യുവാവിനെ കൊന്ന് കടപ്പുറത്ത് കുഴിച്ചിട്ട സംഭവം: ഒരാൾ കൂടി അ​റ​സ്​​റ്റി​ൽ

അ​മ്പ​ല​പ്പു​ഴ: യുവാവിനെ കൊന്ന് കടപ്പുറത്ത് കുഴിച്ചിട്ട സംഭവത്തിൽ ഒരാൾ കൂടി അ​റ​സ്​​റ്റിലായി. ജോൺ പോൾ (32) എന്ന യാളെയാണ് പുന്നപ്ര പൊലീസ് അ​റ​സ്​​റ്റ് ചെയ്തത്. ഇതോടെ കേസിൽ അ​റ​സ്​​റ്റിലായവരുടെ എണ്ണം അഞ്ചായി.

ക​ഴി​ഞ്ഞ 19ന് ​പുന്നപ്ര പറവൂരിലെ ബാറിൽവെച്ചുണ്ടായ സംഘർഷത്തെ തുടർന്ന് കാ​ണാ​താ​യ പു​ന്ന​പ്ര പ​റ​വൂ​ർ ര​ണ്ടു​തൈ വെ​ളി​യി​ൽ മ​നു (കാ​ക​ൻ മ​നു-28) വി​​െൻറ മൃ​ത​ദേ​ഹ​മാ​ണ് ഗലീലിയ ക​ട​ൽ​ത്തീ​ര​ത്തു​നി​ന്ന് കഴിഞ്ഞ ദിവസം ക​ണ്ടെ​ടു​ത്ത​ത്. നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​യാ​ണ്​ മ​നു. മനുവിനെ ക​ട​ലി​ൽ കെ​ട്ടി​ത്താ​ഴ്ത്തി​യെ​ന്നാണ് പ്ര​തി​ക​ൾ ക​ു​റ്റ​സ​മ്മ​ത​ത്തി​ൽ പ​റ​ഞ്ഞിരുന്നത്.

കേ​സി​ൽ ഒ​ളി​വി​ൽ ക​ഴി​ഞ്ഞി​രു​ന്നവർ േനരത്തെ അ​റ​സ്​​റ്റി​ലാ​യി​രു​ന്നു. ഇവരുടെ മൊഴിയുടെ അ​ടി​സ്ഥാ​ന​ത്തി​ൽ ന​ട​ത്തി​യ തി​ര​ച്ചി​ലി​ലാ​ണ് മൃ​ത​ദേ​ഹം മ​ണ​ലി​ൽ അ​ഞ്ച്​ അ​ടി​യോ​ളം താ​ഴെ കു​ഴി​ച്ചി​ട്ട നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ൽ വ​സ്​​ത്ര​ങ്ങ​ളു​ണ്ടാ​യി​രു​ന്നി​ല്ല. ക​ട​ലി​ൽ കെ​ട്ടി​ത്താ​ഴ്ത്തി​യെ​ന്ന്​ പ​റ​ഞ്ഞ സ്ഥ​ല​ത്തു​നി​ന്ന് മൃ​ത​ദേ​ഹം തീ​ര​ത്തു​കൂ​ടി വ​ലി​ച്ചി​ഴ​ച്ചാ​ണ് ഇ​വി​ടെ​യെ​ത്തി​ച്ച​ത്. വ​ലി​ച്ചി​ഴ​ക്കു​ന്ന​തി​ന് മു​മ്പ് മ​നു ധ​രി​ച്ചി​രു​ന്ന വ​സ്ത്ര​ങ്ങ​ളും മ​നു​വി​​െൻറ ര​ക്തം​പു​ര​ണ്ട പ്ര​തി​ക​ളു​ടെ വ​സ്ത്ര​ങ്ങ​ളും ന​ശി​പ്പി​ക്കുകയും ചെയ്തു.