ആറളം ഫാമിൽ സായുധ മാവോവാദി സംഘം എത്തി

ആറളം(കണ്ണൂർ): ആറളം ഫാമിൽ നാലംഗ സായുധ മാവോവാദി സംഘം എത്തി. തിങ്കളാഴ്​ച രാത്രി​ ഫാമിലെ ആദിവാസി പുനരധിവാസ മേഖലയാ യ 13ാം ബ്ലോക്കിലാണ്​ പ്രദേശവാസികൾ ഇവരെ കണ്ടത്​. തോക്കേന്തിയ സംഘത്തിൽ രണ്ട്​ സ്​ത്രീകളും ഉണ്ടായിരുന്നു. പൊലീസും രഹസ്യാന്വേഷണ വിഭാഗവും അന്വേഷണം ഊർജിതമാക്കി. ഇതിനുമുമ്പും നിരവധി തവണ ആറളം ഫാമിൽ മാവോവാദികൾ എത്തിയിരുന്നു.

ജനുവരി 20ന്​ കൊട്ടിയൂർ അമ്പായത്തോട്ടിൽ മാവോവാദികൾ സായുധപ്രകടനം നടത്തിയിരുന്നു. രാവിലെ ആറുമണിയോടെ ടൗണിലെത്തിയ സംഘം മുദ്രാവാക്യം വിളിച്ച് പോസ്റ്ററുകൾ പതിക്കുകയും ലഘുലേഖകൾ വിതരണംചെയ്യുകയുമായിരുന്നു. ഒരു സ്ത്രീയുൾപ്പെടെ യൂനിഫോമണിഞ്ഞ നാല് ആയുധധാരികളാണ് അന്ന്​ സംഘത്തിലുണ്ടായിരുന്നത്.