Top
Begin typing your search above and press return to search.
exit_to_app
exit_to_app
kt jaleel police
cancel
camera_alt

മ​ന്ത്രി കെ.​ടി. ജ​ലീ​ലി​നെ തി​രു​വ​ന​ന്ത​പു​ര​ത്ത് ക​രി​ങ്കൊ​ടി കാ​ണി​ക്കാ​നെ​ത്തി​യ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രും പൊ​ലീ​സും ത​മ്മി​ൽ വാ​ക്കേ​റ്റ​മു​ണ്ടാ​യ​പ്പോ​ൾ

Homechevron_rightNewschevron_rightKeralachevron_rightകെ.ടി. ജലീൽ...

കെ.ടി. ജലീൽ തലസ്​ഥാനത്തെത്തി; ചീമുട്ടയും ചെരിപ്പുമെറിഞ്ഞ് യുവജന സംഘടനകൾ, ലാത്തിവീശി പൊലീസ്

text_fields
bookmark_border

തിരുവനന്തപുരം: മന്ത്രി കെ.ടി. ജലീൽ രാത്രി ഒമ്പതരയോടെ തിരുവനന്തപുരത്തെ ഒൗദ്യോഗിക വസതിയിലെത്തി. ജില്ലയിലുനീളം ജലീലി​െൻറ വാഹനത്തിനു നേരെ പ്രതിഷേധമുണ്ടായി.

പ്രതിപക്ഷ യുവജനസംഘടനകൾ പലയിടത്തും വാഹനത്തിനുനേരെ ചീമുട്ടയും ചെരിപ്പുമെറിഞ്ഞു. ആറ്റിങ്ങലിൽ യുവമോർച്ചയും കെ.എസ്.യുവും കരിങ്കൊടി കാണിച്ചു. മംഗലപുരത്ത് കോൺഗ്രസ് പ്രവർത്തകരും കഴക്കൂട്ടത്ത് യുവമോർച്ച പ്രവർത്തകരും കരിങ്കൊടി കാണിച്ചു. ജില്ലയുടെ വിവിധ ഭാഗങ്ങളിൽ കരിങ്കൊടിയുമായി റോഡിൽകുത്തിയിരുന്ന്​ വാഹനം തടയാൻ ശ്രമിച്ച പ്രവർത്തകരെ ഏറെ പണിപ്പെട്ടാണ് പൊലീസ് അറസ്​റ്റ്​ ചെയ്തുനീക്കിയത്. പൊലീസുമായുള്ള പിടിവലിയിൽ നിരവധി പ്രവർത്തകർക്ക് പരിക്കേറ്റു.

കഴക്കൂട്ടത്ത് കരിങ്കൊടി കാണിക്കാൻ ശ്രമിച്ച പ്രവർത്തകരെ കസ്​റ്റഡിയിലെടുത്തതിനെ തുടർന്ന് ബി.ജെ.പി സ്​റ്റേഷൻ മാർച്ച് നടത്തി. ഇതോടെ കസ്​റ്റഡിയിലെടുത്തവരെ വിട്ടയച്ചു. പ്രതിഷേധങ്ങളുടെ നടുവിലൂടെ ഒമ്പതരയോടെ ക​േൻറാൺമെൻറിലെ ഔദ്യോഗിക വസതിയിലേക്ക് പ്രവേശിക്കാൻ ശ്രമിച്ച ജലീലിനെ യൂത്ത് കോൺഗ്രസ്, യുവമോർച്ച, ബി.ജെ.പി പ്രവർത്തകർ തടയാൻ ശ്രമിച്ചത് പൊലീസുമായുള്ള നേരിട്ടുള്ള ഏറ്റുമുട്ടലിനിടയാക്കി. പ്രതിഷേധക്കാർക്കു നേരെ പൊലീസ് ലാത്തി വീശി. എന്നിട്ടും പിരിഞ്ഞുപോകാൻ കൂട്ടാക്കാത്തതിനെത്തുടർന്ന്​ അമ്പതോളം പ്രവർത്തകരെ പൊലീസ് അറസ്​റ്റ്​ ചെയ്തുനീക്കി.

സ്വർണക്കടത്ത്​ കേസുമായി ബന്ധപ്പെട്ട്​ കൊച്ചിയിൽ വെള്ളിയാഴ്​ച എൻഫോഴ്​സ്മെൻറ്​​ ഡയറക്​ടറേറ്റ്​ ചോദ്യം ചെയ്​ത ശേഷം വീട്ടി​െലത്തി ​ഞായറാഴ്​ച വൈകീട്ട്​ നാലോടെയാണ്​ മലപ്പുറം വളാഞ്ചേരിയിലെ കാവുംപുറത്തെ വീട്ടിൽനിന്ന്​ മ​ന്ത്രി പോയത്​. കാവുംപുറത്ത്​ ദേശീയപാതയിൽ എത്തിയതോടെ യൂത്ത്​ കോൺഗ്രസ് പ്രവർത്തകർ​ കരി​​ങ്കൊടി കാണിച്ചു​. കാട്ടിപ്പരുത്തിയിലെ തറവാട്ടുവീട്ടിൽ പോയ ശേഷം നാലരയോടെ യാത്ര തുടർന്നു. വളാഞ്ചേരി ദേശീയപാത മീമ്പാറയിൽ യുവമോർച്ച പ്രവർത്തകർ കരി​ങ്കൊടി വീശി​.

