തല പോയാലും ദേവസ്വം ബോർഡ് അധ്യക്ഷസ്ഥാനത്ത്​ തുടരും -പത്മകുമാർ

തിരുവനന്തപുരം: തല പോയാലും ദേവസ്വം ബോർഡ് അധ്യക്ഷസ്ഥാനത്ത്​ തുടരുകതന്നെ ചെയ്യുമെന്ന്​ തിരുവിതാംകൂർ ദേവസ്വം ബോർഡ് പ്രസിഡൻറ്​ എ. പത്മകുമാർ. പ്രസിഡൻറായി താൻ നവംബർവരെ തുടരും. ശബരിമലക്കും ദേവസ്വം ബോർഡിനും 739 കോടി അനുവദിക്കു കയും സഹായങ്ങൾ നൽകുകയും ചെയ്ത സർക്കാറിനൊപ്പം ബോർഡ് ഉറച്ചുനിൽക്കുമെന്നും അദ്ദേഹം കൂട്ടിച്ചേർത്തു. തിരുവിതാംക ൂർ ദേവസ്വം പെൻഷനേഴ്സ് വെൽ​െഫയർ സഹകരണസംഘത്തി​​​െൻറ പ്രവർത്തനോദ്ഘാടനം നിർവഹിക്കുകയായിരുന്നു അദ്ദേഹം.

ദേവസ്വം ബോർഡ്​ പ്രസിഡൻറായി താൻ കാലാവധി പൂർത്തിയാക്കുമെന്നകാര്യത്തിൽ ആർക്കും സംശയം വേണ്ട. ഇപ്പോഴും താൻ അകത്തുതന്നെയാണ്. ദേവസ്വം ബോർഡിനെ തകർക്കാനുള്ള ഒരു ശ്രമവും അനുവദിക്കില്ല. സാവകാശ ഹരജി സംബന്ധിച്ച് ദേവസ്വം മന്ത്രിയുമായി വ്യത്യസ്ത അഭിപ്രായമെന്നത്​ മാധ്യമസൃഷ്​ടിയാണ്. വികാരപരമായി സുപ്രീംകോടതി വിധിയെ സമീപിക്കില്ല. തർക്കത്തിലാക്കി ദേവസ്വം ബോർഡിനെ തകർക്കാമെന്ന്​ ആരും കരുതേണ്ടതില്ലെന്നും പത്മകുമാർ പറഞ്ഞു.

ആരും വിശദീകരണം ചോദിച്ചിട്ടില്ല -​േദവസ്വം കമീഷണർ
തിരുവനന്തപുരം: യുവതീപ്രവേശന വിധിയിൽ പുനഃപരിശോധന ആവശ്യമില്ലെന്ന്​ സുപ്രീംകോടതിയിൽ ദേവസ്വം ബോർഡ്​ എടുത്ത നിലപാടിൽ ആരും തന്നോട് വിശദീകരണം ചോദിച്ചിട്ടില്ലെന്ന്​ ദേവസ്വം കമീഷണർ എൻ. വാസു വ്യക്തമാക്കി. ബോർഡ് നിയോഗിച്ച ഉദ്യോഗസ്ഥനെന്നനിലയിൽ വിശദീകരണം നൽകേണ്ടത് ത​​​െൻറ ഉത്തരവാദിത്തമാണെന്നും അദ്ദേഹം കൂട്ടിച്ചേർത്തു. തെറ്റിദ്ധാരണ പരത്തുന്നരീതിയി​ൽ പ്രചാരണങ്ങളുണ്ടായ സാഹചര്യത്തിലാണ്​ താൻ കഴിഞ്ഞദിവസം എ.കെ.ജി സ​​െൻററിലെത്തി സി.പി.എം നേതൃത്വ​േത്താട്​ സുപ്രീംകോടതിയിൽ നടന്ന കാര്യങ്ങൾ വിശദീകരിച്ചത്​.