പു​രാ​വ​സ്തു​ത​ട്ടി​പ്പ് കേസ്; ഐ.ജി ലക്ഷ്മണ ഇന്ന് ഇ.ഡിക്ക് മുന്നിൽ ഹാജരാകില്ല

കൊച്ചി: പു​രാ​വ​സ്തു​ത​ട്ടി​പ്പു​മാ​യി ബ​ന്ധ​പ്പെ​ട്ട വ​ഞ്ച​ന​ക്കേ​സി​ലെ മൂ​ന്നാം പ്ര​തിയായ ഐ.ജി ലക്ഷ്മണ തിങ്കളാഴ്ച ഇ.ഡിക്ക് മുന്നിൽ ഹാജരാകില്ല. തട്ടിപ്പിലെ കള്ളപ്പണ ഇടപാടാണ് ഇ.ഡി അന്വേഷിക്കുന്നത്. തിങ്കളാഴ്ച രാവിലെ 11ന് കൊച്ചിയിലെ ഓഫിസിൽ എത്താനാണ് ലക്ഷ്മണക്ക് നോട്ടീസ് നൽകിയിരുന്നത്. ആരോഗ്യപ്രശ്നങ്ങളെത്തുടർന്ന് ചികിത്സയിലായതിനാൽ എത്താൻ ബുദ്ധിമുട്ടുണ്ടെന്ന് ലക്ഷ്മണ ഫോണിലൂടെ കഴിഞ്ഞദിവസം അറിയിച്ചു. ക്രൈംബ്രാഞ്ച് രണ്ടു തവണ നോട്ടീസ് നൽകിയിട്ടും ഐ.ജി ലക്ഷ്മണ ഹാജരായിരുന്നില്ല.

ക്രൈംബ്രാഞ്ച് കേസിൽ മുൻകൂർ ജാമ്യ ഹരജിയും, കേസിൽ നിന്ന് ഒഴിവാക്കണമെന്ന ഹരജിയും ഹൈകോടതി പരിഗണിക്കാനുണ്ട്. ഇതിൽ തീർപ്പായതിന് ശേഷമായിരിക്കും ഇ.ഡിയുടെ മുന്നിൽ ലക്ഷ്മണ എത്തുക.

ത​നി​ക്കെ​തി​രാ​യ കേ​സ് റ​ദ്ദാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് ഹൈ​കോ​ട​തി​യെ സ​മീ​പി​ച്ച ഐ.​ജി ല​ക്ഷ്മ​ൺ സ​ര്‍ക്കാ​റി​നെ​തി​രെ ഗു​രു​ത​ര ആ​രോ​പ​ണം ഉ​ന്ന​യി​ച്ചി​രു​ന്നു. മു​ഖ്യ​മ​ന്ത്രി​യു​ടെ ഓ​ഫി​സി​ൽ ഭ​ര​ണ​ഘ​ട​നാ​തീ​ത​മാ​യ ശ​ക്തി​ക​ൾ പ്ര​വ​ർ​ത്തി​ക്കു​ന്നു​വെ​ന്ന ആ​രോ​പ​ണ​മാണുയർത്തിയത്.

മോ​ൻ​സ​ൺ കേ​സ് ആ​ദ്യം വ​ന്ന​പ്പോ​ൾ ല​ക്ഷ്മ​ൺ പ്ര​തി​യാ​യി​രു​ന്നി​ല്ല. എ​ന്നി​ട്ടും സ​സ്പെ​ൻ​ഡ് ചെ​യ്​​തി​രു​ന്നു. കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​നെ പ്ര​തി​യാ​ക്കി​യ​തി​ന് പി​ന്നാ​ലെ​യാ​ണ്​ ല​ക്ഷ്മ​ണി​നെ പ്ര​തി​യാ​ക്കി​യ​ത്. മോ​ൻ​സ​ണു​മാ​യി ബ​ന്ധ​മു​ള്ള പൊ​ലീ​സ് മു​ൻ മേ​ധാ​വി​ക്കെ​തി​രെ ന​ട​പ​ടി​യൊ​ന്നും സ്വീ​ക​രി​ച്ചി​ട്ടു​മി​ല്ല. ത​ന്നെ ബോ​ധ​പൂ​ർ​വം പ്ര​തി​യാ​ക്കി​യെ​ന്ന് ആ​രോ​പ​ണം ഉ​യ​ർ​ത്തി​യ കെ. ​സു​ധാ​ക​ര​നും ഐ.​ജി​ ലക്ഷ്മണിന്‍റെ ആ​രോ​പ​ണം പി​ടി​വ​ള്ളി​യാ​ണ്.