അനീഷിന്‍െറ മരണം: ഒരാള്‍ക്കെതിരെ ആത്മഹത്യ പ്രേരണ കേസ്

അഗളി: കൊല്ലം അഴീക്കല്‍ ബീച്ചില്‍ സദാചാര ഗുണ്ടായിസത്തിനിരയായ അഗളി കാരറ സ്വദേശി അനീഷ് (22) ആത്മഹത്യ ചെയ്ത സംഭവവുമായി ബന്ധപ്പെട്ട് ഒരാള്‍ക്കെതിരെ ആത്മഹത്യ പ്രേരണ വകുപ്പനുസരിച്ച് പൊലീസ് കേസെടുത്തു. 

നേരത്തേ, കൊല്ലം ഓച്ചിറ പൊലീസ് രജിസ്റ്റര്‍ ചെയ്ത കേസിലെ മൂന്ന് പ്രതികളില്‍ ഒരാളായ കായംകുളം എരുവ മണലൂര്‍ തറയില്‍ ധനേഷിന്‍െറ (30) പേരിലാണ് ഈ വകുപ്പ് കൂടി ചുമത്തിയത്. അനീഷിന്‍െറ ആത്മഹത്യാകുറിപ്പിലെ വിവരങ്ങളുടെ അടിസ്ഥാനത്തിലാണിത്. 

വ്യാഴാഴ്ച വൈകീട്ടാണ് അനീഷിനെ വീട്ടുവളപ്പിലുള്ള മരത്തില്‍ തൂങ്ങിമരിച്ച നിലയില്‍ കണ്ടത്തെിയത്. അഗളി പൊലീസ് വെള്ളിയാഴ്ച ഇന്‍ക്വസ്റ്റ് നടത്തി. പോസ്റ്റ്മോര്‍ട്ടത്തിന് ശേഷം വൈകീട്ട് അഞ്ചിന് മൃതദേഹം വീട്ടുവളപ്പില്‍ സംസ്കരിച്ചു. വന്‍ജനാവലി ചടങ്ങില്‍ സംബന്ധിച്ചു.