മികച്ച അഞ്ച് നിക്ഷേപക സൗഹൃദ സംസ്ഥാനങ്ങളിൽ ഒന്നാക്കി കേരളത്തെ മാറ്റുക ലക്ഷ്യം -മുഖ്യമന്ത്രി

കൊ​ച്ചി: സം​സ്​​ഥാ​ന സ​ര്‍ക്കാ​ര്‍ സം​ഘ​ടി​പ്പി​ക്കു​ന്ന ആ​ഗോ​ള നി​ക്ഷേ​പ​ക സം​ഗ​മ​മാ​യ ‘അ​സെ​ന്‍ഡ് 2020’ന് തുടക്കം. എ​റ​ണാ​കു​ളം ലു​ലു ബോ​ള്‍ഗാ​ട്ടി ഇ​ൻ​റ​ര്‍നാ​ഷ​ന​ല്‍ ക​ണ്‍വെ​ന്‍ഷ​ന്‍ സ​െൻറ​റി​ല്‍ മുഖ്യമന്ത്രി പ ിണറായി വിജയൻ ഉദ്ഘാടനം ചെയ്തു. പ്രളയ ശേഷം നവകേരളം സൃഷ്ടിക്കാനുള്ള പദ്ധതികൾക്കാണ് കേരളം ശ്രമിക്കുന്നതെന്നും അത ിന്‍റെ ഭാഗാമായാണ് നിക്ഷേപം വർധിപ്പിക്കാനുള്ള നടപടികളെന്നും മുഖ്യന്ത്രി പറഞ്ഞു. ദേശീയ ജലപാത ഈ വർഷം പൂർത്തിയാക ും, ഇതോടെ കോവളം മുതൽ ബേക്കൽ വരെ ബോട്ടിൽ സഞ്ചരിക്കാനാകും. സെമി ഹൈസ്പീഡിൽ റെയിൽ പദ്ധതി പുരോഗമിക്കുകയാണ്, പൂർത്തി യായാൽ നാലു മണിക്കൂറിൽ കാസർകോട് നിന്ന് തിരുവനന്തപുരത്ത് എത്താനാകുമെന്നും മുഖ്യമന്ത്രി പറഞ്ഞു.

ഇന്ത്യയ ിലെ ഏറ്റവും മികച്ച അഞ്ച് നിക്ഷേപക സൗഹൃദ സംസ്ഥാനങ്ങളിൽ ഒന്നാക്കി കേരളത്തെ മാറ്റുകയാണ് ലക്ഷ്യം. 10 വർഷത്തിനകം തൊ ഴിലില്ലായ്മ പൂർണ്ണമായും ഇല്ലാതാക്കാനുള്ള നടപടികളാണ് സർക്കാർ സ്വീകരിക്കുന്നത്. നാല് അന്താരാഷ്ട്ര വിമാനത്താവ ളങ്ങൾ, സീപോർട്ടുകൾ എന്നിവ കേരളത്തിലുണ്ട്. ദേശീയപാതാ വികസനം അതിവേഗം പുരോഗമിക്കുകയാണ്. മലയോര ഹൈവേ, തീരദേശ ഹൈവേ, ദേശീയ ജലപാത എന്നിവയും പൂർത്തിയായി വരികയാണ്.കൊച്ചി-കോയമ്പത്തൂർ വ്യവസായ ഇടനാഴിക്കുള്ള സ്ഥലമെടുപ്പ് നടപടികൾ പുരോഗമിക്കുകയാണ്. ഈ വർഷം അവസാനത്തോടെ കേരളത്തിലെ മുഴുവൻ റോഡുകളും മികച്ച രീതിയിൽ ഗതാഗത യോഗ്യമാക്കും.

