പാതിവില തട്ടിപ്പ്: അപേക്ഷ എം.എൽ.എ ഓഫിസ് വഴിയായത് വിശ്വാസ്യത കൂട്ടി

പെ​രി​ന്ത​ൽ​മ​ണ്ണ: പ​കു​തി വി​ല​യി​ൽ സ്കൂ​ട്ട​റും ലാ​പ്ടോ​പ്പും ത​യ്യ​ൽ മെ​ഷീ​നും ന​ൽ​കാ​മെ​ന്ന് വി​ശ്വ​സി​ച്ച് പ​ണം ത​ട്ടി​യ സം​ഭ​വ​ത്തി​ൽ പെ​രി​ന്ത​ൽ​മ​ണ്ണ​യി​ൽ അ​പേ​ക്ഷ സ്വീ​ക​രി​ച്ച​ത് ന​ജീ​ബ് കാ​ന്ത​പു​രം എം.​എ​ൽ.​എ​യു​ടെ ഓ​ഫി​സ് വ​ഴി​യാ​യ​ത് ജ​ന​ങ്ങ​ളി​ൽ വി​ശ്വാ​സ്യ​ത കൂ​ട്ടി. ന​ജീ​ബ് കാ​ന്ത​പു​രം പ്ര​ധാ​ന ഭാ​ര​വാ​ഹി​യാ​യ മു​ദ്ര ചാ​രി​റ്റ​ബി​ൾ ട്ര​സ്റ്റ് എം.​എ​ൽ.​എ​യു​ടെ ഓ​ഫി​സ് കേ​ന്ദ്രീ​ക​രി​ച്ചാ​ണ് പ്ര​വ​ർ​ത്തി​ക്കു​ന്ന​ത്.

പ​കു​തി​വി​ല​ക്ക് സ്കൂ​ട്ട​റി​ന് അ​പേ​ക്ഷ ക്ഷ​ണി​ച്ച​താ​യി എം.​എ​ൽ.​എ​യു​ടെ ഓ​ഫി​സി​ൽ​നി​ന്ന് വാ​ർ​ത്താ​കു​റി​പ്പും ഇ​റ​ക്കി​യി​രു​ന്നു. മു​ദ്ര ചാ​രി​റ്റ​ബി​ൾ ട്ര​സ്റ്റ് വ​ഴി ന​ൽ​കു​ന്ന ആ​നു​കൂ​ല്യ​മാ​ണെ​ങ്കി​ലും എം.​എ​ൽ.​എ ഓ​ഫി​സി​ൽ അ​പേ​ക്ഷ ന​ൽ​കാ​നാ​ണ് പ​റ​ഞ്ഞ​തെ​ന്ന​തി​നാ​ൽ പ​ണം മു​ട​ക്കി​യ​വ​ർ​ക്ക് വി​ശ്വാ​സ്യ​ത കൈ​വ​ന്നി​രു​ന്നു.

ഇ​ത്ത​ര​ത്തി​ൽ പ​കു​തി പ​ണം ന​ൽ​കി​യ​വ​ർ 40 ദി​വ​സം കൊ​ണ്ട് വ​സ്തു​ക്ക​ൾ ല​ഭി​ക്കു​മെ​ന്ന് പ്ര​തീ​ക്ഷി​ച്ചെ​ങ്കി​ലും ല​ഭി​ക്കാ​താ​യ​തോ​ടെ സെ​പ്റ്റം​ബ​റി​ൽ ത​ന്നെ പ​രാ​തി അ​റി​യി​ച്ചി​രു​ന്നു.

എ​ന്നാ​ൽ, വ​ലി​യ ക​മ്പ​നി​ക​ളു​ടെ സി.​എ​സ്.​ആ​ർ ഫ​ണ്ട് ല​ഭി​ക്കാ​നു​ള്ള താ​മ​സ​മാ​ണ് തു​ക വൈ​കാ​ൻ കാ​ര​ണ​മാ​യി മ​റു​പ​ടി ന​ൽ​കി​യ​ത്.

മ​റ്റ് സ്ഥ​ല​ങ്ങ​ളി​ൽ ഉ​പ​ക​ര​ണ​ങ്ങ​ളു​ടെ വി​ത​ര​ണ​ച​ട​ങ്ങി​ലാ​ണ് ജ​ന​പ്ര​തി​നി​ധി​ക​ൾ ഭാ​ഗ​മാ​യെ​ങ്കി​ൽ പെ​രി​ന്ത​ൽ​മ​ണ്ണ​യി​ൽ ത​ട്ടി​പ്പ് ന​ട​ത്തി​യ​വ​രു​ടെ ക​ണ്ണി​യാ​യി എം.​എ​ൽ.​എ​യും അ​ദ്ദേ​ഹ​ത്തി​ന്റെ ഓ​ഫി​സും പ്ര​വ​ർ​ത്തി​ച്ച​താ​യാ​ണ് പ​രാ​തി​യു​യ​ർ​ന്നി​രി​ക്കു​ന്ന​ത്.

മുഴുവൻ അപേക്ഷകരും പിടിയിലായ അനന്തുകൃഷ്ണന്റെ ബാങ്ക് അക്കൗണ്ടിലേക്കാണ് പണം നൽകിയതെന്നും ബാക്കിയെല്ലാം സുതാര്യമാണെന്നുമാണ് നജീബ് കാന്തപുരം എം.എൽ.എ പറയുന്നത്