കള്ളക്കേസിൽ കുടുക്കി അറസ്റ്റ്; നീതിക്കായുള്ള സരുൺ സജിയുടെ പോരാട്ടത്തിന് ഒരു വർഷം

ക​ട്ട​പ്പ​ന: നീ​തി​ക്കാ​യു​ള്ള സ​രു​ൺ സ​ജി​യു​ടെ പോ​രാ​ട്ടം തു​ട​ങ്ങി​യി​ട്ട് ഒ​രു വ​ർ​ഷം.ഇ​ടു​ക്കി കി​ഴു​കാ​ന​ത്ത് ആ​ദി​വാ​സി യു​വാ​വ് ക​ണ്ണം​പ​ടി മു​ല്ല പു​ത്ത​ൻ​പു​ര​ക്ക​ൽ സ​രു​ൺ സ​ജി​യെ വ​നം​വ​കു​പ്പ് ഉ​ദ്യോ​ഗ​സ്ഥ​ർ ക​ള്ള​ക്കേ​സി​ൽ കു​ടു​ക്കി അ​റ​സ്റ്റ്​ ചെ​യ്തി​ട്ട് ഒ​രു വ​ർ​ഷം പൂ​ർ​ത്തി​യാ​യി. സം​സ്‌​ഥാ​ന വ​നം വ​കു​പ്പി​ലെ 13 ഉ​ദ്യോ​ഗ​സ്ഥ​ർ പ്ര​തി​ക​ളാ​യ കേ​സി​ലെ മു​ഖ്യ​പ്ര​തി​യാ​യ വ​നം വ​കു​പ്പ്​ ഉ​ന്ന​ത ഉ​ദ്യോ​ഗ​സ്ഥ​നെ ഇ​നി​യും അ​റ​സ്റ്റ്​ ചെ​യ്യാ​നാ​യി​ട്ടി​ല്ല.

2022 സെ​പ്റ്റം​ബ​ർ 20ന് ​കി​ഴു​കാ​നം ചെ​ക്ക് പോ​സ്റ്റി​ലാ​ണ് സ​രു​ൺ സ​ജി​യു​ടെ ജീ​വി​തം മാ​റ്റി​മ​റി​ച്ച ക​റു​ത്ത ദി​നം. സ​രു​ൺ സ​ജി​യു​ടെ ഉ​പ​ജീ​വ​ന മാ‍ർ​ഗ​മാ​യി​രു​ന്ന ഓ​ട്ടോ​യി​ൽ മാ​ട്ടി​റ​ച്ചി​വെ​ച്ച് കാ​ട്ടി​റ​ച്ചി ക​ട​ത്തി​യെ​ന്നാ​രോ​പി​ച്ച് സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ അ​നി​ൽ കു​മാ​റി​ന്‍റെ നേ​തൃ​ത്വ​ത്തി​ലാ​ണ്​ അ​റ​സ്റ്റ് ചെ​യ്ത്​ ജ​യി​ലി​ല​ട​ച്ച​ത്.

ദി​വ​സ​ങ്ങ​ളോ​ളം അ​ഴി​ക്കു​ള്ളി​ൽ കി​ട​ന്ന സ​രു​ൺ സ​ജി​ക്ക്​ പി​ന്നീ​ട്​ ജ്യാ​മം ല​ഭി​ച്ചു. പു​റ​ത്തി​റ​ങ്ങി ആ​ദി​വാ​സി സം​ഘ​ട​ന​യു​ടെ സ​ഹാ​യ​ത്തോ​ടെ ന​ട​ത്തി​യ നീ​തി​ക്കാ​യു​ള്ള പോ​രാ​ട്ടം ഇ​പ്പോ​ഴും തു​ട​രു​ക​യാ​ണ്. സ​ജി​യു​ടെ സ​മ​ര​ത്തെ തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ക​ള്ള​ക്കേ​സി​ൽ കു​ടു​ക്കി​യ​താ​ണെ​ന്ന് തെ​ളി​ഞ്ഞു.

ഏ​റെ സ​മ്മ​ർ​ദ​ങ്ങ​ൾ​ക്കൊ​ടു​വി​ലാ​ണ് 13 വ​നം വ​കു​പ്പ് ഉ​ദ്യോ​ഗ​സ്ഥ​ർ​ക്കെ​തി​രെ പൊ​ലീ​സ് കേ​സെ​ടു​ത്ത​ത്. എ​ന്നി​ട്ടും ഉ​ദ്യോ​ഗ​സ്ഥ​രെ അ​റ​സ്റ്റ് ചെ​യ്യാ​ൻ പൊ​ലീ​സ് മ​ടി​ച്ചു. ഉ​ദ്യോ​ഗ​സ്ഥ​ർ കോ​ട​തി​യെ സ​മീ​പി​ച്ച്​ മു​ൻ​കൂ​ർ ജാ​മ്യം നേ​ടാ​നാ​ണ് ശ്ര​മി​ച്ച​ത്. എ​ന്നാ​ൽ, കോ​ട​തി പൊ​ലീ​സി​ന് മു​ന്നി​ൽ കി​ഴ​ട​ങ്ങാ​ൻ നി​ർ​ദേ​ശി​ച്ചു. ഇ​തേ​തു​ട​ർ​ന്ന് പൊ​ലീ​സ് നി​ർ​ദേ​ശ​പ്ര​കാ​രം 12 വ​നം വ​കു​പ്പ് ഉ​ദ്യോ​ഗ​സ്ഥ​ർ കീ​ഴ​ട​ങ്ങി.

സ​ജി ഓ​ടി​ച്ച ഓ​ട്ടോ​യും വ​നം​വ​കു​പ്പ് ക​സ്റ്റ​ഡി​യി​ല്‍ എ​ടു​ത്തി​രു​ന്നു. എ​ന്നാ​ല്‍, സം​ഭ​വം ന​ട​ന്നെ​ന്ന് മ​ഹ​സ​റി​ല്‍ പ​റ​യു​ന്ന സ​മ​യ​ത്തി​ന്​ തൊ​ട്ടു​മു​മ്പ് സ​രു​ണ്‍ സ​ജി ഓ​ടി​ച്ചി​രു​ന്ന ഓ​ട്ടോ മെം​ബ​ര്‍ക​വ​ല ഭാ​ഗ​ത്ത് വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ പ​രി​ശോ​ധി​ച്ച് പ​റ​ഞ്ഞ​യ​ച്ച​താ​ണ്. തു​ട​ര്‍ന്ന് സ​രു​ണ്‍ വാ​ഗ​മ​ണ്ണി​ലേ​ക്ക് ബ​സി​ല്‍ യാ​ത്ര ചെ​യ്യു​ക​യും ചെ​യ്തു. ഈ ​സ​മ​യ​ത്ത് സ​രു​ണി​ന്‍റെ വാ​ഹ​ന​ത്തി​ല്‍നി​ന്ന്​ കാ​ട്ടി​റ​ച്ചി ക​ണ്ടെ​ടു​ത്തെ​ന്നാ​ണ് കേ​സ്.