മുസ് ലിംപള്ളികളിലെ ഉച്ചഭാഷിണി: വിധി എന്തു കൊണ്ട് നടപ്പാക്കുന്നില്ല -അമിത് ഷാ

പാലക്കാട്: ലോക്സഭ തെരഞ്ഞെടുപ്പിൽ കേരളത്തിൽ താമര വിരിയുമെന്ന് ബി.ജെ.പി ദേശീയ ​അധ്യക്ഷൻ അമിത് ഷാ. ബി.ജെ.പിക്ക് അവ സരം നൽകിയാൽ കേരളത്തെ ഒന്നാം നമ്പർ സംസ്ഥാനമാക്കാം. പാലക്കാട് കോട്ടമൈതാനത്ത് പ്രവർത്തക കൺവെൻഷനിൽ സംസാരിക്കുകയ ായിരുന്നു അദ്ദേഹം.

ശബരിമല വിഷയം സി.പി.എമ്മി​​െൻറ അടിത്തറ തകർക്കും. ശബരിമലയിൽ കമ്യൂണിസ്​റ്റുകൾ വിശ്വാസികള െ വേദനിപ്പിച്ചു. സുപ്രീം കോടതി വിധി നടപ്പാക്കാനെന്ന പേരിൽ ഭക്തരെ വേട്ടയാടി. ശബരിമല വിധി നടപ്പാക്കുന്നവർ മുസ്​ലിം പള്ളികളിൽ ലൗഡ് സ്പീക്കർ ഉപയോഗിക്കരുതെന്ന വിധി എന്തുകൊണ്ടാണ് നടപ്പാക്കാത്തത്. നിരീശ്വരവാദി സർക്കാറിനെ പിഴുതെറിയാൻ എൻ.എസ്.എസ്, എസ്.എൻ.ഡി.പി, ആർ.എസ്.എസ് സംഘടനകൾ ബി.ജെ.പിക്കൊപ്പം നിൽക്കണം.

ഫണ്ട് വാരിക്കോരി നൽകിയിട്ടുണ്ടെങ്കിലും കേന്ദ്രത്തി​​െൻറ വികസന പദ്ധതികൾ കേരളം നടപ്പാക്കുന്നില്ല. കഞ്ചിക്കോട് കോച്ച് ഫാക്ടറി, ദേശീയ പാത വികസനം, പാലക്കാട് ഐ.ഐ.ടി, എയിംസ് പദ്ധതികൾ സംസ്ഥാന സർക്കാർ സ്ഥലം ഏറ്റെടുത്തു നൽകാത്തതിനാലാണ്​ നടപ്പാകാത്തത്​. ചെറുകിട കർഷകർക്കുള്ള 6000 രൂപ പദ്ധതിയുടെ പട്ടിക കേരളം സമർപ്പിച്ചിട്ടില്ല. യു.പി.എ സർക്കാർ കേരളത്തിനായി 45393 കോടി ചെലവാക്കിയപ്പോൾ എൻ.ഡി.എ സർക്കാർ 198155 കോടി രൂപ ചെലവാക്കിയെന്നും അമിത് ഷാ അവകാശ​പ്പെട്ടു.

ആദർശമോ പദ്ധതിയോ നേതൃത്വമോ ഇല്ലാത്ത സഖ്യമാണ് പ്രതിപക്ഷത്തി​​െൻറ മഹാഗഡ്ബന്ധൻ. ബി.ജെ.പിക്ക് ശക്തനായ നേതാവുള്ളപ്പോൾ മഹാസഖ്യത്തിന് ഡീലർമാരാണുള്ളത്. തിങ്കളാഴ്ച അഖിലേഷ്, ചൊവ്വാഴ്ച മായാവതി, ബുധനാഴ്ച ചന്ദ്രബാബു നായിഡു, വ്യാഴാഴ്ച ദേവഗൗഡ, വെള്ളിയാഴ്ച മമത, ശനിയാഴ്ച എം.കെ. സ്​റ്റാലിൻ എന്നിവരായിരിക്കും ഇവർ അധികാരത്തിലെത്തിയാൽ പ്രധാനമന്ത്രി. അവധി ദിവസമായതിനാൽ ഞായറാഴ്ച പ്രധാനമന്ത്രിയുണ്ടാകില്ലെന്നും അമിത് ഷാ പരിഹസിച്ചു.