു തയാറാകുന്നതെന്ന് അസോസിയേഷൻ നേതാവ് എസ്. മിനി പറഞ്ഞു.

അതിനിടെ, ആ​ശ വ​ർ​ക്ക​ർ​മാ​രെ അ​ധി​ക്ഷേ​പി​ച്ച സി.​ഐ.​ടി.​യു നേ​താ​വ്‌ കെ.​എ​ൻ. ഗോ​പി​നാ​ഥി​നെ​തി​രെ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി എം.​എ. ബി​ന്ദു വ​ക്കീ​ൽ നോ​ട്ടീ​സ്‌ അ​യ​ച്ചിരിക്കുകയാണ്. ക്ഷ​മാ​പ​ണം ന​ട​ത്തി​യി​ല്ലെ​ങ്കി​ൽ 10 കോ​ടി ന​ഷ്ട​പ​രി​ഹാ​രം ന​ൽ​ക​ണ​മെ​ന്നും അ​ല്ലെ​ങ്കി​ൽ നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്നും നോ​ട്ടീ​സി​ൽ ആ​വ​ശ്യ​പ്പെ​ട്ടു.