Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightക്ഷമക്ക്​ സമ്മാനം ഫുൾ...

ക്ഷമക്ക്​ സമ്മാനം ഫുൾ ടാങ്ക്​ ഡീസൽ; പെട്രോൾ പമ്പിലെ വേറിട്ട അനുഭവം പങ്കുവെച്ച്​ പരിസ്​ഥിതി പ്രവർത്തകൻ

text_fields
bookmark_border
ക്ഷമക്ക്​ സമ്മാനം ഫുൾ ടാങ്ക്​ ഡീസൽ; പെട്രോൾ പമ്പിലെ വേറിട്ട അനുഭവം പങ്കുവെച്ച്​ പരിസ്​ഥിതി പ്രവർത്തകൻ
cancel
camera_alt

ഫുൾടാങ്ക്​ ഡീസലിന്​ പമ്പുടമ ഈടാക്കിയ തുക, ഹുസൈൻ വാഹനത്തിൽ

പട്ടാമ്പി​: പെട്രോൾ പമ്പ്​ ജീവനക്കാരന്​ സംഭവിച്ച അബദ്ധവും തുടർന്നുണ്ടായ വ്യത്യസ്​ത അനുഭവവും പങ്കുവെക്കുകയാണ്​ പരിസ്​ഥിതി പ്രവർത്തകൻ ഹുസൈൻ തട്ടതാഴത്ത്​. പട്ടാമ്പി വാവനൂരുള്ള ഷൈൻ പെട്രോളിയത്തിൽ നിന്ന്​ ഇന്നോവ വാനിൽ ഡീസൽ നിറക്കാൻ കയറിയപ്പോഴാണ്​ അദ്ദേഹത്തിന്​ വേറിട്ട അനുഭവമുണ്ടായത്​.

പെട്രോൾ പമ്പ്​ ജീവനക്കാരൻ ഇന്ധനം നിറക്കാൻ തുടങ്ങിയ ശേഷമാണ്​ ഡീസലിന്​ പകരം ​പെട്രോളാണ്​ നിറക്കുന്നതെന്ന്​ ഹുസൈന്‍റെ ശ്രദ്ധയിൽ പെടുന്നത്​. ഉടനെ നിർത്താനാവശ്യപ്പെട്ടു. അബദ്ധം മനസിലായ ജീവനക്കാരൻ ക്ഷമാപണമായി. കരച്ചി​ലിന്‍റെ വക്കോളമെത്തിയിരുന്നു ജീവനക്കാരൻ. വഴക്കുണ്ടാക്കാനോ മറ്റോ മുതിരാതിരുന്ന ഹുസൈൻ ജീവനക്കാരനെ സമാധാനിപ്പിക്കുകയാണ്​ ചെയ്​തത്​.

അപ്പോഴേക്കും അവിടെയെത്തിയ പമ്പുടമയുടെ മകൻ ഉടനെ മെക്കാനിക്കിനെ വിളിച്ച്​ പരിഹാരമുണ്ടാക്കാമെന്ന്​ അറിയിച്ചു. അത്യാവശ്യ യാത്രയി​ലാണെങ്കിൽ തന്‍റെ കാറെടുത്ത്​ പോയി വരാനും തിരിച്ചെത്തു​േമ്പാഴേക്ക്​ ഇന്നോവ ശരിയാക്കി നിർത്താമെന്നും അദ്ദേഹം പറഞ്ഞു.

എന്നാൽ, ടാങ്കിലെത്തിയ പെട്രോളി​െന്‍റ ഇരട്ടിയിലധികം ഡീസൽ നിറച്ചാൽ കുഴപ്പമുണ്ടാകില്ലെന്നാണ്​ ഹുസൈന്​ പരിചയമുള്ള മെക്കാനിക്​ നൽകിയ മറുപടി. അങ്ങനെയെങ്കിൽ ഫുൾടാങ്ക്​ ഡീസൽ നിറക്കാമെന്നായി ഹുസൈൻ.

പക്ഷേ, ഫുൾടാങ്ക്​ ഡീസൽ നിറച്ചതിന്​ 1000 രൂപ മാത്രമാണ്​ പമ്പുടമ വാങ്ങിയത്​. അബദ്ധം സംഭവിച്ച ജീവനക്കാരന്‍റെ ശമ്പളത്തിൽ നിന്ന്​ ബാക്കി തുക ഈടാക്കാൻ സാധ്യതയുണ്ടെന്ന്​ കരുതി മുഴുവൻ തുകയും വാങ്ങണമെന്ന്​ ഹുസൈൻ നിർബന്ധിച്ചു കൊണ്ടിരുന്നു. വഴങ്ങാതിരുന്ന പമ്പുടമ, ജീവനക്കാരന്‍റെ ശമ്പളത്തിൽ നിന്ന്​ പണമൊന്നും ഈടാക്കില്ലെന്നും ഉറപ്പു നൽകി.

ഇത്തരം അബദ്ധം സംഭവിച്ചാൽ വാഹനമുടമകൾ ബഹളമുണ്ടാക്കുകയും വലിയ പ്രശ്​നങ്ങൾ സൃഷ്​ടിക്കുകയും ചെയ്യുന്നത്​ സാധാരണമാണെന്നു കൂടി പമ്പുടമ പറഞ്ഞു. ക്ഷമയോടെ വിഷയം കൈകാര്യം ചെയ്​തതിനുള്ള സമ്മാനമാണ്​ ബാക്കി തുക എന്നായിരുന്നു അദ്ദേഹത്തിന്‍റെ മറുപടി.

ഭാരതപ്പുഴ സംരക്ഷണ സമിതി കോഡി​നേറ്ററാണ്​ പട്ടാമ്പി ഞാങ്ങാട്ടിരി സ്വദേശി ഹുസൈൻ തട്ടതാഴത്ത്​. തിങ്കളാഴ്ചയാണ്​ ഇന്ധനം മാറി നിറച്ചതെന്നും ഇതുവരെയും വാഹനത്തിന്​ കുഴപ്പമൊന്നും സംഭവിച്ചിട്ടില്ലെന്നും അദ്ദേഹം 'മാധ്യമ'ത്തോട്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Good news
News Summary - An environmental activist sharing a unique experience at a petrol pump
Next Story