വൻ വ്യവസായങ്ങൾക്ക് ഭൂപരിഷ്കരണ നിയമത്തിൽ ഇളവു നൽകുന്ന കാര്യവും പരിഗണനയിലാണ്. 15 ഏക്കറിലധികം ഭൂമി കൈവശം വെക്കരുതെന്നാണ് നിയമം അനുശാസിക്കുന്നതെങ്കിലും 250 കോടിയിൽപ്പരം നിക്ഷേപമുള്ളതും ആയിരത്തിലധികം പേർക്ക് തൊഴിൽ നൽകുന്നതുമായ സ്ഥാപനത്തിന് 15 ഏക്കറിലധികം ഭൂമി കൈവശം വെക്കാമെന്ന വ്യവസ്ഥ കൊണ്ടുവരുന്നതിന് സർക്കാർ നടപടിയെടുക്കും.
റോഡിന്‍റെ വീതിക്ക് ആനുപാതികമായി മാത്രമേ കെട്ടിടം നിർമിക്കാവൂ എന്ന നിയമം ഇളവു ചെയ്യാനും ഉടൻ നടപടി സ്വീകരിക്കും. നിലവിൽ എട്ട് മീറ്റർ വീതിയിലുള്ള റോഡിനു സമീപം 18,000 ചതുരശ്ര അടിയിലധികം വിസ്തീർണ്ണമുള്ള കെട്ടിടം അനുവദിക്കില്ല.

സ്ത്രീകൾക്ക് വൈകിട്ട് 7 മുതൽ രാവിലെ 6 വരെ ജോലി ചെയ്യാൻ അനുമതി നൽകും. സുരക്ഷിത താമസം അടക്കമുള്ള നടപടികൾ സ്ഥാപന ഉടമ സജ്ജീകരിക്കണം. വ്യവസായ യൂനിറ്റുകൾക്ക് ആവശ്യമായ വൈദ്യുതി, വെള്ളം ലഭ്യമാക്കുന്നതിന് നടപടികൾ വേഗത്തിലാക്കും. 20,000 ചതുരശ്ര അടിയിൽ അധികമുള്ള സിംഗിൾ ഫാക്ടറി കോംപ്ലക്സുകൾക്കുള്ള അനുമതി, ജിയോളജി വകുപ്പിന്‍റെ അനുമതി എന്നിവ ഏക ജാലക സംവിധാനത്തിൽ ഉൾപ്പെടുത്തും. വൈദ്യുതി കണക്ഷൻ അപ്ഗ്രേഡ് ചെയ്യപ്പോൾ കെട്ടിവെക്കുന്ന തുക ഭാവിയിലേക്കുള്ള താരിഫിൽ നിന്ന് തുക കുറവ് ചെയ്ത് നൽകാനും സർക്കാർ നടപടി സ്വീകരിച്ചിട്ടുണ്ട്. രജിസ്റ്റർ ചെയ്യുന്ന നിക്ഷേപകർക്ക് തൊഴിലാളിയെ അടിസ്ഥാനമെടുത്തി 5 വർഷത്തേക്ക് സബ്സിഡി നൽകുന്ന പുതിയ പദ്ധതിയും സർക്കാർ വിഭാവനം ചെയ്യുന്നുണ്ട് -മുഖ്യമന്ത്രി വിശദീകരിച്ചു.

​കാർഷിക അഭിവൃദ്ധിയിലൂടെയും വ്യാവസായിക വളർച്ചയിലുടെയും സാമ്പത്തിക മുന്നേറ്റമാണ് ലക്ഷ്യമെന്ന് ചടങ്ങിൽ അധ്യക്ഷത വ്യവസായ മന്ത്രി ഇ.പി. ജയരാജൻ പറഞ്ഞു.
കേരളത്തിലെ നിക്ഷേപ അവസരങ്ങളെക്കുറിച്ചുള്ള ഹ്രസ്വ വീഡിയോ ചടങ്ങിൽ പ്രദർശിപ്പിച്ചു. കിൻഫ്രയെക്കറിക്കുള്ള കോഫീ ടേബിൾ ബുക്ക് മുഖ്യമന്ത്രി പ്രകാശനം ചെയ്തു. ചീഫ് സെക്രട്ടറി ടോം ജോസ്, വ്യവസായ വകുപ്പ് പ്രിൻസിപ്പൽ സെക്രട്ടറി ഡോ. കെ. ഇളങ്കോവൻ, ലുലു ഗ്രൂപ്പ് ചെയർമാൻ എം.എ. യൂസഫലി, ആർ.പി. ഗ്രൂപ്പ് ചെയർമാൻ ഡോ. ബി. രവി പിള്ള, ഇൻഡസ്ട്രീസ് ആൻഡ് കൊമേഴ്സ് പ്രിൻസിപ്പൽ സെക്രട്ടറി സഞ്ജയ് ഗാർഗ് തുടങ്ങിയവർ പങ്കെടുത്തു.

