ബി​.ജെ.പിക്കായി മത്സരിച്ച എ.​പി. അ​ബ്​​ദു​ല്ല​ക്കു​ട്ടി​യു​ടെ സഹോദരൻ തോറ്റമ്പി; ലഭിച്ചത്​ 20 വോട്ട്​

നാ​റാ​ത്ത് (ക​ണ്ണൂ​ർ): തോറ്റമ്പി ബി.​ജെ.​പി ദേ​ശീ​യ ഉ​പാ​ധ്യ​ക്ഷ​ൻ എ.​പി. അ​ബ്​​ദു​ല്ല​ക്കു​ട്ടി​യു​ടെ അ​നു​ജ​ൻ. എ​ൻ.​ഡി.​എ സ്ഥാ​നാ​ർ​ഥിയായി മത്സരിച്ച എ.​പി. ഷ​റ​ഫു​ദ്ദീ​നാണ് നാലാം സ്​ഥാനക്കാരനായത്​. അ​ബ്​​ദു​ല്ല​ക്കു​ട്ടി​യു​ടെ നാ​ടാ​യ നാ​റാ​ത്ത് പ​ഞ്ചാ​യ​ത്തി​ലെ 17ാം വാ​ർ​ഡ്​ ക​മ്പി​ലി​ൽ നി​ന്നാ​യിരുന്നു ഇയാൾ ജനവിധി നേടിയത്. 20 വോട്ട്​ മാത്രമാണ്​ ഇയാൾക്ക്​ ലഭിച്ചത്​.

മുസ്​ലിം ലീഗി​െൻറ സൈഫുദ്ദീൻ നാറാത്ത്​ 677 വോട്ടുമായി ഒന്നാമതെത്തി. 318 വോട്ട്​ നേടി എസ്​.ഡി.പി.ഐ ആണ്​ ഇവിടെ രണ്ടാം സ്​ഥാനത്തെത്തിയത്​. 125 വോട്ടുകളുമായി സി.പി.എം മൂന്നാം സ്​ഥാനത്തേക്ക്​ പിന്തള്ളപ്പെട്ടു.

നാ​റാ​ത്ത് അ​ബ്​​ദു​ല്ല​ക്കു​ട്ടി​യു​ടെ ത​റ​വാ​ട് വീ​ടി​ന് സ​മീ​പം ത​ന്നെ​യാ​ണ് ഷ​റ​ഫു​ദ്ദീ​ൻ താ​മ​സി​ക്കു​ന്ന​ത്. ബി.ജെ.പിയും എൻ.ഡി.എയും ന്യൂനപക്ഷ വിരുദ്ധ പാര്‍ട്ടിയാണെന്ന കോണ്‍ഗ്രസിന്‍റെയും സി.പി.എമ്മിന്‍റെയും കളളപ്രചാരണങ്ങള്‍ക്ക് തിരിച്ചടി നൽകാനാണ് താനും സഹോദരനെപ്പോലെ ബി.ജെ.പിയിൽ ചേർന്നു പ്രവർത്തിക്കാൻ തീരുമാനിച്ചതെന്ന് ഷറഫുദ്ദീന്‍ നേരത്തേ പറഞ്ഞിരുന്നു.