മാധ്യമ വിലക്കിനെതിരെ തലകുത്തിനിന്ന്​ ചിത്രംവര -VIDEO

കണ്ണൂർ: മീഡിയവൺ, ഏഷ്യാനെറ്റ്​ ചാനലുകൾക്ക്​ വിലക്കേർപ്പെടുത്തിയ കേന്ദ്രസർക്കാർ നടപടിക്കെതിരെ തലകുത്തിനിന്ന ്​ ചിത്രംവരച്ച്​ പ്രതിഷേധം. ശിൽപിയും ചിത്രകാരനുമായ കൂക്കാനം സുരേന്ദ്രനാണ്​ വേറിട്ട പ്രതിഷേധം സംഘടിപ്പിച്ചത്​.

സത്യം തുറന്നുപറയുന്ന മാധ്യമങ്ങൾക്കെതിരെ മോദിസർക്കാർ ഫാഷിസ്​റ്റ്​ ഭീകരതയാണ്​ നടപ്പാക്കുന്നതെന്ന്​ അദ്ദേഹം പറഞ്ഞു​. ഇതിന്​ തടയിട്ടില്ലെങ്കിൽ മാധ്യമപ്രവർത്തകരുടെ ജീവൻ പോലും അപകടത്തിലാകും. വർഗീയ ഫാഷിസ്​റ്റുകൾ വികൃതമാക്കിയ സമകാലിക ഇന്ത്യയെയാണ്​ കൂക്കാനം സുരേന്ദ്രൻ തലകുത്തിനിന്ന്​ വരച്ചത്​. കണ്ണൂർ ആർ.എസ്​ പോസ്​റ്റോഫിസിന്​ മുന്നിലായിരുന്നു പ്രതിഷേധ ചിത്രരചന.