വി.സി നിയമനം; യു.ജി.സി റെഗുലേഷൻ കേരളത്തിന്‍റെ നിയമനിർമാണം അട്ടിമറിക്കും

തി​രു​വ​ന​ന്ത​പു​രം: യു.​ജി.​സി​യു​ടെ ക​ര​ട്​ റെ​ഗു​ലേ​ഷ​ൻ പ്രാ​ബ​ല്യ​ത്തി​ൽ വ​രു​ന്ന​തോ​ടെ വൈ​സ്​​ചാ​ൻ​സ​ല​ർ നി​യ​മ​ന​ത്തി​ലു​ള്ള സെ​ർ​ച്ച്​​ ക​മ്മി​റ്റി​യു​ടെ ഘ​ട​ന പൊ​ളി​ച്ചു​പ​ണി​യാ​ൻ കേ​ര​ളം ന​ട​ത്തി​യ നി​യ​മ​നി​ർ​മാ​ണം അ​ട്ടി​മ​റി​ക്ക​പ്പെ​ടും. വി.​സി നി​യ​മ​ന​ത്തി​ന്​ അ​ഞ്ചം​ഗ സെ​ർ​ച്ച്​​ ക​മ്മി​റ്റി​യാ​ണ്​ നി​യ​മ​സ​ഭ പാ​സാ​ക്കി​യ 2022ലെ ​സ​ർ​വ​ക​ലാ​ശാ​ല നി​യ​മ​ഭേ​ദ​ഗ​തി ബി​ല്ലി​ൽ വ്യ​വ​സ്ഥ ചെ​യ്യു​ന്ന​ത്.

ബി​ല്ലി​ൽ ഒ​പ്പി​ടാ​തെ ഗ​വ​ർ​ണ​റാ​യി​രു​ന്ന ആ​രി​ഫ്​ മു​ഹ​മ്മ​ദ്​​ഖാ​ൻ മാ​സ​ങ്ങ​ളോ​ളം ത​ട​ഞ്ഞു​വെ​ച്ചു. ഇ​തി​നെ​തി​രെ സം​സ്ഥാ​ന സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ച്ച​തോ​ടെ ബി​ല്ലു​ക​ൾ ഗ​വ​ർ​ണ​ർ രാ​ഷ്ട്ര​പ​തി​ക്ക്​ അ​യ​ക്കു​ക​യാ​യി​രു​ന്നു. ഇ​തി​ൽ വി.​സി നി​യ​മ​ന​ത്തി​നു​ള്ള സെ​ർ​ച്ച്​ ക​മ്മി​റ്റി​യു​ടെ ഘ​ട​ന മാ​റ്റാ​ൻ വ്യ​വ​സ്ഥ ചെ​യ്യു​ന്ന ബി​ല്ലും ചാ​ൻ​സ​ല​ർ സ്ഥാ​ന​ത്ത്​ നി​ന്ന്​ ഗ​വ​ർ​ണ​റെ മാ​റ്റാ​ൻ വ്യ​വ​സ്ഥ ചെ​യ്യു​ന്ന ബി​ല്ലും രാ​ഷ്ട്ര​പ​തി ത​ട​ഞ്ഞ്​ തി​രി​ച്ച​യ​ക്കു​ക​യും ചെ​യ്തി​രു​ന്നു. ബി​ല്ലു​ക​ൾ ഒ​പ്പി​ടാ​ത്ത​തി​നെ​തി​രാ​യ കേ​സ്​ സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണ്. കേ​സ്​ അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്നാ​വ​ശ്യ​​പ്പെ​ട്ട്​ സ​ർ​ക്കാ​ർ ഹ​ര​ജി​യും സ​മ​ർ​പ്പി​ച്ചി​ട്ടു​ണ്ട്. ഇ​തി​നി​ടെ​യാ​ണ്​ സെ​ർ​ച്ച്​​ ക​മ്മി​റ്റി​യു​ടെ ഘ​ട​ന മാ​റ്റാ​ൻ വ്യ​വ​സ്ഥ ചെ​യ്യു​ന്ന ബി​ല്ല്​ ത​ന്നെ റ​ദ്ദാ​ക്കു​ന്ന രീ​തി​യി​ൽ യു.​ജി.​സി ക​ര​ട്​ റെ​ഗു​ലേ​ഷ​ൻ പു​റ​​ത്തി​റ​ക്കി​യ​ത്​.

