ഭൂപതിവ്​ ചട്ടം 1971 ഭേദഗതി പ്രകാരമുള്ള പട്ടയവിതരണം ഹൈകോടതി വിലക്കി

കൊ​ച്ചി: സ​ർ​ക്കാ​ർ ഭൂ​മി കൈ​വ​ശം വെ​ച്ചി​രി​ക്കു​ന്ന​വ​ർ​ക്ക്​ ഭൂ ​പ​തി​വ് ച​ട്ടം 1971 ഭേ​ദ​ഗ​തി പ്ര​കാ​രം പ​ട്ട​യം അ​നു​വ​ദി​ക്കു​ന്ന​തി​ന്​ ഹൈ​കോ​ട​തി​യു​ടെ വി​ല​ക്ക്. സ​ർ​ക്കാ​ർ ഭൂ​മി കൈ​യേ​റി കൈ​വ​ശം വെ​ച്ചി​രി​ക്കു​ന്ന​വ​ർ​ക്കും പ​ട്ട​യം ന​ൽ​കാ​ൻ അ​നു​വ​ദി​ക്കു​ന്ന​താ​ണ് ഭേ​ദ​ഗ​തി​യി​ലൂ​ടെ ഉ​ൾ​പ്പെ​ടു​ത്തി​യ അ​ഞ്ച്, ഏ​ഴ് ച​ട്ട​ങ്ങ​ളെ​ന്ന്​ വി​ല​യി​രു​ത്തി​യാ​ണ് ജ​സ്റ്റി​സ് മു​ഹ​മ്മ​ദ് മു​ഷ്താ​ഖ്, ജ​സ്റ്റി​സ് ശോ​ഭ അ​ന്ന​മ്മ ഈ​പ്പ​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്‍റെ ഉ​ത്ത​ര​വ്. ഇ​നി​യൊ​രു ഉ​ത്ത​ര​വു​ണ്ടാ​കും വ​രെ​യാ​ണ്​ പ​ട്ട​യ വി​ത​ര​ണ​ത്തി​ന്​ വി​ല​ക്ക്​ ഏ​ർ​പ്പെ​ടു​ത്തി​യ​ത്. ഇ​ടു​ക്കി ജി​ല്ല ക​ല​ക്ട​ർ​ക്കും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്കു​മാ​ണ്​ കോ​ട​തി​യു​ടെ നി​ർ​ദേ​ശം. അ​തേ​സ​മ​യം, കൈ​വ​ശ​ഭൂ​മി അ​ല്ലാ​ത്ത​വ​ക്ക്​ പ​ട്ട​യം അ​നു​വ​ദി​ക്കാ​ൻ ഈ ​ഉ​ത്ത​ര​വ് ത​ട​സ്സ​മ​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്. ഭേ​ദ​ഗ​തി​യി​ലൂ​ടെ ഉ​ൾ​പ്പെ​ടു​ത്തി​യ ച​ട്ട​ങ്ങ​ളു​ടെ നി​യ​മ​സാ​ധു​ത സം​ബ​ന്ധി​ച്ച്​ ചീ​ഫ് സെ​ക്ര​ട്ട​റി​യു​ടെ വി​ശ​ദീ​ക​ര​ണ​വും തേ​ടി.

