കെ.എസ്​.ആർ.ടി.സി - സ്വിഫ്​ട്​ കമ്പനിയിൽ എം പാനലുകാരുടെ നിയമനം: ഹരജിയിൽ വിശദീകരണംതേടി

കൊച്ചി: കെ.എസ്​.ആർ.ടി.സി-സ്വിഫ്​ട്​ കമ്പനി നിലവിൽവരു​േമ്പാൾ പിരിച്ചുവിട്ട എം പാനൽ ഡ്രൈവർമാരെയും കണ്ടക്​ടർമാരെയും നിയമിക്കാനുള്ള ഗൂഢലക്ഷ്യം തടയണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറി​െൻറ വിശദീകരണം തേടി. കെ.എസ്​.ആർ.ടി.സി റിസർവ്​ ഡ്രൈവർ തസ്​തികയിലേക്ക്​ 2012 ആഗസ്​റ്റ്​ 23ന്​ നിലവിൽവന്ന പി.എസ്​.സി പട്ടികയിൽ ഉൾപ്പെട്ട ആലപ്പുഴ കുത്തിയതോട്​ സ്വദേശി ടി.എസ്.​ സന്തോഷ്​ നൽകിയ ഹരജിയിലാണ്​ വിശദീകരണം തേടിയത്​.

പി.എസ്​.സിക്ക്​ റിപ്പോർട്ട്​ ചെയ്​ത 2455 ഒഴിവുകളിലേക്ക്​ ഹരജിക്കാരൻ ഉൾപ്പെട്ട പട്ടികയിലുള്ളവരെ നിയമിക്കണമെന്ന ഹൈകോടതി-സുപ്രീംകോടതി ഉത്തരവുകൾ നിലവിലുണ്ടെങ്കിലും എം പാനലുകാരെ നിയമിക്കാനാണ്​ സർക്കാർ ശ്രമമെന്നാണ്​ ഹരജിയിലെ ആരോപണം. ഒഴിവുകൾ റിപ്പോർട്ട്​ ചെയ്​തെങ്കിലും നിയമന ശിപാർശ നൽകാനുള്ള നിർദേശം പി.എസ്​.സിക്ക്​ നൽകിയിട്ടില്ല.

പിന്നീട്​ ൈഹകോടതി ഇടപെടലിനെത്തുടർന്ന്​ എം പാനലുകാരെ നിയമിക്കരുതെന്നും ആവശ്യമെങ്കിൽ പട്ടികയിലുള്ളവരെ നിയമിക്കണമെന്നും ഉത്തരവുണ്ടായി. ഉത്തരവ്​ നടപ്പാക്കാതിരുന്നത്​ ചോദ്യംചെയ്​ത്​ നൽകിയ കോടതിയലക്ഷ്യ ഹരജിയെത്തുടർന്നാണ്​ എം പാനലുകാരെ പുറത്താക്കിയത്​. എന്നാൽ, കോടതി വിധി മറികടക്കാൻ പുതിയ കമ്പനിയായ കെ.എസ്​.ആർ.ടി.സി-സ്വിഫ്​റ്റ്​ പ്രഖ്യാപിച്ചിരിക്കുകയാണ്​.

ഇതിന്​ സ്വതന്ത്ര സ്വഭാവമാണുള്ളതെന്നാണ്​​ പറയുന്നതെങ്കിലും കോർപറേഷ​െൻറ ഭാഗമാണ്​. എം പാനലുകാരെ പുനർനിയമിക്കാനുള്ള വ്യവസ്ഥകളാണ്​ ഇതിൽ പറഞ്ഞിരിക്കുന്നത്​. ഈ വ്യവസ്ഥകൾ റദ്ദാക്കണമെന്നും പി.എസ്​.സി റാങ്ക്​ പട്ടികയിലുള്ളവരെ നിയമിക്കാൻ നിർദേശിക്കണമെന്നുമാണ്​ ആവശ്യം. എം പാനലുകാരെ നിയമിക്കുന്നതിന്​ വിലക്കേർപ്പെടുത്തണമെന്നാണ്​ ഇടക്കാല ആവശ്യം.