Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightരോഗിയുമായെത്തിയ...

രോഗിയുമായെത്തിയ ആംബുലൻസ് മണിക്കൂറോളം തടഞ്ഞിട്ടതായി പരാതി

text_fields
bookmark_border
രോഗിയുമായെത്തിയ ആംബുലൻസ് മണിക്കൂറോളം തടഞ്ഞിട്ടതായി പരാതി
cancel

കള​മശ്ശേരി: കോവിഡ് രോഗിയുമായി മെഡിക്കൽ കോളജിലെത്തി മടങ്ങിയ ആംബുലൻസ്​ സെക്യൂരിറ്റി വിഭാഗം മണിക്കൂറോളം തടഞ്ഞിട്ടതായി പരാതി. മലയാറ്റൂരിൽനിന്ന്​ 83 വയസ്സുകാരിയുമായി എത്തിയ ആംബുലൻസ് ജീവനക്കാരാണ്​ ദുരനുഭവം സമൂഹമാധ്യമത്തിലൂടെ പങ്കുവെച്ചത്​. ശനിയാഴ്ച പുലർച്ച ഒന്നരയോടെയാണ് സംഭവം.

മലയാറ്റൂർ ഇല്ലിത്തോടിലുള്ള തലക്ക് മുറിവുള്ള വയോധികക്ക് കോവിഡ് സ്ഥിരീകരിച്ചതിനാൽ പ്രാഥമികാരോഗ്യ കേന്ദ്രത്തിൽനിന്ന്​ കളമശ്ശേരി മെഡിക്കൽ കോളജ്​ ആശുപത്രിയിലേക്ക് പറഞ്ഞയക്കുകയായിരുന്നു. ഇതനുസരിച്ച് (108) ആംബുലൻസിൽ മെഡിക്കൽ കോളജിലെത്തിച്ച രോഗിയെ ഐ.സി.യുവിൽ പ്രവേശിപ്പിച്ചു.

പിന്നാലെ മടങ്ങാൻ തുടങ്ങിയ ആംബുലൻസിനോട് പോകാൻ വരട്ടെയെന്ന് ആശുപത്രി അധികൃതർ പറഞ്ഞു. എന്നാൽ, എറണാകുളം ഐ.എം.എ കൺട്രോളിൽ ബന്ധപ്പെട്ടപ്പോൾ തിരികെ ബേസ്​ ലൊക്കേഷനിൽ എത്താനാണ് നിർദേശിച്ചത്. അതനുസരിച്ച് മടങ്ങിയപ്പോൾ സെക്യൂരിറ്റി വിഭാഗം തടഞ്ഞിടുകയായിരുന്നു.

ആംബുലൻസ് ജീവനക്കാരോട്​ മോശമായി സംസാരിച്ചതായും പറയുന്നു. പിന്നീട് പൊലീസ് ഇടപെട്ടതിനെത്തുടർന്ന് നാല്​ മണിക്കൂറിനുശേഷമാണ് പോകാനായതെന്നും ഇവർ പറയുന്നു. എന്നാൽ, ആശുപത്രി കൺട്രോൾ റൂമിൽനിന്നുള്ള നിദേശത്തെതുടർന്നാണ് തടഞ്ഞതെന്നാണ് സെക്യൂരി വിഭാഗം ഉദ്യോഗസ്ഥൻ മണിരാജ് പറയുന്നത്​.

Show Full Article
TAGS:ambulance blocked 
News Summary - ambulance carrying the patient was reportedly blocked for hours
Next Story