ക​ര​ട്​ റെ​ഗു​ലേ​ഷ​ൻ പ്ര​കാ​രം വി.​സി നി​യ​മ​ന​ത്തി​ന്​ മൂ​ന്നം​ഗ സെ​ർ​ച്ച്​ ക​മ്മി​റ്റി​യാ​ണ്​ രൂ​പ​വ​ത്​​ക​രി​ക്കേ​ണ്ട​ത്. ഇ​തി​ൽ ചാ​ൻ​സ​ല​റു​ടെ പ്ര​തി​നി​ധി, യു.​ജി.​സി ചെ​യ​ർ​മാ​ന്‍റെ പ്ര​തി​നി​ധി, സ​ർ​വ​ക​ലാ​ശാ​ല പ്ര​തി​നി​ധി എ​ന്നി​വ​രാ​ണു​ള്ള​ത്. നി​യ​മ​സ​ഭ പാ​സാ​ക്കി​യ ബി​ല്ല്​ പ്ര​കാ​രം അ​ഞ്ചം​ഗ സെ​ർ​ച്ച്​​ ക​മ്മി​റ്റി​യു​ടെ ക​ൺ​വീ​ന​ർ സ​ർ​ക്കാ​ർ പ്ര​തി​നി​ധി​യാ​യി​രി​ക്കും. ഇ​തി​ന്​ പു​റ​മെ ചാ​ൻ​സ​ല​റു​ടെ പ്ര​തി​നി​ധി, ഉ​ന്ന​ത വി​ദ്യാ​ഭ്യാ​സ കൗ​ൺ​സി​ൽ വൈ​സ്​ ചെ​യ​ർ​മാ​ന്‍റെ പ്ര​തി​നി​ധി, യു.​ജി.​സി ചെ​യ​ർ​മാ​ന്‍റെ പ്ര​തി​നി​ധി, സ​ർ​വ​ക​ലാ​ശാ​ല പ്ര​തി​നി​ധി എ​ന്നി​വ​രും അ​ട​ങ്ങി​യ​താ​ണ്​ സെ​ർ​ച്ച്​​ ക​മ്മി​റ്റി. സെ​ർ​ച്ച്​​ ക​മ്മി​റ്റി​യി​ലെ ഭൂ​രി​പ​ക്ഷം അം​ഗ​ങ്ങ​ൾ നി​ർ​ദേ​ശി​ക്കു​ന്ന​യാ​ളെ വി.​സി​യാ​യി ചാ​ൻ​സ​ല​ർ നി​യ​മി​ക്ക​ണ​മെ​ന്നും ബി​ല്ലി​ൽ വ്യ​വ​സ്ഥ ചെ​യ്തി​ട്ടു​ണ്ട്. ഈ ​ക​മ്മി​റ്റി നി​ല​വി​ൽ വ​ന്നാ​ൽ വി.​സി നി​യ​മ​ന​ത്തി​ൽ ഗ​വ​ർ​ണ​ർ​ക്കു​ള്ള നി​യ​ന്ത്ര​ണം ന​ഷ്ട​പ്പെ​ടും.

നി​ല​വി​ൽ സെ​ർ​ച്ച്​​ ക​മ്മി​റ്റി സ​മ​ർ​പ്പി​ക്കു​ന്ന പേ​രു​ക​ളി​ൽ​നി​ന്ന്​ ആ​രെ വേ​ണ​മെ​ങ്കി​ലും ചാ​ൻ​സ​ല​റാ​യ ഗ​വ​ർ​ണ​ർ​ക്ക്​ വി.​സി​യാ​യി നി​യ​മി​ക്കാ​നാ​കും. നി​യ​മ​സ​ഭ പാ​സാ​ക്കി​യ ബി​ല്ലി​ലെ വ്യ​വ​സ്ഥ​ക​ൾ ത​ന്‍റെ അ​ധി​കാ​ര​ങ്ങ​ൾ നി​യ​ന്ത്രി​ക്കു​ന്നു​വെ​ന്ന കാ​ര​ണ​ത്താ​ലാ​ണ്​ ഗ​വ​ർ​ണ​ർ ഏ​റെ​നാ​ൾ ബി​ല്ല്​ ത​ട​ഞ്ഞ​തും പി​ന്നീ​ട്​ രാ​ഷ്ട്ര​പ​തി​ക്ക്​ റ​ഫ​ർ ചെ​യ്ത​തും. ഒ​രേ വി​ഷ​യ​ത്തി​ൽ സം​സ്ഥാ​ന നി​യ​മ​വും കേ​ന്ദ്ര സ​ർ​ക്കാ​ർ ഏ​ജ​ൻ​സി​ക​ൾ സ​ബോ​ഡി​നേ​റ്റ്​ നി​യ​മ​നി​ർ​മാ​ണ​ത്തി​ന്‍റെ ഭാ​ഗ​മാ​യി പു​റ​​പ്പെ​ടു​വി​ക്കു​ന്ന റെ​ഗു​ലേ​ഷ​നു​ക​ളും വ്യ​ത്യാ​സ​മു​ണ്ടെ​ങ്കി​ൽ കേ​ന്ദ്ര റെ​ഗു​ലേ​ഷ​നാ​യി​രി​ക്കും നി​ല​നി​ൽ​ക്കു​ക​യെ​ന്നാ​ണ്​ സു​പ്രീം​കോ​ട​തി വി​ധി​ക​ൾ.

