പ്രളയ നടുവിൽ അഞ്ജു സുമംഗലിയായി

മലപ്പുറം: സ്വത്തും സന്തോഷവും കൊണ്ടുപോയ പ്രളയത്തിന് പക്ഷേ, കതിർമണ്ഡപത്തിൽ വര​​​െൻറ കൈപ്പിടിച്ച് അഞ്ജു പുതുജീവിതത്തിലേക്ക് കടക്കുന്നത് ഒരുനിമിഷം പോലും വൈകിക്കാനായില്ല. നിശ്ചയിച്ചുറപ്പിച്ച മുഹൂർത്തത്തിൽതന്നെ താലികെട്ടുമ്പോൾ പൂവിതറാനും വീട്ടുകാരുടെ കാര്യഗൗരവത്തോടെ കല്യാണം കേമമാക്കാനും സ്വപ്നത്തിലും പോലും പ്രതീക്ഷിക്കാത്ത നൂറുകണക്കിനുപേർ കൂടെയുണ്ടായിരുന്നു. 

മലപ്പുറം നെച്ചിക്കുറ്റി താഴ്​വാരത്തിൽ സുന്ദര​​​​െൻറ‍യും ശോഭയുടെയും മകളായ അഞ്ജു എം.എസ്​.പി എൽ.പി സ്​കൂളിലെ ദുരിതാശ്വാസ ക്യാമ്പിൽ നിന്നാണ് വിവാഹച്ചടങ്ങുകൾക്കായി മലപ്പുറം തൃപുരാന്തക ക്ഷേത്രനടയിലേക്ക് വന്നത്. വേങ്ങര ചേറൂർ കാക്കാട്ടുപറമ്പിൽ വേലായുധ​​​െൻറ മകൻ ഷൈജുവായിരുന്നു വരൻ. 
മൂന്നുദിവസം മുമ്പുവരെ അഞ്​ജുവി​​​െൻറ വിവാഹത്തെക്കുറിച്ച് കുടുംബം നെയ്ത് കൂട്ടിയ സ്വപ്നങ്ങളെല്ലാം പെട്ടെന്നാണ് കീഴ്മേൽമറിഞ്ഞത്. ഞായറാഴ്​ചത്തെ ചടങ്ങിനായി ഒരുക്കിയ വീടും വാങ്ങിയ സാധനങ്ങളുമെല്ലാം പ്രളയത്തിൽ മുങ്ങി. ആർത്തലച്ചെത്തിയ വെള്ളം കുടുംബത്തെ നഗരസഭ ഒരുക്കിയ എം.എസ്​.പി എൽ.പി സ്​കൂളിലെ ദുരിതാശ്വാസ ക്യാമ്പിലെത്തിക്കുകയായിരുന്നു. കൂലിപ്പണിയെടുത്തും ലോട്ടറി വിറ്റും സ്വരുക്കൂട്ടിയതെല്ലാം നഷ്​​ടപ്പെട്ടതി​​​െൻറ വേദനയിലായ സുന്ദരനെയും കുടുംബത്തെയും സഹായിക്കാൻ ക്യാമ്പിലുള്ളവർക്കൊപ്പം വര​​​െൻറ ബന്ധുക്കളും നാടും കൂടെനിന്നു. ജാതിയും മതവും പണവും അതിര്​ തീർക്കാത്ത വലിയൊരു കുടുംബമായത് മാറി. പത്തരക്കും പതിനൊന്നരക്കും ഇടയിലായിരുന്നു മുഹൂർത്തം. 

ഒരിക്കൽ എല്ലാ സ്വപ്നങ്ങൾക്കും മീതെ പെയ്തിറങ്ങിയ മഴ ഇന്നലെയും നിർത്താതെ പെയ്തുകൊണ്ടിരുന്നു. എന്നാൽ, ഒരു തടസ്സവുമില്ലാതെ ചടങ്ങുകൾക്ക് ശുഭസമാപ്തി. വിവാഹം മറ്റൊരു ദിവസത്തേക്ക്​ മാറ്റാമെന്ന്​ വധുവി​​​െൻറയാളുകൾ ആവശ്യപ്പെ​െട്ടങ്കിലും താലികെട്ടൽ ചടങ്ങ്​ മാത്രം മതിയെന്ന ഷൈജുവി​​​െൻറയും കുടുംബത്തി​​െൻറയും സ്നേഹാഭ്യർഥനക്ക് മുന്നിൽ വഴങ്ങുകയായിരുന്നു. 

സൽക്കാരം മലപ്പുറം എം.എസ്​.പി ഒാഡിറ്റോറിയത്തിൽ നടത്താനായിരുന്നു തീരുമാനിച്ചിരുന്നത്​. ഒടുവിൽ ആർഭാടങ്ങളെല്ലാം ഒഴിവാക്കി തൃപുരാന്തക​ ക്ഷേത്രസന്നിധിയിൽ ക്ഷണിച്ചും ക്ഷണിക്കാതെയുമെത്തിയ നിരവധിയാളുകളെ സാക്ഷിയാക്കി മംഗല്യം. 

വിവാഹ സദ്യയൊരുക്കി ക്ഷേത്രകമ്മിറ്റിയും കൂടെനിന്നു. വധൂഗൃഹത്തിലേക്കുള്ള പുടവ വര​​​െൻറയാളുകൾ ശനിയാഴ്​ച ക്യാമ്പിലെത്തിച്ചിരുന്നു. ഉച്ചയോടെ ചടങ്ങുകളെല്ലാം തീർത്ത്​ നിറകൺചിരിയോടെ അഞ്​ജുവും ഷൈജുവും വേങ്ങരയിലേക്ക്​ തിരിച്ചു. നിറങ്ങളെല്ലാം മാഞ്ഞുപോയ ദുരിതാശ്വാസ ക്യാമ്പിലെ അതിഥികൾ വിവിധ വർണങ്ങളിൽ നിറയെ ചിരിച്ചുകൊണ്ട്​ അവരെ യാത്രയാക്കി.