ആംബർ ഗ്രീസ്: തൃശൂർ ഇടനിലകേന്ദ്രം അ​ന്വേ​ഷ​ണം ശ​ക്ത​മാ​ക്കി പൊ​ലീ​സ്

തൃ​ശൂ​ർ: തൃ​ശൂ​രി​ൽ ര​ണ്ടാം ത​വ​ണ​യും കോ​ടി​ക​ളു​ടെ തി​മിം​ഗ​ല ഛർ​ദി​ൽ (ആം​ബ​ർ ഗ്രീ​സ്) പി​ടി​കൂ​ടി​യ​തോ​ടെ അ​ന്വേ​ഷ​ണം ശ​ക്ത​മാ​ക്കി പൊ​ലീ​സ്. നേ​ര​ത്തേ ല​ഭി​ച്ച സൂ​ച​ന​ക​ളു​ടെ അ​ടി​സ്ഥാ​ന​ത്തി​ലു​ള്ള നി​രീ​ക്ഷ​ണ​ത്തി​നൊ​ടു​വി​ലാ​ണ് വെ​ള്ളി​യാ​ഴ്ച രാ​ത്രി കെ.​എ​സ്.​ആ​ർ.​ടി.​സി സ്​​റ്റാ​ൻ​ഡി​ന് സ​മീ​പ​ത്തു​നി​ന്ന്​ അ​ഞ്ച് കോ​ടി​യു​ടെ തി​മിം​ഗ​ല ഛർ​ദി​ൽ പി​ടി​കൂ​ടി​യ​ത്. പ്ര​ധാ​ന​മാ​യും സു​ഗ​ന്ധ​ലേ​പ​ന നി​ർ​മാ​ണ​ത്തി​നാ​ണ് ഇ​ത്​ ഉ​പ​യോ​ഗി​ക്കു​ന്ന​ത്. മോ​ഹ​വി​ല​യാ​ണ് വാ​ഗ്ദാ​നം ചെ​യ്യു​ന്ന​ത്.

തി​മിം​ഗ​ല ഛർ​ദി​ലി​െൻറ അ​ന്താ​രാ​ഷ്​​ട്ര ഇ​ട​പാ​ടു​ക​ൾ​ക്കു പോ​ലും തൃ​ശൂ​ർ ഇ​ട​നി​ല​യാ​വു​ന്നു​വെ​ന്ന സൂ​ച​ന​യാ​ണ് ഇ​തു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​ത്തി​ൽ പൊ​ലീ​സി​ന് ല​ഭി​ച്ച​ത്. ക​ഞ്ചാ​വ് അ​ട​ക്ക​മു​ള്ള ല​ഹ​രി വ​സ്തു​ക്ക​ൾ​ക്കും ഇ​രു​ത​ല​മൂ​രി, വെ​ള്ളി​മൂ​ങ്ങ അ​ട​ക്ക​മു​ള്ള​വ​യു​ടെ വി​പ​ണ​ന​ത്തി​നും തൃ​ശൂ​ർ ഇ​ട​ത്താ​വ​ള​മാ​യി മാ​റി​യെ​ന്നാ​ണ് വി​ല​യി​രു​ത്ത​ൽ.

വെ​ള്ളി​യാ​ഴ്ച തൃ​ശൂ​രി​ൽ​നി​ന്ന്​ തി​മിം​ഗ​ല ഛർ​ദി​ലു​മാ​യി സം​ഘ​ത്തെ പി​ടി​കൂ​ടു​ന്ന​തി​െൻറ ഭാ​ഗ​മാ​യി ന​ട​ത്തി​യ അ​ന്വേ​ഷ​ണ​ത്തി​ൽ തൃ​ശൂ​രി​നെ കൂ​ടാ​തെ കൊ​ല്ലം, തി​രു​വ​ന​ന്ത​പു​രം, ക​ണ്ണൂ​ർ, കോ​ഴി​ക്കോ​ട് ജി​ല്ല​ക​ളി​ൽ പൊ​ലീ​സ് തി​മിം​ഗ​ല ഛർ​ദി​ലി​െൻറ ഇ​ട​നി​ല​ക്കാ​രെ ക​ണ്ടെ​ത്തി. പാ​ല​ക്കാ​ട്, മ​ല​പ്പു​റം, എ​റ​ണാ​കു​ളം ജി​ല്ല​ക​ളി​ലും ഇ​ട​പാ​ടു​ക​ളി​ൽ ക​ണ്ണി​ക​ളാ​യു​ണ്ടെ​ന്നും വ്യ​ക്ത​ത ല​ഭി​ച്ചു. ല​ഹ​രി​ക്ക​ട​ത്തി​നേ​ക്കാ​ൾ വ​ലി​യ സാ​മ്പ​ത്തി​ക​നേ​ട്ടം ഇ​തി​ലൂ​ടെ ല​ഭി​ക്കു​ന്നു​ണ്ടെ​ന്നാ​ണ് പ​റ​യു​ന്ന​ത്. ജൂ​ലൈ​യി​ൽ ചേ​റ്റു​വ​യി​ൽ​നി​ന്ന്​ 30 കോ​ടി രൂ​പ വി​ല വ​രു​ന്ന 18 കി​ലോ തൂ​ക്ക​മു​ള്ള തി​മിം​ഗ​ല ഛർ​ദി​ലാ​ണ് പി​ടി​കൂ​ടി​യ​ത്. ഇ​തി​ൽ മൂ​ന്നു​പേ​ർ പി​ടി​യി​ലാ​യി​രു​ന്നു.

ഇ​പ്പോ​ൾ അ​ഞ്ച് കോ​ടി വി​ല വ​രു​ന്ന അ​ഞ്ച് കി​ലോ​ഗ്രാ​മാ​ണ് പി​ടി​കൂ​ടി​യ​ത്. ഈ ​ര​ണ്ട് സം​ഭ​വ​ങ്ങ​ളി​ലും ചാ​വ​ക്കാ​ട്, വാ​ടാ​ന​പ്പ​ള്ളി, എ​റ​ണാ​കു​ളം, മ​ല​പ്പു​റം സ്വ​ദേ​ശി​ക​ൾ ഉ​ൾ​പ്പെ​ട്ടി​ട്ടു​ണ്ട്. ഇ​വ​രെ ചോ​ദ്യം ചെ​യ്ത​തി​ൽ​നി​ന്ന്​ ക​ട​ലി​ൽ മ​ത്സ്യ​ബ​ന്ധ​ന​ത്തി​ന് പോ​കു​ന്ന​വ​രി​ൽ​നി​ന്ന്​ ല​ഭി​ച്ച​താ​ണെ​ന്ന മൊ​ഴി മാ​ത്ര​മാ​ണ് പൊ​ലീ​സി​നും വ​നം​വ​കു​പ്പി​നും ല​ഭി​ച്ച​ത്. എ​ന്നാ​ൽ, വ​ൻ സം​ഘം ഇ​തു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്നു​ണ്ടെ​ന്നാ​ണ് പൊ​ലീ​സ് ന​ൽ​കു​ന്ന സൂ​ച​ന.