ആംബുലൻസ്​ ഡ്രൈവർമാരും ആശുപ്രതികളും ഒത്തുകളിച്ച്​ രോഗികളെ ചൂഷണം ചെയ്യുന്നു

കോഴിക്കോട്​: സംസ്​ഥാനത്തി​‍െൻറ വിവിധ ഭാഗങ്ങളിൽ ചില സ്വകാര്യ ആംബുലൻസ്​ ഡ്രൈവർമാരും ചില സ്വകാര്യ ആശുപത്രികളും തമ്മിലുള്ള അവിഹിത ഇടപാടിലൂടെ രോഗികൾ ചൂഷണം ചെയ്യപ്പെടുന്നതായി പരാതി.

ഇതുസംബന്ധിച്ച്​ ചില സ്വകാര്യ ആശുപത്രി ഡോക്​ടർമാരിൽനിന്നുതന്നെ ലഭിച്ച വിവരത്തി​‍െൻറ അടിസ്​ഥാനത്തിൽ എത്തിക്കൽ മെഡിക്കൽ ഫോറം നടത്തിയ അന്വേഷണത്തിലാണ്​ വൻ കൊള്ള നടക്കുന്നതായി വ്യക്​തമായത്​.

അത്യാഹിതങ്ങളുണ്ടായാൽ ആംബുലൻസുകളെ ആശ്രയിക്കുന്ന രോഗികളെ തെറ്റിദ്ധരിപ്പിച്ച്​ ആംബുലൻസ്​ ഡ്രൈവർമാർ പ്രത്യേക ആശുപത്രികളിൽ എത്തിക്കുന്നതായാണ്​ ആക്ഷേപം. ചില ഡ്രൈവർമാർ ഇതിന്​ വൻ തുകയാണത്രെ കമീഷൻ കൈപ്പറ്റുന്നത്​. ഒരു സ്വകാര്യ ആശുപത്രി ഡ്രൈവർമാർക്ക്​ നൽകുന്ന തുകയെക്കാൾ അധികം മറ്റൊരു ആശുപത്രി നൽകിയപ്പോൾ ഡ്രൈവർമാർ അവിടേക്ക്​ കൂടുമാറിയെന്നും എത്തിക്കൽ ഫോറത്തി​‍െൻറ അന്വേഷണത്തിൽ വ്യക്​തമായി.

ചെറുകിട സ്വകാര്യ ആശുപത്രികളിലോ സർക്കാർ ആശുപത്രികളായ പി.എച്ച്​.സിയിലോ സി.എച്ച്​.സിയിലോ അത്യാസന്ന നിലയിൽ മെഡിക്കൽ കോളജുകളിലേക്ക്​ റഫർ ചെയ്യുന്ന രോഗികളാണ്​ കൂടുതലും ചൂഷണത്തിന്​ വിധേയമാകുന്നത്​.

രോഗികളുടെ കൂടെയുള്ളവരുടെ പരിഭ്രാന്തി മുതലെടുത്ത്​ ഡ്രൈവർമാർ പ്രത്യേക ആശുപത്രികളിൽ എത്തിക്കുകയാണ്​ ചെയ്യുന്നത്​.

നേര​േത്ത അഞ്ഞൂറും ആയിരവും കമീഷൻ നൽകിയ സ്​ഥാനത്ത്​ ഇപ്പോൾ 4000 രൂപവരെ എത്തിയത്രെ. മേജർ ശസ്​ത്രക്രിയ വേണ്ടിവന്നാൽ ബില്ലി​‍െൻറ നിശ്ചിത ശതമാനം ഡ്രൈവർമാർക്ക്​ നൽകുന്ന ആശുപത്രികളുമുണ്ടെന്നും ഫോറം നടത്തിയ അന്വേഷണത്തിൽ ബോധ്യപ്പെട്ടു.

പൊതുസമൂഹത്തിൽ ഇതുസംബന്ധിച്ച്​ ബോധവത്​കരണം നടത്താൻ സംഘടന കാമ്പയിൻ ആരംഭിച്ചതായി ഫോറം പ്രസിഡൻറ്​ ഡോ. ഇസ്​മായിൽ പറഞ്ഞു.

പണം വാങ്ങുന്ന ചില ആശുപത്രികളിലെ ഡോക്​ടർമാർതന്നെ ഇക്കാര്യം വെളിപ്പെടുത്തിയിട്ടുണ്ടെന്ന്​ അദ്ദേഹം കൂട്ടിച്ചേർത്തു. സംസ്​ഥാന സ്വകാര്യ ആശുപത്രി അസോസിയേഷനും ആംബുലൻസ്​ അസോസിയേഷനുകളും തീരുമാനിച്ചാൽ ഇത്തരം ചൂഷണങ്ങൾ ഒഴിവാക്കാനാകുമെന്ന്​ ചൂണ്ടിക്കാണിക്കപ്പെടുന്നു.