Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right'ഇത്​ പാൽ...

'ഇത്​ പാൽ സൊസൈറ്റിയിലേക്കുള്ള​ തെരഞ്ഞെടുപ്പല്ല''; യു.ഡി.എഫ്​ സ്ഥാനാർഥി അരിത ബാബുവിനെ എ.എം ആരിഫ്​ അധിക്ഷേപിച്ചെന്ന്​

text_fields
bookmark_border
ഇത്​ പാൽ സൊസൈറ്റിയിലേക്കുള്ള​ തെരഞ്ഞെടുപ്പല്ല;   യു.ഡി.എഫ്​ സ്ഥാനാർഥി അരിത ബാബുവിനെ എ.എം ആരിഫ്​ അധിക്ഷേപിച്ചെന്ന്​
cancel

ആലപ്പുഴ: കായംകുളത്തെ എൽ.ഡി.എഫ്​ തെരഞ്ഞെടുപ്പ്​ കൺവെൻഷനിടെ സി.പി.എം നേതാവും എം.പിയുമായ എ.എം ആരിഫ്​ യു.ഡി.എഫ്​ സ്ഥാനാർഥിയായ അരിത ബാബുവിനെ അധിക്ഷേപിച്ചതായി ആരോപണം. സംഭവത്തിന്‍റെ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്​.

ഇത്​ പാൽ സൊസൈറ്റിയിലേക്കുള്ള തെരഞ്ഞെടുപ്പല്ല. കേരള നിയമസഭയിലേക്കുള്ള തെരഞ്ഞെടുപ്പാണെന്നായിരുന്നു ആരിഫിന്‍റെ പരാമർ​ശം. പരാമർശം അധിക്ഷേപകരമാണെന്ന്​ ചൂണ്ടിക്കാട്ടി യു.ഡി.എഫ്​ കേന്ദ്രങ്ങൾ വിഡിയോ പ്രചരിപ്പിക്കുന്നുണ്ട്​​. വിഷയത്തിൽ ആരിഫിന്‍റെ പ്രതികരണം അറിവായിട്ടില്ല. യു.ഡി.എഫ്​ സ്ഥാനാർഥിയായ അരിത ബാബു ക്ഷീരകര്‍ഷകയെന്ന നിലയിൽ പ്രദേശത്ത്​ പ്രവർത്തിച്ച്​ വരുന്നയാളാണ്​. പ്രിയങ്ക ഗാന്ധി അടക്കമുള്ള കോൺഗ്രസ്​ നേതാക്കൾ അരിതയുടെ പശുവളർത്തൽ കേന്ദ്രം സന്ദർശിച്ചിരുന്നു.

ആലപ്പുഴ ജില്ല പഞ്ചായത്ത്​ മുൻ അംഗമായ അരിത ബാബു സംസ്ഥാനത്തെ ഏറ്റവും പ്രായം കുറഞ്ഞ വനിത സ്ഥാനാർഥിയാണ്​. കായംകുളത്തെ സിറ്റിങ്​ എം.എൽ.എ യു.പ്രതിഭയോടാണ്​ അരിത പോരിനിറങ്ങുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:am arifAritha Babu
Next Story