വിയറ്റ്നാം കോളനിയിൽ സായുധ മാവോവാദി സംഘം ഭക്ഷ്യസാധനങ്ങൾ ശേഖരിച്ച് മടങ്ങി

കേളകം(കണ്ണൂർ): ആറളം പൊലീസ് സ്റ്റേഷൻ പരിധിയിലെ വിയറ്റ്നാം കോളനിയിൽ സായുധരായ അഞ്ചംഗ മാവോവാദി സംഘം എത്തി മടങ്ങി. ഒരു സ്ത്രീ ഉൾപ്പെടെ അഞ്ചംഗ സംഘം ഭക്ഷ്യ സാധനങ്ങൾ ശേഖരിച്ച് മടങ്ങിയതായാണ് പൊലീസിന് വിവരം ലഭിച്ചത്.

വർഷങ്ങൾക്ക് മുമ്പും ഇതേ കോളനിയിൽ മാവോവാദികൾ എത്തിയിരുന്നു. വിയറ്റ്നാം മേഖലയിലെ മാവോവാദി സാന്നിധ്യം സംബന്ധിച്ച് ലോക്കൽ പൊലീസും വിവിധ ഏജൻസികളും അന്വേഷണം ആരംഭിച്ചു.