ബി​ല്ല്​ ഒ​പ്പി​ടാ​തെ ത​ട​ഞ്ഞ ന​ട​പ​ടി​ക്കെ​തി​രാ​യ കേ​സി​ൽ അ​നു​കൂ​ല വി​ധി സ​മ്പാ​ദി​ക്കു​ക​യാ​ണ്​ കേ​ര​ള​ത്തി​ന്​ റെ​ഗു​ലേ​ഷ​നെ മ​റി​ക​ട​ക്കാ​നു​ള്ള വ​ഴി​ക​ളി​ലൊ​ന്ന്. ഇ​തു​വ​ഴി ചാ​ൻ​സ​ല​ർ സ്ഥാ​ന​ത്ത്​ നി​ന്ന്​ ഗ​വ​ർ​ണ​റെ നീ​ക്കാ​നു​ള്ള ബി​ല്ലി​ൽ അ​നു​കൂ​ല തീ​ർ​പ്പി​ലു​മെ​ത്താ​നാ​കും. കേ​ന്ദ്ര സ​ർ​ക്കാ​റാ​ക​ട്ടെ യു.​ജി.​സി​യെ ഉ​പ​യോ​ഗി​ച്ച്​ സം​സ്ഥാ​ന സ​ർ​വ​ക​ലാ​ശാ​ല​ക​ൾ പി​ടി​ച്ചെ​ടു​ക്കാ​നു​ള്ള നീ​ക്ക​ത്തി​ന്‍റെ ഭാ​ഗ​മാ​യാ​ണ്​ റെ​ഗു​ലേ​ഷ​നി​ൽ ഭേ​ദ​ഗ​തി കൊ​ണ്ടു​വ​രു​ന്ന​തും.

കേ​ര​ളം വി​യോ​ജി​പ്പ​റി​യി​ക്കും

തി​രു​വ​ന​ന്ത​പു​രം: യു.​ജി.​സി​യു​ടെ ക​ര​ട്​ റെ​ഗു​ലേ​ഷ​നി​ൽ സം​സ്ഥാ​ന സ​ർ​ക്കാ​ർ ക​ടു​ത്ത വി​യോ​ജി​പ്പ​റി​യി​ക്കും. ഫെ​ബ്രു​വ​രി അ​ഞ്ച്​ വ​രെ​യാ​ണ്​ ഇ​തി​നാ​യി യു.​ജി.​സി അ​നു​വ​ദി​ച്ച സ​മ​യം. ഇ​തോ​ടൊ​പ്പം റെ​ഗു​ലേ​ഷ​നെ​തി​രെ സു​പ്രീം​കോ​ട​തി​യെ സ​മീ​പി​ക്കു​ന്ന​തി​നു​ള്ള നി​യ​മോ​പ​ദേ​ശം അ​ഡ്വ​ക്ക​റ്റ്​ ജ​ന​റ​ലി​ൽ​നി​ന്ന്​ തേ​ടി​യി​ട്ടു​മു​ണ്ട്. റെ​ഗു​ലേ​ഷ​ൻ പ്രാ​ബ​ല്യ​ത്തി​ൽ വ​രു​ന്ന​തി​ന്​ മു​മ്പു​ത​ന്നെ സു​പ്രീം​കോ​ട​തി​യെ സ​മീ​പി​ക്കാ​നു​ള്ള സാ​ധ്യ​ത​യാ​ണ്​ തേ​ടു​ന്ന​ത്.