തുടർന്ന്​ തവനൂർ പഞ്ചായത്തി​െൻറ പൂന്തോട്ടവും കൃഷിയിടവും മന്ത്രി സന്ദർശിച്ചു. അവിടെവെച്ച്​ മാധ്യമപ്രവർത്തകർ സമീപിച്ചപ്പോൾ പറയാനുള്ളതെല്ലാം ഫേസ്​ബുക്കിൽ പറഞ്ഞെന്ന്​ മറുപടി നൽകി. പൊന്നാനി-കുറ്റിപ്പുറം ദേശീയപാതയിൽ തവനൂർ പഞ്ചായത്തിലെ നിർമാണം പുരോഗമിക്കുന്ന അസാപ്​ കേന്ദ്രവും സന്ദർശിച്ച ശേഷമാണ്​ തിരുവനന്തപുരത്തേക്ക്​ യാത്ര തുടർന്നത്​​. ഇതിനിടയിൽ തൃ​ശൂരിലും മറ്റു സ്​ഥലങ്ങളിലും കരി​ങ്കൊടി കാണിച്ചു. വഴിലുടനീളം കനത്ത സുരക്ഷയാണ്​ പൊലീസ്​ ഒരുക്കിയത്​.

കൊല്ലം പാരിപ്പള്ളിയിൽ മന്ത്രിയുടെ വാഹനം തടയാൻ ശ്രമം നടന്നു. മന്ത്രിയുടെ വാഹനം പാരിപ്പള്ളി ജങ്ഷനിൽ പഞ്ചായത്ത് കമ്യൂണിറ്റി ഹാളിന്​ മുന്നിലെത്തിയപ്പോൾ അവിടെ കാത്തുനിന്ന യുവമോർച്ചക്കാർ മന്ത്രി രാജി​െവക്കണമെന്നാവശ്യപ്പെട്ട് മുദ്രാവാക്യം വിളിച്ച് അവരുടെ വാഹനം റോഡിന് കുറുകെയിട്ട് തടയുകയായിരുന്നു. ഡിവൈഡർ അവസാനിക്കുന്ന ഭാഗത്താണ് തടഞ്ഞത്.

അപ്രതീക്ഷിതമായി റോഡിൽ വാഹനം കണ്ട ൈഡ്രവർ വാഹനം വെട്ടിത്തിരിച്ചപ്പോൾ മന്ത്രിയുടെ വാഹനം പൈലറ്റ് വാഹനത്തിൽ തട്ടി. പൊലീസ്​ ഉടൻതന്നെ യുവമോർച്ച പ്രവർത്തകരെ കസ്​റ്റഡിയിലെടുക്കുകയും മന്ത്രിയുടെ യാത്രക്ക് അവസരമൊരുക്കുകയും ചെയ്തു. പ്രതിഷേധക്കാരെത്തിയ നാല് വാഹനങ്ങൾ പൊലീസ്​ കസ്​റ്റഡിയിലെടുത്തു. കൃഷ്ണപുരത്ത് യൂത്ത് കോൺഗ്രസുകാരുടെ പ്രതിഷേധമുണ്ടായി.

കരുനാഗപ്പള്ളിയിൽ യുവമോർച്ചപ്രവർത്തകർ കരിങ്കൊടി കാട്ടാൻ ശ്രമിച്ചു. ചവറയിലും കരിങ്കൊടി പ്രതിഷേധമുണ്ടായി. കൊട്ടിയത്തും ചാത്തന്നൂരിലും കരിങ്കൊടി പ്രതിഷേധത്തിനുശ്രമിച്ചവരെ പൊലീസ് അറസ്​റ്റ് ചെയ്തുനീക്കി. വിവിധയിടങ്ങളിൽ യുവമോർച്ച പ്രവർത്തകരെ മർദിച്ചതായും പരാതിയുണ്ട്. മന്ത്രിക്കുനേരെ പ്രതിഷേധമുണ്ടാകുമെന്ന വിവരത്തെത്തുടർന്ന് ദേശീയപാതയിലുടനീളം കനത്ത പൊലീസ് സന്നാഹമായിരുന്നു ഒരുക്കിയത്. പലയിടത്തും വാഹനം തടഞ്ഞാണ് മന്ത്രിയുടെ വാഹനവ്യൂഹത്തിന് വഴിയൊരുക്കിയത്. എട്ടരയോടെയാണ് മന്ത്രിയുടെ വാഹനവ്യൂഹം ജില്ല പിന്നിട്ടത്.

Show Full Article
TAGS:kt jaleel gold smuggling kerala politics minister enfrocement directorate 
Next Story