അം​ബേ​ദ്​​ക​ർ നാ​ഷ​ന​ൽ എ​ക്​​സ​ല​ൻ​സ്​ അ​വാ​ർ​ഡ്​ ജെ. ​സ​ജീ​മി​ന്​

കൊല്ലം: ഡോ. അംബേദ്കർ ജയന്തി സെലിബ്രേഷൻ കമ്മിറ്റിയുടെ അംബേദ്കർ നാഷനൽ എക്സലൻസ് അവാർഡിന് ‘മാധ്യമം’ കൊല്ലം ബ്യൂറോ ലേഖകൻ ജെ. സജീം അർഹനായി. ‘മരണമണി മുഴങ്ങുന്ന കശുവണ്ടി വ്യവസായം’ പരമ്പരയാണ് അവാർഡിന് പരിഗണിച്ചതെന്ന് അംബേദ്കർ ജയന്തി സെലിബ്രേഷൻ കമ്മിറ്റി ചെയർമാൻ കെ. രാമൻകുട്ടി അറിയിച്ചു. പ്രശസ്തിപത്രവും ഫലകവും അടങ്ങുന്നതാണ് പുരസ്കാരം. 2016ൽ കൊല്ലം പ്രസിഡൻഷ്യൽ േട്രാഫി ജലോത്സവത്തിലെ മികച്ച റിപ്പോർങ്ങിനുള്ള പുരസ്കാരവും സജീമിന് ലഭിച്ചിട്ടുണ്ട്.