പൗരത്വ ഭേദഗതി നിയമത്തിനെതിരെ പ്രതിഷേധം; മണവാളൻ പ്ലക്കാർഡുമായി ഒട്ടകപ്പുറത്ത്​

തിരുവനന്തപുരം: പൗരത്വ ഭേദഗതി നിയമത്തിനെതിരെ പ്രതിഷേധിച്ച് ഒരു കൈയിൽ ഇന്ത്യൻ ഭരണഘടനയും മറുകൈയിൽ​ പ്ലക്കാർഡു മേന്തി ഒട്ടകപ്പുറത്തേറിയാണ്​ ബാലരാമപുരം സ്വദേശി ഹാജ നിക്കാഹ് വേദിയിലെത്തിയത്.

വരൻെറ സുഹൃത്തുക്കളുള്‍പ്പെടെ നൂറുകണക്കിന് പേര്‍ പ്രതിഷേധ മുദ്രാവാക്യം മുഴ​ക്കി ഒപ്പം ചേർന്ന​േതാടെ നിക്കാഹും പ്രതിഷേധവും ജനശ്രദ്ധ നേടി. അര കിലോമീറ്ററോളമാണ്​​ പ്ലക്കാർഡ്​ കൈയിലേന്തി മണവാളൻ​ ഒട്ടകപ്പുറത്തിരുന്നത്. ​ഒരേ വേഷത്തിൽ ഒരേ ശബ്​ദത്തിൽ പൗരത്വ ഭേദഗതി നിയമം പിൻവലിക്കണമെന്ന മുദ്രാവാക്യം മുഴ​ക്കി​െകാണ്ട് വരനെ അനുഗമിച്ച​ സുഹൃത്തുക്കൾ നിക്കാഹും പ്രതിഷേധവും ഒരേപോലെ ആഘോഷമാക്കി.

നവവധുവിന്​ ഇസ്ലാമിക ആചാരപ്രകാരമുള്ള മഹറിനൊപ്പം ഇന്ത്യന്‍ ഭരണഘടനയുടെ മലയാള പരിഭാഷ കൂടി നല്‍കിയ ശേഷമാണ് ഹാജ നിക്കാഹ് ചടങ്ങ് പൂര്‍ത്തിയാക്കിയത്.