അങ്കമാലിയിൽ നിർത്തിയിട്ട ലോറിക്കു പിന്നിൽ പച്ചക്കറി ലോറി ഇടിച്ചു; ഒരാൾ മരിച്ചു

അങ്കമാലി: അങ്കമാലിയിൽ നിർത്തിയിട്ട ലോറിക്കു പിന്നിൽ പച്ചക്കറി ലോറി ഇടിച്ചുണ്ടായ അപകടത്തിൽ ഒരാൾ മരിച്ചു. പ ാലക്കാട് കാവശേരി സ്വദേശി രൺദീപ് (37) ആണ്​ മരിച്ചത്​. വേങ്ങൂരിൽ തിങ്കളാഴ്​ച പുലർച്ചെ 1.15നായിരുന്നു സംഭവം.

മൈസൂരിൽ നിന്ന് മൂവാറ്റുപുഴക്ക് തക്കാളിയുമായി പോയ ലോറിയാണ് അപകടത്തിൽപ്പെട്ടത്. കേടായതിനെതുടർന്ന് റോഡരികിൽ നിർത്തിയിട്ട ലോറിയുടെ പിൻ ഭാഗത്ത്​ തക്കാളി കൊണ്ടുവന്ന ലോറി ഇടിക്കുകയായിരുന്നു. ഇൗ സമയം വാഹനത്തിൽ കിടന്നുറങ്ങുകയായിരുന്നു രൺദീപ്.
ഒന്നര മണിക്കൂർ നേരത്തെ പരിശ്രമത്തിനൊടുവിൽ വാഹനം ഹൈഡ്രോളിക് കട്ടർ ഉപയോഗിച്ച് വെട്ടിപ്പൊളിച്ചാണ്​ രൺദീപിനെ പുറത്തെടുത്തത്. ഡ്രൈവർ അജിത് അത്​ഭുതകരമായി രക്ഷപ്പെട്ടു.

അങ്കമാലി അഗ്​നിശമന സേനാംഗങ്ങളും പൊലീസും, കരയാംപറമ്പിൽ നിന്ന്​ കൊണ്ടുവന്ന ക്രെയിനും രക്ഷാപ്രവർത്തനത്തിൽ പങ്കെടുത്തു.