അ​ന​ന്തുവിന്‍റെ മരണം: ഏ​ക ആ​ൺ​ത​രി ന​ഷ്ട​പ്പെ​ട്ട​ത് കു​ടും​ബം വീ​ടൊ​ഴി​യും​മു​മ്പ്

നി​ല​മ്പൂ​ർ: കാ​ട്ടു​പ​ന്നി​ക്കെ​ണി​യി​ൽ​നി​ന്ന് ഷോ​ക്കേ​റ്റു മ​രി​ച്ച അ​ന​ന്തു, പി​താ​വ് സു​രേ​ഷി​ന്‍റെ ഏ​ക ആ​ൺ​ത​രി​യാ​ണ്. മൂ​ന്നു മ​ക്ക​ളി​ൽ ഇ​ള​യ​വ​നാ​ണ്. കു​ടും​ബ​ത്തി​ന്‍റെ പ്ര​തീ​ക്ഷ മു​ഴു​വ​ൻ അ​വ​നി​ലാ​യി​രു​ന്നു. പ​ഠി​ക്കാ​ൻ മി​ടു​ക്ക​നാ​യി​രു​ന്ന അ​ന​ന്തു ക​ലാ​രം​ഗ​ത്തും ഏ​റെ ക​ഴി​വു​റ്റ​വ​നാ​യി​രു​ന്നു. പാ​ട്ട് പാ​ടാ​ൻ വ​ലി​യ മി​ടു​ക്കാ​യി​രു​ന്നു. ക​ഴി​ഞ്ഞ വ​ർ​ഷം ഒ​മ്പ​താം ക്ലാ​സി​ലെ വി​ട​വാ​ങ്ങ​ലി​ൽ അ​ന​ന്തു പാ​ടി​യ പാ​ട്ട് സ​മൂ​ഹ​മാ​ധ‍്യ​മ​ങ്ങ​ളി​ൽ പ്ര​ച​രി​ക്കു​ന്നു​ണ്ട്. സ​ഹോ​ദ​രി​ക​ളാ​യ കൃ​ഷ്ണേ​ന്ദു​വും ദേ​വി​ക​യും ഡി​ഗ്രി, പ്ല​സ് ടു ​വി​ദ‍്യാ​ർ​ഥി​ക​ളാ​ണ്.

പി​താ​വ് സു​രേ​ഷി​ന് തേ​ങ്ങ പൊ​തി​ക്കാ​ൻ പോ​വു​ന്ന തൊ​ഴി​ലാ​ണ്. ഇ​തി​ൽ​നി​ന്ന് കി​ട്ടു​ന്ന തു​ച്ഛ വ​രു​മാ​ന​ത്തി​ൽ നി​ന്നാ​ണ് അ​ല്ല​ല​റി​യി​ക്കാ​തെ കു​ടും​ബം പോ​റ്റു​ന്ന​ത്.

കാ​ട്ടു​മൃ​ഗ​ശ​ല‍്യ​വും പ്ര​ള​യ​ഭീ​ഷ​ണി​യു​മു​ള്ള പ്ര​ദേ​ശ​ത്താ​ണ് കു​ടും​ബ​ത്തി​ന്‍റെ താ​മ​സം. കാ​ട്ടാ​ന​ശ​ല‍്യം മൂ​ലം സ​മീ​പ​ത്തെ മി​ക്ക കു​ടും​ബ​ങ്ങ​ളും വീ​ട് ഉ​പേ​ക്ഷി​ച്ച് മ​റ്റു സു​ര​ക്ഷി​ത സ്ഥ​ല​ങ്ങ​ളി​ലേ​ക്ക് മാ​റി​യി​രു​ന്നു. സാ​മ്പ​ത്തി​ക​ശേ​ഷി കു​റ​ഞ്ഞ സു​രേ​ഷി​ന് പ​ക്ഷേ വീ​ട് ഉ​പേ​ക്ഷി​ച്ച് പോ​കാ​ൻ വ​ഴി​യു​ണ്ടാ​യി​രു​ന്നി​ല്ല.

