Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപി.കെ. ശ്യാമളക്കെതിരെ...

പി.കെ. ശ്യാമളക്കെതിരെ ഉപാധ്യക്ഷൻ; സി.പി.എമ്മിലെ ഭിന്നത താഴെ തട്ടിലേക്ക്​

text_fields
bookmark_border
shaju anthoor
cancel

കണ്ണൂർ: ആന്തൂർ വിഷയത്തിൽ സി.പി.എം നേതൃത്വത്തിലെ ഭിന്നത ആന്തൂർ നഗരസഭ ഭരണസമിതിയ​ിലേക്കും വ്യാപിക്കുന്നു. നഗരസഭ ചെയർപേഴ്​സൻ പി.കെ. ശ്യാമളയെ ​പരോക്ഷമായി തള്ളി വൈസ്​ ചെയർമാൻ കെ. ഷാജു രംഗത്തെത്തി. ഫേസ്​ബുക്കിലെ അഭിപ്രായപ്രക ടനം വിവാദമായതോടെ ഷാജു അത്​ പിൻവലിച്ചു. ‘‘തെറ്റ് തെറ്റാണെന്ന് ചൂണ്ടിക്കാട്ടിയാൽ അത് തിരുത്തണം. അല്ലാതെ വാദിക ്കാനോ ജയിക്കാനോ നിൽക്കരുത്. അത് ഞാനായാലും’’ -ഇതായിരുന്നു ഷാജുവി​​െൻറ ഫേസ്​ബുക്​ പോസ്​റ്റ്​. ത​​െൻറ ​േപാസ ്​റ്റ്​ തെറ്റായി വ്യാഖ്യാനിക്കപ്പെട്ടതിനാലാണ്​ പിൻവലിച്ചതെന്നും ഭരണസമിതിയിൽ ​ഭിന്നതയില്ലെന്നും ഷാജു വിശദ ീകരിച്ചു.

എന്നാൽ, പി.കെ. ശ്യാമളയെ സംരക്ഷിക്കാനുള്ള സംസ്​ഥാന നേതൃത്വത്തി​​െൻറ തീരുമാനത്തിനെതിരായ ആന്തൂരി ലെ സി.പി.എം ഘടകങ്ങളിലെ അതൃപ്​തിയാണ്​ ​കെ. ഷാജുവി​​െൻറ പോസ്​റ്റിലൂടെ മറനീക്കുന്നത്​. വ്യവസായി സാജൻ പാറയിലി​​ െൻറ ആത്മഹത്യയി​േലക്ക്​ നയിച്ച വിഷയത്തിൽ ചെയർപേഴ്​സൻ പി.കെ. ശ്യാമളക്ക്​ വീഴ്​ചപറ്റിയെന്ന വിലയിരുത്തലാണ്​ ആന് തൂർ ഉൾപ്പെട്ട തളിപ്പറമ്പ്​ ഏരിയ കമ്മിറ്റിയിലും മേഖലയിലെ നാലു ലോക്കൽ കമ്മിറ്റികളിലുമുണ്ടായത്​. കണ്ണൂർ ജില്ല സെക്ര​േട്ടറിയറ്റും അങ്ങനെ വിലയിരുത്തിയശേഷമാണ്​ ശ്യാമളക്ക്​ വീഴ്​ചപറ്റിയെന്ന്​ പി. ജയരാജനും എം.വി. ജയരാജനും പൊതുയോഗത്തിൽ പരസ്യമായി ഏറ്റുപറഞ്ഞത്​.

വിഷയം സംസ്​ഥാന സെക്ര​േട്ടറിയറ്റിലെത്തിയപ്പോൾ എല്ലാം മാറി. ശ്യാമളയെ കുറ്റപ്പെടുത്താൻ തെളിവില്ലെന്ന്​ വിലയിരുത്തിയ സംസ്​ഥാന ​െസക്ര​േട്ടറിയറ്റ്​ ശ്യാമള​ക്ക്​ വീഴ്​ചപറ്റിയെന്ന്​ പൊതുയോഗത്തിൽ പറഞ്ഞതാണ്​ തെറ്റെന്നാണ്​ വിലയിരുത്തിയത്​. ജില്ല സെക്ര​േട്ടറിയറ്റി​​െൻറ തീരുമാനമാണ്​ താൻ പറഞ്ഞതെന്നായിരുന്നു പി. ജയരാജൻ ഇതിന്​ സംസ്​ഥാനസമിതിയിൽ നൽകിയ മറുപടി. അതിനിടെയാണ്​ സംസ്​ഥാന സമിതിയിൽ ജെയിംസ്​ മാത്യു എം.എൽ.എ വെളിപ്പെടുത്തൽ നടത്തിയത്​. സാജ​​െൻറ കൺവെൻഷൻ സ​െൻററിന്​ നിർമാണ അനുമതി മുടക്കാൻ ചെയർപേഴ്​സൻ പി.കെ. ശ്യാമളയുടെ ​ഭർത്താവ്​ കൂടിയായ കേന്ദ്ര കമ്മിറ്റിയംഗം എം.വി. ഗോവിന്ദൻ മന്ത്രി കെ.ടി. ജലീലി​​െൻറ പി.എയെ വിളിച്ചുവെന്നായിരുന്നു വെളിപ്പെടുത്തൽ.

