Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅനന്യയുടെ ആത്മഹത്യ:...

അനന്യയുടെ ആത്മഹത്യ: ഡോക്ടറുടെ മൊഴി രേഖപ്പെടുത്തിയില്ല

text_fields
bookmark_border
ananya kumaru 22721
cancel

കൊച്ചി: ലിംഗമാറ്റ ശസ്ത്രക്രിയയെ തുടർന്നുണ്ടായ ബുദ്ധിമുട്ടുകൾ തുറന്നുപറഞ്ഞതിനു പിന്നാലെ ട്രാന്‍സ്‌ജെന്‍ഡര്‍ ആക്ടിവിസ്​റ്റ്​ അനന്യകുമാരി അലക്‌സ് (28) ആത്മഹത്യ ചെയ്ത സംഭവത്തില്‍ ആരോപണവിധേയനായ ഡോക്ടറുടെ മൊഴി രേഖപ്പെടുത്താനായില്ല. തിങ്കളാഴ്ച മൊഴിയെടുക്കാനാണ് കളമശ്ശേരി പൊലീസ് തീരുമാനിച്ചിരുന്നതെങ്കിലും മെഡിക്കല്‍ രേഖകളില്‍ പഠനം പൂര്‍ത്തിയാകാത്തതിനാല്‍ നീട്ടിവെക്കുകയായിരുന്നു.

ശസ്ത്രക്രിയയുമായി ബന്ധപ്പെട്ട ചില രേഖകള്‍ ആശുപത്രിയില്‍നിന്ന് കിട്ടാൻ വൈകിയതാണ്​ മൊഴി രേഖപ്പെടുത്തല്‍ മാറ്റിവെക്കാന്‍ കാരണം. വിദഗ്​ധ സംഘത്തിന് ഈ രേഖകള്‍കൂടി കൈമാറി പൊതുനിഗമനത്തിലെത്തിയ ശേഷം ചൊവ്വാഴ്ച മൊഴിയെടുക്കുമെന്ന് സി.ഐ പി.ആര്‍. സന്തോഷ് പറഞ്ഞു. ഡോക്ടറുടെ മൊഴി രേഖപ്പെടുത്തിയ ശേഷമായിരിക്കും വിശദമായ അന്വേഷണത്തിലേക്ക് കടക്കുക. അനന്യയുടെ സുഹൃത്തുക്കളെ അടക്കം ചോദ്യം ചെയ്യാനാണ് തീരുമാനം.

ലിംഗമാറ്റ ശസ്ത്രക്രിയ നടത്തിയ ഡോക്ടര്‍ക്ക് പിഴവ് പറ്റിയെന്നാണ്​ ആത്മഹത്യ ചെയ്യും മുമ്പ് അനന്യ വെളിപ്പെടുത്തിയിരുന്നത്. ശസ്ത്രക്രിയ നടത്തിയ ചിലയിടങ്ങളില്‍ മുറിവുണ്ടായതായി പോസ്​റ്റ്​മോര്‍ട്ടം റിപ്പോര്‍ട്ടിലുണ്ടെന്നാണ് വിവരം. കഴിഞ്ഞ ചൊവ്വാഴ്ചയാണ് അനന്യ ഇടപ്പള്ളിയിലെ ഫ്ലാറ്റിൽ തൂങ്ങിമരിച്ചത്. വെള്ളിയാഴ്ച പങ്കാളിയായ ജിജുവിനെയും തൂങ്ങിമരിച്ച നിലയിൽ കണ്ടെത്തിയിരുന്നു.

Show Full Article
TAGS:Ananya Kumari Alex Transgender transgender activist 
News Summary - Ananya's suicide: Doctor's statement not recorded
Next Story