അനസിന്‍റെ നിയമനം: അപേക്ഷ കിട്ടിയിരുന്നില്ലെന്ന്​

തിരുവനന്തപുരം: ഫുട്​ബാൾ താരം അനസ്​ എടത്തൊടിക നിശ്ചിതകാലയളവിൽ അപേക്ഷ സമർപ്പിച്ചിരുന്നില്ലെന്നും അതുകൊണ്ടാണ്​ നിയമനം കിട്ടാഞ്ഞതെന്നും മന്ത്രി വി. അബ്​ദുറഹ്​മാൻ. ബോഡി ബിൽഡിങ്​ മത്സരത്തിൽ പ​ങ്കെടുത്തവർക്ക്​ വരെ ജോലി കൊടുത്തിട്ടും 22 അന്താരാഷ്ട്ര മത്സരത്തിൽ പ​ങ്കെടുത്ത അനസ്​ എടത്തൊടിക, റിനോ ആന്‍റണി എന്നിവർക്ക്​ നിയമനം നൽകാത്തതെന്തുകൊണ്ടെന്ന ടി.വി. ഇബ്രാഹിമിന്‍റെ ചോദ്യത്തിനായിരുന്നു മറുപടി. ജോലിക്കായി സർക്കാർ സമയപരിധി നിശ്ചയിച്ച സമയത്ത്​ അനസ് എടത്തൊടികയുടെ അപേക്ഷ ലഭിച്ചിരുന്നി​െല്ലന്നും മന്ത്രി വ്യക്തമാക്കി.