മകന്റെ ഒന്നാം പിറന്നാളാഘോഷിച്ച് മടങ്ങി; നൊമ്പരമായി വൈശാഖ്

മാ​ത്തൂ​ർ (പാ​ല​ക്കാ​ട്): സി​ക്കി​മി​ൽ സൈ​നി​ക ട്ര​ക്ക് മ​റി​ഞ്ഞ് മ​രി​ച്ച ജ​വാ​ൻ മാ​ത്തൂ​ർ ചെ​ങ്ങ​ണി​യൂ​ർ​കാ​വ് പു​ത്ത​ൻ​വീ​ട്ടി​ൽ വൈ​ശാ​ഖ് അ​വ​ധി​ക്ക് നാ​ട്ടി​ൽ വ​ന്ന​ത് മൂ​ന്നു മാ​സം മു​മ്പാ​ണ്. ഏ​ക മ​ക​ൻ ത​ൻ​വി​ന്റെ ഒ​ന്നാം പി​റ​ന്നാ​ളാ​ഘോ​ഷി​ക്കാ​നാ​ണ് ഓ​ണാ​വ​ധി​ക്ക് നാ​ട്ടി​ൽ വ​ന്ന​ത്. ആ​ഘോ​ഷാ​ര​വ​ങ്ങ​ളോ​ടെ, ര​ണ്ടാ​ഴ്ച​യോ​ളം വീ​ട്ടി​ൽ താ​മ​സി​ച്ചാ​ണ് തി​രി​ച്ചു​പോ​യ​ത്. 15 മാ​സം മാ​ത്രം പ്രാ​യ​മാ​യ ത​ൻ​വി​ന് ഓ​ർ​മവക്കും മു​മ്പെ അ​ച്ഛ​ൻ അ​ക​ന്ന ദുഃ​ഖ​ഭാ​ര​ത്താ​ൽ വി​തു​മ്പു​ക​യാ​ണ് ഭാ​ര്യ ഗീ​ത.

വ്യാ​ഴാ​ഴ്ച രാ​വി​ലെ പ​തി​വു​പോ​ലെ വൈ​ശാ​ഖ് അ​ച്ഛ​നെ വി​ളി​ച്ചി​രു​ന്നു. ട്ര​ക്കി​ൽ ഉ​ത്ത​ര സി​ക്കി​മി​ലെ സെ​മ​യി​ലേ​ക്ക് പോ​കു​ന്ന കാ​ര്യം പ​റ​ഞ്ഞി​രു​ന്നു. മ​ക​ന്റെ ക​ളി​ചി​രി​ക​ളി​ലേ​ക്ക് തി​രി​ച്ചു​വ​രാ​ൻ ദി​വ​സ​ങ്ങ​ളെ​ണ്ണി കാ​ത്തി​രി​ക്ക​വേ​യാ​ണ് വൈ​ശാ​ഖി​നെ മ​ര​ണം ത​ട്ടി​യെ​ടു​ത്ത​ത്. മാ​ത്തൂ​രി​ൽ

ത​യ്യ​ൽ തൊ​ഴി​ലാ​ളി​യാ​യ സ​ഹ​ദേ​വ​ന്റേ​യും ക​ർ​ഷ​ക​ത്തൊ​ഴി​ലാ​ളി​യാ​യ വി​ജ​യ​കു​മാ​രി​യു​ടേ​യും മ​ക​നാ​ണ് വൈ​ശാ​ഖ്. തങ്ങളുടെ പ്രി​യ​ങ്ക​ര​നാ​യ വൈ​ശാ​ഖി​ന്റെ ദാ​രു​ണാ​ന്ത്യ​ത്തി​ൽ വീ​ട്ടു​കാ​രോ​ടൊ​പ്പം നാ​ടും തേ​ങ്ങു​ക​യാ​ണ്.

കു​ത്ത​നൂ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ്ടു പ​ഠ​നം ക​ഴി​ഞ്ഞ് പ​ത്തൊ​മ്പ​താം വ​യ​സ്സി​ലാ​ണ് ക​ര​സേ​ന​യി​ൽ ചേ​ർ​ന്ന​ത്. എ​ട്ട് വ​ർ​ഷ​ത്തോ​ള​മാ​യി ക​ര​സേ​ന​യി​ൽ സേ​വ​ന​മ​നു​ഷ്ഠി​ക്കു​ന്ന വൈ​ശാ​ഖ് നി​ല​വി​ൽ സി​ക്കി​മി​ലെ 221 ഫീ​ൽ​ഡ് റ​ജി​മെ​ന്റ് ആ​ർ​ട്ടി​ല​റി​യി​ൽ നാ​യി​ക് പ​ദ​വി​യി​ലാ​ണു​ള്ള​ത്. നേ​ര​ത്തെ പ​ഞ്ചാ​ബി​ലാ​യി​രു​ന്ന​പ്പോ​ൾ അ​വി​ടേ​ക്ക് കു​ടും​ബ​ത്തേ​യും കൊ​ണ്ടു​പോ​യി​രു​ന്നു. പ​ഞ്ചാ​ബി​ൽ​വെ​ച്ചാ​ണ് മ​ക​ൻ ജ​നി​ച്ച​ത്. സി​ക്കി​മി​ലേ​ക്ക് സ്ഥ​ലം​മാ​റ്റ​മാ​യ​തോ​ടെ ഭാ​ര്യ​യെ​യും കു​ഞ്ഞി​നേ​യും നാ​ട്ടി​ലേ​ക്ക് മ​ട​ക്കി​യ​യ​ക്കു​ക​യാ​യി​രു​ന്നു.

മൃ​ത​ദേ​ഹം നാ​ട്ടി​ൽ എ​ത്തി​ക്കു​ന്ന​തു സം​ബ​ന്ധി​ച്ച വി​വ​ര​ങ്ങ​ൾ അ​റി​യാ​ൻ സി​ക്കി​മി​ലെ സൈ​നി​ക ഓ​ഫി​സ​ർ ല​ഫ്. കേ​ണ​ൽ ച​ന്ദ​നു​മാ​യി ഫോ​ണി​ൽ സം​സാ​രി​ച്ച​താ​യി ഷാ​ഫി പ​റ​മ്പി​ൽ എം.​എ​ൽ.​എ പ​റ​ഞ്ഞു. വൈ​ശാ​ഖി​ന്റെ മൃ​ത​ദേ​ഹം സം​ഭ​വ​സ്ഥ​ല​ത്തു​നി​ന്ന് മി​ലി​റ്റ​റി ആ​ശു​പ​ത്രി​യി​ലേ​ക്ക് മാ​റ്റി​യി​ട്ടു​ണ്ട്.

ശ​നി​യാ​ഴ്ച രാ​വി​ലെ ഹെ​ലി​കോ​പ്റ്റ​റി​ൽ ഗാം​ഗ്ടോ​കി​ലേ​ക്ക് ​കൊ​ണ്ടു​വ​രും. മ​റ്റ​ന്നാ​ൾ മൃ​ത​ദേ​ഹം കോ​യ​മ്പ​ത്തൂ​രി​ലേ​ക്ക് കൊ​ണ്ടു​വ​രു​മെ​ന്നാ​ണ് ഇ​പ്പോ​ൾ ല​ഭ്യ​മാ​യ വി​വ​ര​മെ​ന്നും ഷാ​ഫി പ​റ​മ്പി​ൽ പ​റ​ഞ്ഞു.