അൻസി ബാവയുടെ ഭൗതികശരീരം 25ന് നാട്ടിലെത്തിക്കും

തിരുവനന്തപുരം: ന്യൂസിലൻഡിൽ ഭീകരാക്രമണത്തിൽ മരിച്ച കൊടുങ്ങല്ലൂർ സ്വദേശി അൻസി ബാവയുടെ ഭൗതികശരീരം 25ന് പുലർച്ച െ 3.05ന് കൊച്ചി അന്താരാഷ്​ട്ര വിമാനത്താവളത്തിൽ എത്തിക്കും. 24ന് ക്രൈസ്​റ്റ് ചർച്ച് വിമാനത്താവളത്തിൽനിന്ന്​ ദു​ൈ ​ബ വഴി എമിറേറ്റ്‌സ് വിമാനത്തിലാണ് കൊച്ചിയിലെത്തിക്കുക. നോർക്കയുടെ എമർജൻസി ആംബുലൻസ് സേവനം മുഖേന ഭൗതികശരീരം കൊ ടുങ്ങല്ലൂരിലെ വീട്ടിലെത്തിക്കുന്നതിനുള്ള നടപടി സ്വീകരിച്ചതായി നോർക്ക റൂട്ട്‌സ് അധികൃതർ അറിയിച്ചു.

മൃതദേഹം പൊതുദർശനത്തിന്​ വെക്കും
കൊടുങ്ങല്ലൂർ: ന്യൂസിലൻഡിലെ ക്രൈസ്​റ്റ്​ചർച്ചിലെ പള്ളിയിൽ നടന്ന ഭീകരാക്രമണത്തിൽ കൊല്ലപ്പെട്ട കൊടുങ്ങല്ലൂർ സ്വദേശിനി അൻസിയുടെ മൃതദേഹം നാട്ടിൽ കൊണ്ടുവന്ന ശേഷം പൊതുദർശനത്തിന്​ വെക്കും.

തിങ്കളാഴ്​ച പുലർച്ചെ 3.10ഒാടെ നെടുമ്പാശേരി വിമാന താവളത്തിൽ എത്തിക്കുന്ന മൃതദേഹം നോർക്ക അധികൃതരുടെ നേതൃത്വത്തിലായിരിക്കും നാട്ടിൽ കൊണ്ടുവരിക. അൻസിയുടെ ഭർത്താവ്​ അബ്​ദുൽ നാസറി​​െൻറ കൊടുങ്ങല്ലൂർ തിരുവളളൂരിലെ വീട്ടിലേക്കായിരിക്കും മൃതദേഹം ആദ്യം എത്തിക്കുക.

പിന്നീട്​ ചേരമാൻ ജുമാമസ്​ജിദിന്​ സമീപമുളള അൻസിയുടെ വീട്ടിലേക്ക്​ കൊണ്ടുപോകും. അവിടെയും കുടുംബാംഗങ്ങളെയും മറ്റും കാണിച്ച ശേഷം ഒമ്പത്​ മണിയോടെ മേത്തല കമ്യൂണിറ്റി ഹാളിൽ ​െപാതുദർശനത്തിന്​ വെക്കാനാണ്​ തീരുമാനം.
11 ഒാടെ ചേരമാൻ ജുമാമസ്​ജിദ്​ ഖബർസ്​ഥാനിൽ ഖബറടക്കും.അബ്​ദുൽ നാസറും ബന്ധുവും നേരത്തേ നാട്ടിലേക്ക്​ തിരിക്കും.

ദുരന്തം ഒരാഴ്​ച പിന്നിടു​േമ്പാഴും അൻസിയുടെ വേർപാടി​​െൻറ വേദനയിലാണ്​ കുടുംബാംഗങ്ങളും ബന്ധുക്കളും. ഇതിനകം മന്ത്രിമാരും മറ്റ്​ ജനപ്രതിനിധികളും, പൊതുപ്രവർത്തകരും സംഘടന ഭാരവാഹികളും നാട്ടുകാരും ഉൾപ്പെടെ നിരവധി പേരാണ്​ കുടുംബാംഗങ്ങളെ ആശ്വസിപ്പിക്കാനെത്തിയത്​.