അങ്ങനെ പി. ജയരാജനും ജെയിംസ്​ മാത്യുവും ഒരുവശത്തും കോടിയേരി ബാലകൃഷ്​ണനും എം.വി. ഗോവിന്ദനും മറുഭാഗത്തുമായി സംസ്​ഥാന നേതൃത്വത്തിലെ ഭിന്നത മറനീക്കിയതിന്​ പിന്നാലെയാണ്​ നഗരസഭ വൈസ്​ ചെയർമാൻ കെ. ഷാജു ചെയർ​േപഴ്​സൻ ശ്യാമളക്കെതിരെ രംഗത്തുവന്നത്​. പ്രതിപക്ഷമില്ലാത്ത ആന്തൂർ ഭരണസമിതിയിൽ ​ശ്യാമളയും ഷാജുവും തമ്മിൽ നേരത്തേ മുതൽ സ്വരച്ചേർച്ചയിലല്ല. ജെയിംസ്​ മാത്യുവി​​െൻറ അടുപ്പക്കാരൻ കൂടിയാണ്​ കെ. ഷാജു.


ആന്തൂർ: സെക്രട്ടറി നിലവിൽ പ്രതിയല്ലെന്ന്​ പൊലീസ്​; മുൻകൂർ ജാമ്യഹരജി ​തീർപ്പാക്കി
കൊച്ചി: കണ്‍വെന്‍ഷന്‍ സ​െൻററിന് അനുമതി നിഷേധിച്ചതിനെത്തുടര്‍ന്ന് പ്രവാസി വ്യവസായി ആത്​മഹത്യ ചെയ്​ത കേസില്‍ ആന്തൂർ നഗരസഭ സെക്രട്ടറി എം.​കെ. ഗിരീഷ്​ നൽകിയ മുൻകൂർ ജാമ്യഹരജി ​ൈഹകോടതി തീർപ്പാക്കി. കേസിൽ ഗിരീഷിനെ നിലവിൽ പ്രതിയാക്കിയിട്ടില്ലെന്ന ക്രൈംബ്രാഞ്ചി​​െൻറ വിശദീകരണത്തി​​െൻറ അടിസ്​ഥാനത്തിലാണ്​ ഹരജിയിലെ തുടർനടപടികൾ ജസ്​റ്റിസ് ബി. സുധീന്ദ്രകുമാര്‍ അവസാനിപ്പിച്ചത്​.

ആന്തൂർ നഗരസഭ പരിധിയിൽ നിർമിച്ച കൺവെൻഷൻ സ​െൻററിന് ഒക്യുപെൻസി സർട്ടിഫിക്കറ്റ് നൽകാത്തതിൽ മനംനൊന്താണ് പ്രവാസി വ്യവസായി സാജ​​െൻറ ആത്മഹത്യയെന്ന പ്രചാരണം അടിസ്​ഥാനരഹിതമാണെന്നായിരുന്നു ഗിരീഷി​​െൻറ വാദം. കേരള മുനിസിപ്പൽ കെട്ടിട നിർമാണച്ചട്ടത്തിലെ വ്യവസ്ഥകൾ ലംഘിച്ചെന്ന്​ കണ്ടെത്തിയതിനാലാണ് ലൈസൻസ് നിഷേധിച്ചത്.

ജൂൺ 18ന് സാജൻ ആത്മഹത്യ ചെയ്തതിനെത്തുടർന്ന് ഈ മാസം 20ന്​ തന്നെ സസ്പെൻഡ് ചെയ്തു. സാജ​​െൻറ ആത്മഹത്യയുമായി ബന്ധപ്പെട്ട് വളപട്ടണം പൊലീസ് തനിക്കെതിരെ കേസെടുത്തിട്ടുണ്ടെന്നും നിയമപരമായ നടപടിയല്ലാതെ കുറ്റമൊന്നും ചെയ്യാത്ത സാഹചര്യത്തിൽ അറസ്​റ്റ്​ തടയണമെന്നുമായിരുന്നു ഹരജിയിലെ ആവശ്യം. എന്നാൽ, വളപട്ടണം പൊലീസ് രജിസ്​റ്റര്‍ ചെയ്ത കേസില്‍ ഗിരീഷിനെ പ്രതി ചേര്‍ത്തിട്ടില്ലെന്നാണ് ക്രൈംബ്രാഞ്ചിനുവേണ്ടി എ.ഡി.ജി.പി കോടതിയെ അറിയിച്ചത്.


