You are here

അഞ്ചുരുളി തുരങ്കത്തിൽ സാമൂഹിക വിരുദ്ധ ശല്യം

  • തുരങ്കത്തിനുള്ളിൽ കയറി മദ്യപാനം

12:46 PM
29/06/2020
Anjuruli-Tunnel
അഞ്ചുരുളി തുരങ്കത്തിലേക്ക്​ കയറിപ്പോകുന്നവർ

കട്ടപ്പന: അഞ്ചുരുളി ടൂറിസ്​റ്റ്​ കേന്ദ്രത്തിലെ തുരങ്കത്തിനുള്ളിൽ സാമൂഹിക വിരുദ്ധ ശല്യം.  ലോക്​ഡൗൺ നിയന്ത്രണംപോലും പാലിക്കാതെ ആളുകൾ എത്തുന്നുണ്ട്​. വ്യാഴാഴ്ച അന്തർസംസ്ഥാന തൊഴിലാളികളായ നാലംഗ സംഘം തുരങ്കത്തിനുള്ളിൽ കയറി മദ്യപാനം നടത്തി. മദ്യലഹരിയിൽ തുരങ്കത്തിനുള്ളിൽ ഏറെനേരം കഴിഞ്ഞ ഇവരിൽ രണ്ടുപേർ തമ്മിൽ ഉള്ളിലേക്ക് ആരാണ് കൂടുതൽ ദൂരം കയറുന്നത് എന്നു പറഞ്ഞ്​ മത്സരവും നടന്നു. 

തുരങ്കത്തിനുള്ളിൽ കയറുന്നത്​ നിയന്ത്രിക്കാൻ ആളില്ലാത്തത്​ മഴക്കാലത്ത്​  അപകടത്തിനിടയാക്കും. ടൂറിസ്​റ്റ്​ കേന്ദത്തിലും സമീപങ്ങളിലും കാര്യമായ സുരക്ഷ സംവിധാനമില്ലാത്തതിനാൽ ഇടുക്കി ജലാശയത്തിൽ വീണ് മരിക്കുന്നവരുടെ എണ്ണവും കഴിഞ്ഞകാലങ്ങളിൽ വർധിച്ചിട്ടുണ്ട്​. ഇടുക്കി ജലാശയത്തിലെ ഏറ്റവും മനോഹരമായ പ്രദേശങ്ങളിൽ ഒന്നാണ് അഞ്ചുരുളി.

പ്രതിദിനം നൂറുകണക്കിനു ടൂറിസ്​റ്റുകൾ എത്തുന്ന ഇവിടുത്തെ പ്രധാന കാഴ്ച ടണൽ മുഖമാണ്. ഇരട്ടയാർ ഡാമിൽനിന്ന് ഇടുക്കി ജലാശയത്തിലേക്ക് വെള്ളം പതിക്കുന്ന കാഴ്ച അതിമനോഹരമാണ്. അതുപോലെ തന്നെ അപകടസാധ്യതയും അതിതീവ്രമാണ്​. പാറയിൽ വഴുവഴുപ്പുള്ളതിനാൽ കാൽ തെറ്റിയാൽ ജലാശയത്തിൽ പതിക്കും.

ടണലിൽ കയറുന്നതും അതിലേറെ സാഹസമാണ്. അപ്രതീക്ഷിതമായ ജലപ്രവാഹം ഉണ്ടായാൽ രക്ഷപ്പെടാനാകില്ല. വേനലിൽ ടണൽ മുഖത്ത് ജലപ്രവാഹം കുറവായതിനാൽ ഒട്ടുമിക്ക ടൂറിസ്​റ്റുകളും ഉള്ളിൽ കയറുന്നുണ്ടായിരുന്നു. കഴിഞ്ഞവർഷം ഇത്തരത്തിൽ ടണലിൽ കയറി കുരുങ്ങിയ ടൂറിസ്​റ്റുകളെ അഗ്​നിരക്ഷാ സേന എത്തിയാണ് രക്ഷപ്പെടുത്തിയത്. 

Loading...
COMMENTS