Begin typing your search above and press return to search.
exit_to_app
exit_to_app
Saji Cherian
cancel
Homechevron_rightNewschevron_rightKeralachevron_rightഅനുപമയുടെ പരാതി:...

അനുപമയുടെ പരാതി: മന്ത്രി സജി ചെറിയാനെതിരെ പ്രാഥമികാന്വേഷണത്തിന്​ ഉത്തരവിട്ടു

text_fields
bookmark_border

തിരുവനന്തപുരം: അനുപമക്കെതിരെയും ഭർത്താവ് അജിത്തിനെതിരെയും സാംസ്കാരിക മന്ത്രി സജി ചെറിയാൻ നടത്തിയ അപകീർത്തികരമായ പരാമർശത്തിൽ പ്രാഥമികാന്വേഷണത്തിന് സിറ്റി പൊലീസ് കമീഷണർ ബൽറാം കുമാർ ഉപാധ്യായ ഉത്തരവിട്ടു. പരാമർശം ശ്രീകാര്യം പൊലീസ് സ്​റ്റേഷൻ പരിധിയിലാണെന്നതിനാൽ പേരൂർക്കട പൊലീസ് ശ്രീകാര്യം പൊലീസിന് പരാതി കൈമാറി. പ്രസംഗത്തി​െൻറ ഉള്ളടക്കം പരിശോധിക്കാനാണ് നിർദേശം.

സ്ത്രീ മുന്നേറ്റം ലക്ഷ്യമാക്കി സാംസ്കാരിക വകുപ്പ് നടപ്പാക്കുന്ന 'സമം' പദ്ധതിയുടെ ഭാഗമായി ആരംഭിച്ച സ്ത്രീകളുടെ നാടകക്കളരി കാര്യവട്ടം കാമ്പസിൽ ഉദ്ഘാടനം ചെയ്യു​േമ്പാഴായിരുന്നു മന്ത്രിയുടെ വിവാദ പരാമർശം. 'കല്യാണം കഴിച്ച്​ രണ്ടും മൂന്നും കുട്ടികൾ ഉണ്ടാവുക, എന്നിട്ട്​ സുഹൃത്തിെൻറ ഭാര്യയെ പ്രേമിക്കുക, അതും പോരാഞ്ഞിട്ട് വളരെ ചെറുപ്പമായ ഒരു കുട്ടിയെ വീണ്ടും പ്രേമിക്കുക, ആ കുട്ടിക്കും കുട്ടിയുണ്ടാക്കിക്കൊടുക്കുക, ചോദ്യംചെയ്ത അച്ഛൻ ജയിലിലേക്ക്​ പോവുക. ആ കുട്ടിക്ക് അതിെൻറ കുട്ടിയെ ലഭിക്കണമെന്നതിലൊന്നും ഞങ്ങൾ എതിരല്ല. പക്ഷേ, ആ അച്ഛ‍​െൻറയും അമ്മയുടെയും മനോനില മനസ്സിലാക്കണം' -ഇങ്ങനെയായിരുന്നു മന്ത്രിയുടെ പ്രസം​ഗം.

ദത്ത് വിഷയത്തിൽ അനുപമയെയും അജിത്തിനെയും വ്യക്തിഹത്യ നടത്തിയിട്ടില്ലെന്നും പെൺകുട്ടികൾ പ്രായോഗികമായി ചിന്തിക്കണമെന്ന്​ മാത്രമാണ് പറഞ്ഞതെന്നും മന്ത്രി സജി ചെറിയാൻ മാധ്യമങ്ങളോട് പറഞ്ഞു. മൂന്ന്​ പെൺകുട്ടികളുടെ പിതാ​െവന്ന നിലയിലായിരുന്നു ത‍െൻറ പരാമർശം. ആ കുട്ടിക്ക് എന്തെങ്കിലും പ്രയാസമുണ്ടെങ്കിൽ, ആ കുട്ടിയെ ഉദ്ദേശിച്ചല്ല ഞാൻ പറഞ്ഞത്.

അവൾക്കെ​െൻറ മോളുടെ പ്രായമല്ലേ ഉള്ളൂ. അവൾക്ക്​ സംഭവിച്ച ദുരന്തത്തിൽ സങ്കടപ്പെടുന്നയാളാണ്. ആ പിതാവിനെപ്പറ്റി തിരക്കിയപ്പോൾ ഹൃദയ ശസ്ത്രക്രിയ കഴിഞ്ഞതാണെന്ന് അറിഞ്ഞു. ക്രിമിനൽ കുറ്റം ചെയ്തെന്ന്​ പറഞ്ഞ് കേസ് കൊടുത്തെന്ന്​ കേട്ടപ്പോൾ വിഷമം തോന്നി. ആ പിതാവിനുവേണ്ടി പറയാൻ ആരുമില്ല. അവർ ചെയ്തത്​ തെറ്റായിരിക്കാം. അത്​ നിയമത്തിെൻറ വഴിക്കുപോകട്ടെ -മന്ത്രി വിശദീകരിച്ചു.

Show Full Article
TAGS:Anupama Child Kidnap 
News Summary - Anupama's complaint: Minister Saji Cherian has ordered a preliminary inquiry
Next Story