വിദ്യാഭ്യാസ മേഖലയില്‍ നിര്‍മിതബുദ്ധി പ്രയോജനപ്പെടുത്തും -മന്ത്രി

തി​രു​വ​ന​ന്ത​പു​രം: അ​ധ്യാ​പ​ന​വും അ​ധ്യ​യ​ന​വും മെ​ച്ച​പ്പെ​ടു​ത്താ​ന്‍ നി​ര്‍മി​ത​ബു​ദ്ധി സം​വി​ധാ​ന​ങ്ങ​ള്‍ പൊ​തു​വി​ദ്യാ​ഭ്യാ​സ മേ​ഖ​ല​യി​ല്‍ ഉ​പ​യോ​ഗി​ക്കാ​ന്‍ സ​ര്‍ക്കാ​ര്‍ പ്ര​തി​ജ്ഞാ​ബ​ദ്ധ​മാ​ണെ​ന്ന് മ​ന്ത്രി വി. ​ശി​വ​ന്‍കു​ട്ടി. പു​തി​യ പാ​ഠ്യ​പ​ദ്ധ​തി പ​രി​ഷ്ക​ര​ണ​ത്തി​ലും ലി​റ്റി​ല്‍ കൈ​റ്റ്സ് പ്ര​വ​ര്‍ത്ത​ന​ങ്ങ​ളി​ലും എ.​ഐ സാ​ങ്കേ​തി​ക​വി​ദ്യ​ക​ള്‍ക്ക് പ്രാ​ധാ​ന്യം ന​ല്‍കി​യി​ട്ടു​ണ്ടെ​ന്നും മ​ന്ത്രി കൂ​ട്ടി​ച്ചേ​ര്‍ത്തു. കൈ​റ്റി​ന്റെ നേ​തൃ​ത്വ​ത്തി​ല്‍ ന​ട​പ്പാ​ക്കു​ന്ന ‘ലി​റ്റി​ല്‍ കൈ​റ്റ്സ്’ ഐ.​ടി ക്ല​ബി​ലെ കു​ട്ടി​ക​ള്‍ക്കു​ള്ള ജി​ല്ല​ത​ല ക്യാ​മ്പി​ന്‍റെ സ​മാ​പ​ന​ച്ച​ട​ങ്ങ് ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി.

കൈ​റ്റ് സി.​ഇ.​ഒ കെ. ​അ​ന്‍വ​ര്‍ സാ​ദ​ത്ത്, എ​സ്.​സി.​ഇ.​ആ​ര്‍.​ടി ഡ​യ​റ​ക്ട​ര്‍ ഡോ. ​ആ​ര്‍.​കെ. ജ​യ​പ്ര​കാ​ശ്, എ​സ്.​എ​സ്.​കെ ഡ​യ​റ​ക്ട​ര്‍ ഡോ. ​എ.​ആ​ര്‍. സു​പ്രി​യ എ​ന്നി​വ​രും പ​ങ്കെ​ടു​ത്തു.ലി​റ്റി​ല്‍ കൈ​റ്റ്സ് പ​ദ്ധ​തി​യി​ലെ മൂ​ന്നു​വ​ര്‍ഷ കാ​ല​യ​ള​വി​ല്‍ ഓ​രോ കു​ട്ടി​യും പ​രി​ശീ​ലി​ക്കേ​ണ്ട ആ​ക്ടി​വി​റ്റി ബു​ക്കു​ക​ളും മ​ന്ത്രി പ്ര​കാ​ശ​നം ചെ​യ്തു.

സ്കൂ​ളു​ക​ളി​ലെ ഹൈ​ടെ​ക് സം​വി​ധാ​ന​ങ്ങ​ളു​ടെ പ​രി​പാ​ല​നം മു​ത​ല്‍ ഗ്രാ​ഫി​ക്സ്, അ​നി​മേ​ഷ​ന്‍, സ്ക്രാ​ച്ച്, വി​ഷ്വ​ല്‍ പ്രോ​ഗ്രാ​മി​ങ് എ​ന്ന് തു​ട​ങ്ങി നി​ര്‍മി​ത​ബു​ദ്ധി അ​ധി​ഷ്ഠി​ത പ്രോ​ഗ്രാ​മു​ക​ള്‍ ത​യാ​റാ​ക്കാ​നും റോ​ബോ​ട്ടി​ക്സ്/​ഐ.​ഒ.​ടി ഉ​പ​ക​ര​ണ​ങ്ങ​ള്‍ ഡി​സൈ​ന്‍ ചെ​യ്യാ​നും വ​രെ കു​ട്ടി​ക​ളെ പ​ര്യാ​പ്ത​മാ​ക്കു​ന്ന ത​ര​ത്തി​ലാ​ണ് കൈ​റ്റ് ആ​ക്ടി​വി​റ്റി ബു​ക്കു​ക​ള്‍ ത​യാ​റാ​ക്കി​യി​രി​ക്കു​ന്ന​ത്.