Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right‘സ്​റ്റോപ്​ വിച്ച്​...

‘സ്​റ്റോപ്​ വിച്ച്​ ഹണ്ട്​​, റിലീസ്​ ഷർജീൽ ഉസ്​മാനി’; വിദ്യാർഥി നേതാവ്​ ഷർജീൽ ഉസ്​മാനിക്കായി ഹാഷ്​ടാഗ്​ കാമ്പയിൻ 

text_fields
bookmark_border
‘സ്​റ്റോപ്​ വിച്ച്​ ഹണ്ട്​​, റിലീസ്​ ഷർജീൽ ഉസ്​മാനി’; വിദ്യാർഥി നേതാവ്​ ഷർജീൽ ഉസ്​മാനിക്കായി ഹാഷ്​ടാഗ്​ കാമ്പയിൻ 
cancel

കോഴിക്കോട്​: അറസ്​റ്റിലായ വിദ്യാർഥി നേതാവ്​ ഷർജീൽ ഉസ്​മാനിയെ മോചിപ്പിക്കണമെന്നാവശ്യപ്പെട്ട്​ സോഷ്യമീഡിയയിൽ ഹാഷ്​ടാഗ്​ കാമ്പയിൻ. റിലീസ്​ ഷർജീൽ ഉസ്​മാനി എന്ന പേരിലാണ്​ കാമ്പയിൻ നടക്കുന്നത്​. സമൂഹത്തി​​െൻറ വിവിധ തുറകളിൽ പ്രവർത്തിക്കുന്നവർ കാമ്പയിനിൽ പ​ങ്കെടുക്കുന്നുണ്ട്​.

ഇതോടൊപ്പം കേരളത്തിലെ മുഴുവൻ ജില്ലകളിലും പ്രതിഷേധ പരിപാടികളും സംഘടിപ്പിച്ചിട്ടുണ്ട്​. പൗരത്വ പ്രക്ഷോഭത്തിന്‍റെ മുൻനിരയിലുണ്ടായിരുന്ന മുൻ അലിഗഢ് വിദ്യാ൪ഥിയും ഫ്രട്ടേണിറ്റി മൂവ്മെന്‍റ് ദേശീയ സെക്രട്ടറിയുമായ ഷ൪ജീൽ ഉസ്മാനിയെ യു.പി പൊലീസ്​ ബുധനാഴ്​ച്ചയാണ്​​ അറസ്റ്റ് ചെയ്തത്​. ഡിസംബ൪ 15ന് അലിഗഢ് സ൪വകലാശാലയിൽ നടന്ന പൗരത്വ പ്രക്ഷോഭത്തിന്‍റെ പേരിലായിരുന്നു നടപടി.

അഅ്സംഗഢിലെ വീട്ടിൽ നിന്നായിരുന്നു ഷർജീലിനെ പിടിച്ചുകൊണ്ടുപോയത്​. ലാപ്ടോപും മൊബൈലും പൊലീസ് പിടിച്ചെടുത്തതായും വാറണ്ടോ മെമ്മോയോ അടക്കമുള്ള നടപടിക്രമങ്ങളില്ലാതെ, മഫ്​തി വേഷത്തിൽ എത്തിയ പൊലീസുകാരാണ്​ ഷർജീലിനെ അറസ്​റ്റ്​ ചെയ്​ത്​ കൊണ്ടുപോയതെന്നും കുടുംബം പറയുന്നു. കേസ് സംബന്ധിച്ച വിശദാംശങ്ങൾ പൊലീസ് മറച്ചുവെക്കുന്നുവെന്നും കുടുംബം ആരോപിച്ചു.

സി.എ.എ, എന്‍.ആര്‍.സി വിരുദ്ധ സമരങ്ങളില്‍ സജീവ സാന്നിധ്യമായിരുന്ന ഷര്‍ജീല്‍ ഉസ്മാനിക്കെതിരെ നേരത്തെ പത്തിന് മുകളില്‍ എഫ്.ഐ.ആറുകള്‍ പൊലീസ് രജിസ്റ്റര്‍ ചെയ്തിരുന്നു. പൊലീസുകാരെ മർദിച്ചു, പിസ്​റ്റൾ മോഷ്ടിച്ചു തുടങ്ങിയ ആരോപണങ്ങളുന്നയിച്ച് ഗുണ്ടാ ആക്റ്റ് പ്രകാരവും കേസെടുത്തിട്ടുണ്ട്​. ഉത്തര്‍പ്രദേശ് പൊലീസ് തുടര്‍ച്ചയായി വ്യാജ കേസുകള്‍ ചുമത്തി വേട്ടയാടുന്ന കാര്യം ഷര്‍ജീല്‍ സമൂഹ മാധ്യമങ്ങളിലൂടെ പറഞ്ഞിരുന്നു. 

 

Show Full Article
TAGS:news 
News Summary - AMU Student Sharjeel Usmani Arrested
Next Story