ആന്തൂർ നഗരസഭയിലേക്ക് യൂത്ത്​ കോൺഗ്രസ് മാർച്ചിൽ സംഘർഷം
തളിപ്പറമ്പ്​: കൺവെൻഷൻ സ​െൻററിന്​ അനുമതി ലഭിക്കാത്തിൽ മനംനൊന്ത്​ പ്രവാസി വ്യവസായി സാജൻ പാറയിൽ ആത്മഹത്യചെയ്​ത സംഭവത്തിൽ പ്രതിഷേധിച്ച്​ യൂത്ത് കോൺഗ്രസ് പ്രവർത്തകർ ആന്തൂർ നഗരസഭയിലേക്ക് മാർച്ച് നടത്തി. മാർച്ചിൽ സംഘർഷാവസ്ഥ ഉണ്ടായതിനെ തുടർന്ന്​ പൊലീസ് ജലപീരങ്കി പ്രയോഗിച്ചു. നേതാക്കളെ അറസ്​റ്റ്​ചെയ്തു നീക്കി.

സംഭവത്തിൽ നഗരസഭ അധ്യക്ഷ പി.കെ. ശ്യാമളക്കെതിരെ മാത്രമല്ല സി.പി.എം കേന്ദ്ര കമ്മിറ്റി അംഗം എം.വി. ഗോവിന്ദനെതിരെയും കേസെടുക്കണമെന്ന് മാർച്ച് ഉദ്ഘാടനംചെയ്ത കെ.പി.സി.സി സെക്രട്ടറി ജ്യോതികുമാർ ചാമക്കാല ആവശ്യപ്പെട്ടു. ആന്തൂരിലെ ഭരണം നിയന്ത്രിക്കുന്നത് ശ്യാമളയാണോ ഗോവിന്ദനാണോ എന്ന്​ പരിശോധിക്കണം. ഉദ്യോഗസ്ഥരെ മാത്രം പഴിചാരി രക്ഷപ്പെടാനാവില്ല. ഭരണതലത്തിലേക്ക് കുടുംബകാര്യങ്ങൾ കൊണ്ടുവരരുതെന്നും അദ്ദേഹം ആവശ്യപ്പെട്ടു.

വ്യാഴാഴ്ച രാവിലെയാണ് ചെയർപേഴ്സ​​െൻറ രാജിയാവശ്യപ്പെട്ട് യൂത്ത് കോൺഗ്രസ് കണ്ണൂർ ലോക്സഭ മണ്ഡലം കമ്മിറ്റിയുടെ നേതൃത്വത്തിൽ ആന്തൂർ നഗരസഭയിലേക്ക് മാർച്ച് നടത്തിയത്. ജ്യോതികുമാർ ചാമക്കാലയുടെയും ജോഷി കണ്ടത്തിലി​​െൻറയും പ്രസംഗത്തിനിടെ പൊലീസ് ബാരിക്കേഡ് തകർക്കാൻ യൂത്ത് കോൺഗ്രസ് പ്രവർത്തകർ ശ്രമം നടത്തി. ഇതോടെയാണ്​ സംഘർഷാവസ്ഥ​യുണ്ടായത്​. തുടർന്ന്​ പൊലീസ് ജലപീരങ്കിയിൽനിന്ന്​ വെള്ളം ചീറ്റി സമരക്കാരെ പിരിച്ചുവിടാൻ ശ്രമം നടത്തി. എന്നാൽ, പിരിഞ്ഞുപോകാതെ പ്രവർത്തകർ റോഡിൽ കുത്തിയിരുന്ന്​ മുദ്രാവാക്യം വിളിച്ചു. പൊലീസും പ്രവർത്തകരും തമ്മിൽ ഉന്തും തള്ളുമുണ്ടായി. റിജിൽ മാക്കുറ്റിയടക്കമുള്ള നേതാക്കളെ പൊലീസ് അറസ്​റ്റ്​ചെയ്തു നീക്കി.

അതിനിടെ ചില പ്രവർത്തകർ പ്രകടനമായി ചെന്ന് ധർമശാലയിൽ ദേശീയപാത ഉപരോധിക്കാനുള്ള ശ്രമവും നടത്തി. പൊലീസും മുതിർന്ന നേതാക്കളും ഇടപെട്ട് ഇവരെ പിന്തിരിപ്പിക്കുകയായിരുന്നു. മാർച്ചിന് ഒ.കെ. പ്രസാദ്, വി.പി. അബ്​ദുൽ റഷീദ്, നൗഷാദ് ബ്ലാത്തൂർ, ജൂബിലി ചാക്കോ, സുധീപ് ജയിംസ്, അമൃത രാമകൃഷ്ണൻ തുടങ്ങിയവർ നേതൃത്വം നൽകി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cpimkerala newsmalayalam newsvice chairmananthoor municipalitySajan suicide case
News Summary - Anthoor Municipality Vice Chairman slams CPIM-Kerala News
Next Story