ആംബുലൻസിലെ ബലാത്സംഗം: രണ്ടുപേരുമായെത്തി​ തെളിവെടുപ്പ്​, സംഭവസ്​ഥലം സ്​ഥിരീകരിച്ചു

പത്തനംതിട്ട: കോവിഡ്​ ബാധിച്ച പെൺകുട്ടിയെ ബലാത്സംഗത്തിന്​ ഇരയാക്കിയത്​ റോഡരികിലെ ഒഴിഞ്ഞ പറമ്പിൽ​. പെൺകുട്ടിയെയും പ്രതിയെയും എത്തിച്ച്​ നടത്തിയ തെളിവെടുപ്പിലാണ്​ സ്ഥലം വിമാനത്താവളഭൂമിക്ക്​ സമീപം റോഡരികിലെ ഒഴിഞ്ഞ പറമ്പാ​െണന്ന്​ സ്ഥിരീകരിച്ചത്​.

പെൺകുട്ടി മൊഴി നൽകിയത്​ ആറന്മുള വിമാനത്താവള ഭൂമിയിലായിരുന്നു പീഡനം എന്നായിരുന്നു. പ്രതി നൗഫൽ പറഞ്ഞത്​ റോഡരികിലെ ഒഴിഞ്ഞ പറ​െമ്പന്നുമായിരുന്നു. മൊഴികളിലെ വൈരുധ്യം നിമിത്തമാണ്​ രണ്ടുപേരെയും ഒരുമിച്ച്​ ​എത്തിച്ച്​ തെളിവെടുത്തത്​.

ഞായറാഴ്​ച ​ൈവകീട്ട്​ 5.45ഓടെയാണ്​ ഇരുവരെയും കൃത്യം നടന്ന സ്ഥലത്ത്​ എത്തിച്ചത്​. ആറന്മുളയിൽനിന്ന്​ പന്തളത്തേക്കുള്ള പാതയിൽ വിമാനത്താവളഭൂമിക്ക്​ എതിർവശത്ത്​ നാൽക്കാലിക്കൽ പാലത്തിന്​ സമീപത്തെ ഒഴിഞ്ഞ പറമ്പിൽ എത്തിച്ചാണ്​ തെളിവെടുത്തത്​. സ്ഥലം അതുത​െന്നയാണെന്ന്​ പെൺകുട്ടിയും സ്ഥിരീകരിച്ചു.

പത്തനംതിട്ട ജനറൽ ആശുപത്രിയിൽ പെൺകുട്ടിയെ വൈദ്യപരിശോധനക്ക്​ വിധേയമാക്കിയശേഷമാണ്​ തെളിവെടുപ്പിന്​ കൊണ്ടുവന്നത്​. രണ്ടുപേരും ഒപ്പമുണ്ടായിരുന്ന പൊലീസുകാരും​ പി.പി.ഇ കിറ്റ്​ ധരിച്ചിരുന്നു. രണ്ടുപേരും കാണിച്ചുകൊടുത്ത സ്ഥലം ഒന്നാ​െണന്ന്​ സംഘം വിലയിരുത്തി. തെളിവെടുപ്പിനുശേഷം പെൺകുട്ടിയെ പന്തളത്തെ ഫസ്​റ്റ്​ ലൈൻ ട്രീറ്റ്​മെൻറ്​ സെൻററിലേക്കും പ്രതിയെ പൊലീസ് സ്​​റ്റേഷനിലേക്കും മാറ്റി.