ജോസി​െൻറ വരവിൽ ഗ്ലാമർ മങ്ങി സീറ്റിന്​ കെഞ്ചി ജനാധിപത്യ കേരള കോൺഗ്രസ്​

ആ​ല​പ്പു​ഴ: ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഗ്ലാ​മ​ർ പ​രി​​വേ​ഷ​മാ​യി​രു​ന്നു ജ​നാ​ധി​പ​ത്യ കേ​ര​ള കോ​ൺ​ഗ്ര​സി​ന്. മാ​ണി ഗ്രൂ​പ്പി​ൽ​നി​ന്ന്​ ചാ​ടി​യ​തി​നു​ പി​ന്നാ​ലെ നാ​ല്​ സീ​റ്റ്​ ന​ൽ​കി ഇ​ട​തു മു​ന്ന​ണി​യി​ലേ​ക്ക്​ സ്വാ​ഗ​തം. കാ​ൽ​നൂ​റ്റാ​ണ്ട്​ വ​രെ​യാ​യി ഇ​ട​തു​മു​ന്ന​ണി​യോ​ട്​ ഒ​ട്ടി​നി​ന്ന പ​ല ഘ​ട​ക​ക​ക്ഷി​ക​ൾ​ക്കും ന​ൽ​കാ​തി​രു​ന്ന പ​രി​ഗ​ണ​ന​ ഫ്രാ​ൻ​സി​സ്​ ജോ​ർ​ജി​നും കൂ​ട്ട​ർ​ക്കും.

അ​തൊ​ക്കെ അ​ന്ത​കാലം. അ​ഞ്ചു വ​ർ​ഷം ക​ഴി​ഞ്ഞ​തേ​യു​ള്ളൂ ഒ​രു​ സീ​റ്റി​ന്​ കേ​ഴു​ക​യാ​ണ്​ പാ​ർ​ട്ടി. ഒ​രെ​ണ്ണം കി​ട്ടി​യെ​ങ്കി​ലാ​യി എ​ന്ന സ്ഥി​തി​യി​ൽ നി​ൽ​ക്കെ പി​ണ​റാ​യി സ​ഖാ​വി​നോ​ട്​ ജ​നാ​ധി​പ​ത്യ കേ​ര​ള കോ​ൺ​ഗ്ര​സ്​ നേ​തൃ​ത്വം ആ​വ​ശ്യ​പ്പെ​ട്ട​ത്​ 'അ​ങ്ക​മാ​ലി മു​ത​ൽ തി​രു​വ​ല്ല​വ​രെ​യു​ള്ള മ​ണ്ഡ​ല​ങ്ങ​ളി​ൽ 50 ശ​ത​മാ​ന​മെ​ങ്കി​ലും വി​ജ​യ​സാ​ധ്യ​ത​യു​ള്ള ഏ​തെ​ങ്കി​ലും ഒ​രെ​ണ്ണം കി​ട്ടി​യാ​ൽ തൃ​പ്​​തി​പ്പെ​​ട്ടോ​ളാം' എ​ന്ന്.

തി​രു​വ​ന​ന്ത​പു​ര​ത്തെ സീ​റ്റ്​ വി​ജ​യ​സാ​ധ്യ​ത​ക്ക്​ അ​ടു​ത്തെ​ത്താ​ത്ത​തി​നാ​ൽ മ​ധ്യ​കേ​ര​ള​ത്തി​ൽ പേ​രി​നൊ​രു സീ​റ്റെ​ങ്കി​ലും കി​ട്ടി​യി​ല്ലെ​ങ്കി​ൽ ക​ഷ്​​ട​ത്തി​ലാ​കു​മെ​ന്ന്​ ആ​വ​ർ​ത്തി​ക്കു​ക​യാ​യി​രു​ന്നു​ ക​ഴി​ഞ്ഞ ദി​വ​സ​ത്തെ കൂ​ടി​ക്കാ​ഴ്​​ച​യി​ൽ നേ​താ​ക്ക​ൾ.

ച​ങ്ങ​നാ​ശ്ശേ​രി​ക്കാ​യി സി.​പി.​ഐ​യും ജോ​സ്​ വി​ഭാ​ഗ​വും പി​ടി​മു​റു​ക്കി​യ​തോ​ടെ​യാ​ണ്​ ജ​നാ​ധി​പ​ത്യ കേ​ര​ള കോ​ൺ​ഗ്ര​സ്​ നി​രാ​ശ​യി​ലാ​യ​ത്. സി.​പി.​ഐ​ക്ക്​ മ​ത്സ​രി​ക്കാ​ൻ എ​ത്ര​യോ സീ​റ്റു​ള്ള​പ്പോ​ൾ ച​ങ്ങ​നാ​ശ്ശേ​രി അ​വ​കാ​ശ​വാ​ദം അം​ഗീ​ക​രി​ക്ക​രു​തെ​ന്ന അ​പേ​ക്ഷ​യും​വെ​ച്ചാ​ണ്​ പി​രി​ഞ്ഞ​ത്.

ച​ങ്ങ​നാ​ശ്ശേ​രി​ക്ക്​ പ​ക​രം കു​ട്ട​നാ​ട്​ കി​ട്ടി​യാ​ലും തൃ​പ്​​തി​യെ​ന്നാ​ണ്​ അ​റി​യി​ച്ച​ത്. ക​ഴി​ഞ്ഞ ത​വ​ണ ഇ​ടു​ക്കി, പൂ​ഞ്ഞാ​ർ, ച​ങ്ങ​നാ​ശ്ശേ​രി, തി​രു​വ​ന​ന്ത​പു​രം സീ​റ്റു​ക​ളി​ലാ​ണ്​ മ​ത്സ​രി​ച്ച​ത്.

മാ​ണി വി​രോ​ധി​ക​ളാ​യ നേ​താ​ക്ക​ൾ കൂ​ട്ട​മാ​യി വ​രാ​മെ​ന്നാ​യ​പ്പോ​ൾ ക്രൈ​സ്​​ത വോ​ട്ടു​ക​ളി​ൽ വി​ള്ള​ൽ പ്ര​തീ​ക്ഷി​ച്ചാ​യി​രു​ന്നു ഗം​ഭീ​ര​വ​ര​വേ​ൽ​പ് സി.​പി.​എം ജ​നാ​ധി​പ​ത്യ കേ​ര​ള കോ​ൺ​ഗ്ര​സി​ന്​ ഒ​രു​ക്കി​യ​ത്​. മു​ന്ന​ണി വ​ൻ​ജ​യം നേ​ടി​​യെ​ങ്കി​ലും ഒ​രു സീ​റ്റി​ലും വി​ജ​യി​ക്കാ​നാ​കാ​തെ വ​ന്ന​താ​ണ്​ ജ​നാ​ധി​പ​ത്യ കേ​ര​ള കോ​ൺ​ഗ്ര​സി​ന്​ ശ​നി​ദ​ശ​യാ​യ​ത്.