ഇ​ടു​ക്കി ജി​ല്ല​യി​ലെ കൈ​യേ​റ്റ​ങ്ങ​ൾ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് വ​ൺ എ​ർ​ത്ത്​ വ​ൺ ലൈ​ഫ് എ​ന്ന സം​ഘ​ട​ന ന​ൽ​കി​യ ഹ​ര​ജി​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. പ​ട്ട​യം ല​ഭി​ക്കാ​ൻ ഒ​രു അ​വ​കാ​ശ​വു​മി​ല്ലാ​ത്ത ഭൂ​മി നി​യ​മ​വി​രു​ദ്ധ​മാ​യി കൈ​വ​ശം വെ​ച്ചി​രി​ക്കു​ന്ന​വ​ർ​പോ​ലും പ​ട്ട​യ​ത്തി​ന്​ സ​മീ​പി​ക്കു​ന്ന​താ​യി കോ​ട​തി ചൂ​ണ്ടി​ക്കാ​ട്ടി. പൊ​തു​താ​ൽ​പ​ര്യ​ത്തി​ന്‍റെ അ​ടി​സ്ഥാ​ന​ത്തി​ൽ അ​ർ​ഹ​ർ​ക്ക്​ ഭൂ​മി അ​നു​വ​ദി​ക്കാ​നാ​ണ്​ 1964ൽ ​ഭൂ​പ​തി​വ് ച​ട്ടം കൊ​ണ്ടു​വ​ന്ന​ത്. ച​ട്ടം നാ​ല് പ്ര​കാ​രം കൃ​ഷി, വീ​ട് തു​ട​ങ്ങി​യ ആ​വ​ശ്യ​ങ്ങ​ൾ​ക്കാ​ണ് ഭൂ​മി പ​തി​ച്ചു​ന​ൽ​കാ​നാ​വു​ക. എ​ന്നാ​ൽ, എ​തി​ർ​പ്പി​ല്ലാ​ത്ത​പ​ക്ഷം കൈ​യേ​റ്റ​ഭൂ​മി​യും ഒ​രേ​ക്ക​ർ വ​രെ പ​തി​ച്ചു​ന​ൽ​കാ​മെ​ന്ന് ച​ട്ടം അ​ഞ്ചി​ൽ വ്യ​ക്ത​മാ​ക്കു​ന്നു. 1964 വ​രെ​യു​ള്ള കൈ​യേ​റ്റ​ത്തി​ന് പ​ട്ട​യം ന​ൽ​കാ​നാ​യി​രു​ന്നു ല​ക്ഷ്യ​മെ​ങ്കി​ലും പി​ന്നീ​ട് 1971നു​മു​മ്പ്​ സ​ർ​ക്കാ​ർ ഭൂ​മി കൈ​യേ​റി​യ​വ​ർ​ക്കും അ​പേ​ക്ഷി​ക്കാ​ൻ ച​ട്ടം ഏ​ഴി​ലെ ഭേ​ദ​ഗ​തി​യി​ലൂ​ടെ അ​നു​വ​ദി​ച്ചു. ഭൂ​പ​തി​വ്​ ച​ട്ടം നി​ല​വി​ൽ വ​ന്ന​ശേ​ഷം കൈ​യേ​റി​യ​വ​ർ​ക്കും​ ഭൂ​മി പ​തി​ച്ചു​ന​ൽ​കാ​നു​ള്ള അ​വ​സ​ര​മാ​ണ്​ ഫ​ല​ത്തി​ൽ ഇ​തി​ലൂ​ടെ ഉ​ണ്ടാ​യ​തെ​ന്ന്​ കോ​ട​തി വി​ല​യി​രു​ത്തി.

1964ലെ ​ഭൂ​പ​തി​വ് ച​ട്ടം പൊ​തു​താ​ൽ​പ​ര്യ​ത്തി​നോ പൊ​തു ല​ക്ഷ്യ​ത്തി​നോ വി​രു​ദ്ധ​മാ​യി ഭൂ​മി പ​തി​ച്ചു​ന​ൽ​കാ​ൻ അ​നു​വ​ദി​ക്കു​ന്നി​ല്ല. ച​ട്ടം 11 പ്ര​കാ​രം ത​യാ​റാ​ക്കി​യ പ​ട്ടി​ക​യി​ൽ ഉ​ൾ​പ്പെ​ട്ട സ്ഥ​ലം മാ​ത്ര​മേ പ​തി​ച്ചു​ന​ൽ​കാ​ൻ ക​ഴി​യൂ. കേ​ര​ള ഭൂ ​പ​തി​വ് നി​യ​മ​ത്തി​ന്‍റെ ല​ക്ഷ്യ​ത്തെ തോ​ൽ​പി​ക്കു​ന്ന ച​ട്ട​ങ്ങ​ൾ സ​ർ​ക്കാ​റി​ന്​ രൂ​പ​വ​ത്​​ക​രി​ക്കാ​നാ​കി​ല്ലെ​ന്നും കോ​ട​തി അ​ഭി​പ്രാ​യ​പ്പെ​ട്ടു.