കണ്ണൂർ ചാവശ്ശേരിയിൽ ആർ.എസ്.എസ് പ്രവർത്തകന്‍റെ വീടിന് മുന്നിൽ സ്‌ഫോടനം

കണ്ണൂർ: ചാവശ്ശേരിയിൽ വീണ്ടും സ്‌ഫോടനം. ചാവശ്ശേരി മണ്ണോറയിലാണ് സ്‌ഫോടനം നടന്നത്. ആർ.എസ്.എസ് പ്രവർത്തകനായ സുധീഷിന്റെ വീടിന് മുന്നിലാണ് സ്‌ഫോടനമുണ്ടായത്.

ഇന്നലെ അർധരാത്രിയാണ് സംഭവം നടന്നത്. രണ്ടാഴ്ച മുൻപ് സ്ഫോടനമുണ്ടാവുകയും തുടർന്ന് ആർ.എസ്.എസ്-എസ്.ഡി.പി.ഐ പ്രവർത്തകർ ഏറ്റുമുട്ടുകയും ചെയ്ത പ്രദേശമാണിത്. ഈ കേസിൽ പ്രതി ചേർക്കപ്പെട്ട സുധീഷിന്റെ വീടിന് മുന്നിലാണ് നിലവിൽ സ്‌ഫോടനമുണ്ടായത്.

നേരത്തെ, ഇതര സംസ്ഥാന തൊഴിലാളികൾ ആക്രി പെറുക്കുന്നതിനിടെ സ്‌ഫോടക വസ്തുവും ഇവിടെ നിന്ന് കണ്ടെത്തിയിരുന്നു.