കൂട്ടിയിടിച്ച ആംബുലൻസുകളിലൊന്ന്​ നിയന്ത്രണംവിട്ട്​ ഇടിച്ചിട്ടു; 12കാരൻ മരിച്ചു

ഗാന്ധിനഗർ: കാൽനട യാത്രക്കാരനായ 12കാരൻ ആംബുലൻസ് തട്ടി മരിച്ചു. പുതുപ്പള്ളി പരിയാരം തേവര ചിറയിൽ റെജിയുടെ മകൻ റോഷിൻ (12) ആണ് മരിച്ചത്. ശനിയാഴ്ച രാവിലെ ഒമ്പത്​ മണിക്ക്​ വാകത്താനത്തിന് സമീപമായിരുന്നു അപകടം. 

കൈതേപ്പാലം ഭാഗത്തുനിന്ന് ഞാലികഴിയിലേക്ക് പുതുപ്പള്ളി പാറേട്ട് ആശുപത്രിയിലെ ജീവനക്കാരുമായി വന്ന ആംബുലൻസ് എതിരെ വന്ന വാകത്താനം പ്രൈമറി ഹെൽത്ത് സ​െൻററി​​െൻറ മാരുതി ഓംനി ആംബുലൻസിൽ ഇടിക്കുകയായിരുന്നു. 

ഇടിയുടെ ആഘാതത്തിൽ നിയന്ത്രണം വിട്ട മാരുതി വാൻ സമീപത്തെ കടയിലേക്ക് വന്ന കാൽനടക്കാരനായ റോഷിനേയും ഇടിച്ചിട്ടു. ഗുരുതരമായി പരിക്കേറ്റ റോഷിനെ കോട്ടയം മെഡിക്കൽ കോളജിൽ എത്തിച്ചുവെങ്കിലും രാവിലെ11 മണിയോടെ മരിച്ചു.