അ​ഞ്ചു സെ​ന്‍റ് ഭൂ​മി എ​വി​ടെ​യെ​ങ്കി​ലും കി​ട്ടി​യി​രു​ന്നെ​ങ്കി​ൽ ഇ​വി​ടെ​നി​ന്ന് കു​ടും​ബ​ത്തെ ര​ക്ഷ​പ്പെ​ടു​ത്താ​മാ​യി​രു​ന്നു​വെ​ന്ന് നാ​ട്ടു​കാ​രോ​ട് അ​ദ്ദേ​ഹം എ​പ്പോ​ഴും പ​റ​യു​മാ​യി​രു​ന്നു. വീ​ട് വി​ൽ​ക്കാ​നു​ള്ള ശ്ര​മം വ​ർ​ഷ​ങ്ങ​ൾ​ക്കു​മു​മ്പ് തു​ട​ങ്ങി​യ​താ​ണ്. പ​ക്ഷേ, കാ​ട്ടു​മൃ​ഗ​ശ​ല‍്യം മൂ​ലം ആ​രും ഭൂ​മി എ​ടു​ക്കാ​ൻ ഇ​തു​വ​രെ ത​യാ​റാ​യി​ട്ടി​ല്ല. ഭൂ​മി ക​ച്ച​വ​ട​ക്കാ​രോ​ടും നാ​ട്ടു​കാ​രോ​ടും ഭൂ​മി വി​ൽ​പ​ന​യു​ടെ കാ​ര‍്യ​ത്തി​ൽ കൂ​ടു​ത​ൽ സ​മ്മ​ർ​ദം ചെ​ലു​ത്തി വ​രു​ന്ന​തി​നി​ടെ​യാ​ണ് അ​ന​ന്തു കു​ടും​ബ​ത്തി​നെ തീ​രാ​ക്ക​ണ്ണീ​രി​ലാ​ഴ്ത്തി വി​ട​വാ​ങ്ങി​യ​ത്.

അ​ന​ന്തു​വി​ന്റെ ശ​രീ​ര​ത്തി​ൽ മൂ​ന്നു പാ​ടു​ക​ളെ​ന്ന് പോ​സ്റ്റ്മോ​ർ​ട്ടം പ്രാ​ഥ​മി​ക റി​പ്പോ​ർ​ട്ട്

മ​ഞ്ചേ​രി: അ​ന​ന്തു​വി​ന്റെ ശ​രീ​ര​ത്തി​ൽ മൂ​ന്നു ഭാ​ഗ​ങ്ങ​ളി​ൽ വൈ​ദ്യു​താ​ഘാ​ത​മേ​റ്റ​താ​യി പ്രാ​ഥ​മി​ക പോ​സ്റ്റ്മോ​ർ​ട്ടം റി​പ്പോ​ർ​ട്ട്. വ​യ​റി​ന്റെ മു​ൻ​ഭാ​ഗ​ത്ത് ര​ണ്ടും വ​യ​റി​ന്റെ വ​ല​തു വ​ശ​ത്തു​മാ​ണ് പാ​ടു​ക​ളു​ള്ള​ത്. ഇ​തി​ൽ ഒ​ന്ന് ആ​ഴ​ത്തി​ലു​ള്ള​താ​ണ്. ഫോ​റ​ൻ​സി​ക് സ​ർ​ജ​ൻ ടി.​പി. ആ​ന​ന്ദി​ന്റെ നേ​തൃ​ത്വ​ത്തി​ലാ​ണ് ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്.

വൈ​ദ്യു​താ​ഘാ​ത​മാ​ണ് മ​ര​ണ​കാ​ര​ണം. നീ​ള​മു​ള്ള ക​മ്പി വ​യ​റ്റ​ത്ത് വീ​ണ​പോ​ലെ​യു​ള്ള പാ​ടാ​ണ്. വി​ദ​ഗ്ധ പ​രി​ശോ​ധ​ന ആ​വ​ശ്യ​മെ​ങ്കി​ൽ ഫോ​റ​ൻ​സി​ക് സം​ഘം സ്‌​ഥ​ലം സ​ന്ദ​ർ​ശി​ക്കു​മെ​ന്നു ഫോ​റ​ൻ​സി​ക് വി​ഭാ​ഗം മേ​ധാ​വി ഡോ. ​ഹി​തേ​ഷ് ശ​ങ്ക​ർ പ​റ​ഞ്ഞു. ഞാ​യ​റാ​ഴ്ച രാ​വി​ലെ ഒ​മ്പ​തി​ന് ആ​രം​ഭി​ച്ച പോ​സ്റ്റ്മോ​ർ​ട്ട ന​ട​പ​ടി​ക​ൾ പ​ത്തു മ​ണി​യോ​ടെ പൂ​ർ​ത്തി​യാ​ക്കി​യാ​ണ് മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​ന​ൽ​കി​യ​ത്.