Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'സങ്കടം തോന്നി;...

'സങ്കടം തോന്നി; അധ്വാനിച്ച്​ ജീവിക്കുന്നതിൽ അഭിമാനം'; ആരിഫിന്‍റെ പ്രസ്​താവനയിൽ പ്രതികരിച്ച്​ അരിതബാബു

text_fields
bookmark_border
സങ്കടം തോന്നി; അധ്വാനിച്ച്​ ജീവിക്കുന്നതിൽ അഭിമാനം; ആരിഫിന്‍റെ പ്രസ്​താവനയിൽ പ്രതികരിച്ച്​ അരിതബാബു
cancel

മത്സരിക്കുന്നത്​ പാൽ സൊസൈറ്റിയിലേക്കല്ലെന്ന എ.എം ആരിഫ്​ എം.പിയുടെ പരിഹാസം കേട്ടപ്പോൾ സങ്കടം തോന്നിയെന്ന്​ കായംകുള​ത്തെ യു.ഡി.എഫ്​ സ്​ഥാനാർഥി അരിത ബാബു. എം.പിയുടെ പരാമർശം തൊഴിലാളികളെ അവഹേളിക്കുന്നതാണെന്നും അവർ പറഞ്ഞു.

ക്ഷീര കർഷകയായ അരിത ബാബു സംസ്​ഥാനത്തെ ഏറ്റവും പ്രായം കുറഞ്ഞ വനിത സ്​ഥാനാർഥിയാണ്​. എൽ.ഡി.എഫിന്‍റെ തെരഞ്ഞെടുപ്പ്​ പ്രചരണ യോഗത്തിലാണ്​ എ.എം ആരിഫ്​ എം.പി ഇവർക്കെതിരെ പരിഹാസം ചൊരിഞ്ഞത്​. മത്സരിക്കുന്നത്​ പാൽ സൊസൈറ്റിയി​േലക്കല്ലെന്നും നിയമസഭയിലേക്കാണെന്നുമായിരുന്നു അദ്ദേഹത്തിന്‍റെ പരിഹാസം.

സ്വന്തം അധ്വാനംകൊണ്ടാണ്​ ജീവിക്കുന്നത്​ എന്നതിൽ അഭിമാനമുണ്ടെന്ന്​ അരിതബാബു പ്രതികരിച്ചു. ചിലർക്ക്​ രാഷ്​ട്രീയം സേവനത്തിനല്ലെന്നും മറ്റു ലാഭങ്ങളുണ്ടാക്കാനാണെന്നും എന്നാൽ, ഞാൻ ജീവിക്കുന്നത്​ സ്വന്തം അധ്വാനം കൊണ്ടാണെന്നും അവർ പറഞ്ഞു.

ഒാരോരുത്തരുടെയും വീട്ടിലെ അവസ്​ഥകളിൽ നിന്നാണ്​ ഒാരോ തൊഴിലിലും എത്തിപ്പെടുന്നതെന്ന്​ അവർ പറഞ്ഞു. കഷ്​ടപാടുകൾ അനുഭവിച്ചവർക്കെ അതിന്‍റെ അവസ്​ഥയറിയൂ. തൊഴിലാളി വർഗത്തിന്‍റെ പാർട്ടിയെന്ന്​ അവകാശപ്പെടുന്നവർ തന്നെ തൊളിലാളികളെ അവഹേളിക്കുന്നതിൽ വിഷമം തോന്നിയെന്നും അരിത ബാബു പറഞ്ഞു.

Show Full Article
TAGS:assembly election 2021 aritha babu am arif 
News Summary - aritha responds on arifs comment
Next Story