അബ്ദുല്ലക്കുട്ടിക്ക് വധഭീഷണി: മാഹി പൊലീസിൽ പരാതി നൽകി

മാഹി: ബി.ജെ.പി ദേശീയ ഉപാധ്യക്ഷൻ എ.പി. അബ്ദുല്ലക്കുട്ടിയുടെ പ്രസ്താവനയെ തുടർന്ന് അദ്ദേഹത്തിനെതിരെ നവമാധ്യമങ്ങളിൽ വധഭീഷണി മുഴക്കുകയും അസഭ്യം പറയുകയും ചെയ്തയാൾക്കെതിരെ നടപടി ആവശ്യപ്പെട്ട് മാഹി പൊലീസിൽ പരാതി. 1921ലെ കലാപവുമായി ബന്ധപ്പെട്ട് വാരിയൻ കുന്നത്ത് കുഞ്ഞഹമ്മദ് ഹാജിയെ വിമർശിച്ചാണ് എ.പി. അബ്ദുല്ലക്കുട്ടി പ്രസ്താവന നടത്തിയത്. ഈ പ്രസ്താവനയെ തുടർന്നാണ് നവ മാധ്യമങ്ങളിൽ പ്രതിഷേധം ഉണ്ടായത്. ബി.ജെ.പി നേതാവ് വി.പി. കൃഷ്ണരാജാണ് മാഹി എസ്.ഐക്ക് പരാതി നൽകിയത്.