വന്യജീവി ആക്രമണം: നഷ്ടപരിഹാരത്തിനായി 19 കോടി അനുവദിച്ചു

തിരുവനന്തപുരം: സംസ്ഥാനത്ത് വന്യജീവി ആക്രമണങ്ങളിൽ മരിച്ചവരുടെ ആശ്രിതർക്കും ഗുരുതരമായി പരിക്കേറ്റവർക്കും കൃഷിനാശം സംഭവിച്ചവർക്കുമുള്ള നഷ്ടപരിഹാരം വിതരണം ചെയ്യാനായി 19 കോടി രൂപ അനുവദിച്ചു.

ധനമന്ത്രി കെ.എൻ. ബാലഗോപാൽ ആണ് ഇക്കാര്യം അറിയിച്ചത്. ഈ ഇനത്തിൽ ഇക്കൊല്ലം ഇതുവരെ 51 കോടിയായി അനുവദിച്ചത്.

1684 പേർക്ക് 1789.25 ഏക്കർ വിതരണം ചെയ്തു

തിരുവനന്തപുരം: ആദിവാസി പുനരധിവാസ വികസന മിഷൻ മുഖേന ഈ സർക്കാർ 1684 പേർക്ക് 1789.25 ഏക്കർ ഭൂമി വിതരണം ചെയ്തതായി മന്ത്രി കെ. രാധാകൃഷ്ണൻ. ഭൂരഹിത പുനരധിവാസ പദ്ധതി പ്രകാരം നഗരപ്രദേശത്ത് കുറഞ്ഞത് മൂന്ന് സെന്റ് വാങ്ങാൻ 4.5 ലക്ഷം രൂപയും ഗ്രാമപ്രദേശത്ത് കുറഞ്ഞത് അഞ്ച്​ സെന്റ് ഭൂമിക്ക്​ 3.75 ലക്ഷം രൂപയും അനുവദിക്കുന്നുണ്ട്. 2022-23ൽ ഇതുവരെ 3138 പേർക്കായി 122,60,58,368 രൂപ ചെലവഴിച്ചു.