മേയർക്ക് കുഞ്ഞുമായി വരാം... അതുകണ്ട് ജീവനക്കാർ കൊണ്ടുവന്നാൽ അച്ചടക്ക നടപടി -പഴയ സർക്കുലർ വൈറൽ

തി​രു​വ​ന​ന്ത​പു​രം: കൈക്കുഞ്ഞുമായി മേയർ ആര്യ രാജേന്ദ്രൻ ഓഫീസിലെത്തി ഫയലുകളിൽ ഒപ്പിടുന്ന ചിത്രം വൈറലാകുകയും ഇതേച്ചൊല്ലി സമൂഹ മാധ്യമങ്ങളിൽ ചർച്ച സജീവമാകുകയും ചെയ്തിരിക്കെ വൈറലാകുന്നത് സർക്കാറിന്‍റെ ഒരു സർക്കുലറാണ്. സർക്കാർ ഓഫീസുകളിൽ ജീവനക്കാർ തങ്ങളുടെ കുട്ടികളെ കൊണ്ടുവരുന്നത് തടഞ്ഞുകൊണ്ട് 2018 മേയ് 18ന് പുറത്തിറക്കിയ സർക്കുലറാണിത്.

കുട്ടികളെ ഓഫീസിൽ കൊണ്ടുവരുന്നവർക്കെതിരെ അച്ചടക്ക നടപടി സ്വീകരിക്കണമെന്ന് സർക്കുലറിൽ നിർദേശിക്കുന്നുണ്ട്. സർക്കാർ ജീവനക്കാർ ഓഫീസ് സമയത്ത് കുട്ടികളെ കൂടെകൊണ്ട വരികയും ഒപ്പം ഇരുത്തുകയും ചെയ്യുന്നത് ഓഫീസ് സമയം നഷ്ടപ്പെടുത്തുമെന്നും കുട്ടികളുടെ വ്യക്തിത്വ വികസനം ഹരിക്കപ്പെടുമെന്നും ഓഫീസ് ഉപകരണങ്ങൽ ദുരുപയോഗം ചെയ്യപ്പെടുമെന്നും സർക്കുലറിൽ പറയുന്നു.

ആര്യയുടെ ചിത്രത്തെച്ചൊല്ലി സമൂഹമാധ്യമങ്ങളിൽ ചർച്ച കൊഴുക്കവെയാണ് ഉത്തരവിന്‍റെ പകർപ്പ് ചിലർ കുത്തിപ്പൊക്കിയിരിക്കുന്നത്. ഇതോടെ, ഇ​ട​തു​പ​ക്ഷ ജീ​വ​ന​ക്കാ​രു​ടെ പ​രാ​തി​യെ തു​ട​ര്‍ന്ന് ജീ​വ​ന​ക്കാ​ര്‍ കു​ട്ടി​ക​ളു​മാ​യി ഓ​ഫി​സി​ലെ​ത്തി​യാ​ല്‍ ന​ട​പ​ടി​യെ​ടു​ക്കു​മെ​ന്ന് ഉ​ത്ത​ര​വി​റ​ക്കി​യ മു​ഖ്യ​മ​ന്ത്രി​ക്ക്​ ഇ​പ്പോ​ൾ മി​ണ്ടാ​ട്ട​മി​ല്ലേ​യേ​ന്ന്​ ചി​ല​ർ ചോദിക്കുന്നു.

കഴിഞ്ഞ ദിവസമാണ് ആര്യ കുഞ്ഞുമായി ഓഫീസിലെത്തിയ ചിത്രം പ്രസിദ്ധീകരിച്ചത്. കു​​റേ​പേ​ർ അ​നു​കൂ​ലി​ച്ചും മ​ഹ​ത്വ​വ​ത്​​ക​രി​ച്ചും ചി​ത്രം പ്ര​ച​രി​പ്പി​ക്കു​മ്പോ​ൾ പ്ര​തി​കൂ​ല ച​ർ​ച്ച​ക​ളും നി​ര​വ​ധി. അ​മ്മ​യേ​ക്കാ​ൾ വ​ലി​യ പോ​രാ​ളി ഇ​ല്ലെ​ന്നും അ​മ്മ​ക്കും കു​ട്ടി​സ​ഖാ​വി​നും അ​ഭി​വാ​ദ്യ​ങ്ങ​ൾ അ​ർ​പ്പി​ക്കു​ന്നെ​ന്നു​മാ​ണ്​ ഇ​ട​ത്​ സൈ​ബ​ർ പോ​രാ​ളി​ക​ളു​ടെ പോ​സ്റ്റു​ക​ൾ. എ​ന്നാ​ൽ, കോ​ൺ​ഗ്ര​സ്​ നേ​താ​വാ​യ ശ​ബ​രി​നാ​ഥി​ന്‍റെ ഭാ​ര്യ​യും പ​ത്ത​നം​തി​ട്ട ക​ല​ക്ട​റു​മാ​യ ദി​വ്യ എ​സ്.​ അ​യ്യ​ർ​ക്കെ​തി​രെ സൈ​ബ​ർ ലി​ഞ്ചി​ങ്​ ന​ട​ത്തി​യ​വ​ർ​ത​ന്നെ മേ​യ​റ​മ്മ വാ​ഴ്ത്തു​പാ​ട്ടു​ക​ൾ പാ​ടു​ന്നെ​ന്നാ​ണ്​ മ​റു​വി​ഭാ​ഗ​ത്തി​ന്‍റെ വാ​ദം.