വ്യാ​ഴം, വെ​ള്ളി ദി​വ​സ​ങ്ങ​ളി​ലാ​യി നടക്കുന്ന സംഗമത്തിൽ ദേ​ശീ​യ, അ​ന്ത​ര്‍ദേ​ശീ​യ ത​ല​ത്തി​ലെ വ്യ​വ​സാ​യി​ക​ളും നി​ക്ഷേ​പ​ക​രു​മ​ട​ക്കം 2000ത്തി​ല്‍പ​രം പ്ര​മു​ഖ​ര്‍ പ​ങ്കെ​ടു​ക്കും. നൂ​റു കോ​ടി​യി​ലേ​റെ മു​ത​ല്‍മു​ട​ക്കു​ള്ള 18 മെ​ഗാ സം​രം​ഭ​ങ്ങ​ൾ ഉ​ൾ​പ്പെ​ടെ നൂ​റി​ല്‍പ​രം വ്യ​വ​സാ​യ പ​ദ്ധ​തി​ക​ളാ​ണ് നി​ക്ഷേ​പ​ക​ര്‍ക്ക് മു​ന്നി​ല്‍ സ​ർ​ക്കാ​ർ അ​വ​ത​രി​പ്പി​ക്കു​ന്ന​ത്. 2000 ഏ​ക്ക​റാ​ണ്​ പ​ദ്ധ​തി​ക​ള്‍ക്കാ​യി ക​ണ്ടെ​ത്തി​യി​രി​ക്കു​ന്ന​ത്.

അ​ടി​സ്​​ഥാ​ന സൗ​ക​ര്യം, പെ​ട്രോ കെ​മി​ക്ക​ല്‍സ്, പ്ര​തി​രോ​ധം, കാ​ര്‍ഷി​ക-​ഭ​ക്ഷ്യ​സം​സ്ക​ര​ണം എ​ന്നി​വ മു​ത​ല്‍ ഇ​ല​ക്ട്രോ​ണി​ക് ഹാ​ർ​ഡ്​​വെ​യ​ര്‍, വി​നോ​ദ​സ​ഞ്ചാ​രം, തു​റ​മു​ഖ​ങ്ങ​ള്‍വ​രെ നീ​ളു​ന്ന​താ​ണ്​ പ​ദ്ധ​തി​ക​ൾ. വ്യ​വ​സാ​യി​ക പാ​ര്‍ക്കു​ക​ള്‍, ലോ​ജി​സ്​​റ്റി​ക്സ്, എം.​എ​സ്.​എം.​ഇ, ഗ​താ​ഗ​ത വി​ക​സ​ന​വും വൈ​ദ്യു​തി വാ​ഹ​ന​ങ്ങ​ളും ജീ​വ​ശാ​സ്ത്രം, ആ​യു​ര്‍വേ​ദം, ടൂ​റി​സം, ഭ​ക്ഷ്യ​സം​സ്​​ക​ര​ണം, തു​റ​മു​ഖ​വും വ്യോ​മ​യാ​ന സാ​ധ്യ​ത​ക​ളും തു​ട​ങ്ങി​യ വി​ഷ​യ​ങ്ങ​ളി​ലാ​ണ് ച​ര്‍ച്ച ന​ട​ക്കു​ക.